《我老婆唔係我女朋友》【那些年／日常／校園】 第一至三章: 【第二章】 我們都有動物人格（2）
經歷了廿年的「艱苦」鍛鍊，才勉強叫看懂老媽的面色，但是今晚跟阿心相處的幾小時，發現大家的默契居然不下於有長年磨合的經驗，甚至是不用讀而知心，那種因合拍而產生的喜悅可想而知。仔細一想，雖然認識阿心時日未算很長，可是從日常表現和昨晚的「接觸」，幾乎可以肯定她也是貓系人格。
只是…小貓咪溫馴時很可愛，發惡時會變老虎嗎？
今晚上床時已經差不多凌晨1點多，睡在床上左思右想，想起今晚的「奇遇」，聯想她似貓咪的性格，想起她的笑聲，想著…又有點掛念她，久久不能入眠，碌來碌去差不多天光才瞌眼淺睡了一會。
早上八半返A1班上課，Leon見我一臉倦容：「搞咩嘢呀，通頂呀？我搞莊嘢都無你咁謝喎。」
「唉，多得馬飛條粉皮囉，噚晚畀完隻碟你，跟住畀佢夾咗去唱K，搞到好夜先走。」終於有人可以聽我呻下，不過詳情我也懶得說太多。
啊呀，唔知Leon算係邊種動物人格呢？呢條友個性樂觀、疏爽熱心、口舌便給，對人尤其是女生誠懇熱情，又風度翩翩；對外樂於結交朋友，擅長建立人際關係，我說他一定是孔雀型人格，喜歡創新刺激的工作，人們（嘿，尤其是女的）給他刺激就會開屏啦，難怪他在他老姐的4A Agency，做兼職活動助理做得那麼開心（佢老姐是高層，邊個敢畀面色佢睇呢又），那些需要公開表現和引人注目的推廣活動就最啱他做了。
「唱K？！少有喎，我都未聽過你唱歌哩。」說著他在袋中掏出一隻白版CD。「嗱，畀啲A++好嘢你提吓神嘞。飯島真理呀。」一副毒品拆家的口吻。
唔夠瞓令我仍然渾渾噩噩：「吓，邊個話？」
「有無搞錯呀，鈴明美呀。」