《我老婆唔係我女朋友》【那些年／日常／校園】 第一至三章: 【第二章】 愛・還記得嗎？（2）
當天電影上映時我沒有入場看，因為在本地公映的前兩年（日本84年已經上畫了），VHS影帶已經在同學間不停流傳及複製，日本原曲早已聽了不知多少遍，只是苦無辦法找到CD，事關當年日本Soundtrack（OST）在城中不太流行，就算找到也因為跟動漫產品掛鈎，水漲船高下動輒炒成天價。所以去到03年在PS2上（PS1和Sega Saturn版我也有買，唔好玩！），玩到號稱「電影完全移植」的電玩版《超時空要塞マクロス》，既能夠完全重溫電影片段，揸住福卡機「一騎當千」，打最後一場突破戰的同時，聽著鈴明美唱《愛・おぼえていますか》（是真正電影版本呀～），那種感動之情，真是一邊避飛彈之餘，一邊毛管戙，還一邊流眼淚呀。
「咦？真係好嘢嚟噃！新歌呀？」我恍然大悟。
「你開盒睇吓入面先啦，3吋CD嚟嘅，唱片公司終於肯用飯島真理嘅本名，而唔係鈴明美個名出喇，係真正嘅出櫃作品，噉梗係嗰首《可有記起愛》啦。」Leon不厭其煩的解釋。
「3吋CD照播到㗎咩？你又會有嘅？」我非常好奇。
「3吋CD多數係單曲或是呢啲做promo嘅白版碟，放落唱機照播就得嘞，我家姐喺製作公司度攞嘅，日本唱片公司打算用嚟派街做宣傳，量產碟預定下年九月先出。啱先電視先播返電影版呀。」Leon一輪嘴解釋。