《我老婆唔係我女朋友》【那些年／日常／校園】 第一至三章: 【第一章】 算是開始交往了嗎？（３）
戴上耳筒聽著歌，沿著窩仔街走向白田方向，行不消10分鐘步程，就返到巴域街尾我家樓下了，原來大家的「距離」真的幾近。
是的，說的只是家的距離。
回家一看，原來已經11點半，老媽仍在趕稿：「無淋雨咩？頭先好大雨喎，食咗飯嘞，係咪？」她兼職「正稿」，日夜都宅在家裡爬格子。一輪嘴的問長問短，突然她眼睛微微瞇起斜睥著我：「咦，飲過酒呀？」
不知道是她嗅覺靈敏還是我樣子有異，不過飲啖酒都沒甚麼大不吧，我如常的回答：「少少濕身啦，不過好～彩～妳叫我帶遮咋。」濕到出水就真，但是這句對老媽「好彩帶遮」的感激，卻是由衷的，無嗰把縮骨遮，今晚少好多福利呀。「同同學一齊食飯時，飲咗啲fruit punch啫，沖涼喇，聽日返早呀。」
沖涼…我看著自己的手，咁大個仔才第一次拖到女仔手，究竟洗唔洗手好呢？我不禁認真思考了片刻。
老媽卻仍在咕噥著：「唓～又話自己唔煙唔酒嘅，吹水。」
我邊行邊說：「都退咗役幾年啦，飲少少酒唔怕啩，唔食煙咪得囉。」我突然想起剛才老媽的眼神，何解有種熟悉嘅感覺呢？心中一動，剛才阿心也有這樣的表情啊，她又能夠像老媽一樣看穿我的想法喎，就連小串嘴的態度也極為相似；相對地，會不會因為阿心的性格類近家中這個女人，所以自己才無意識大膽的跟她互動呢？
想到這裡頭皮有點發麻，唔通家裡家外都要應付兩個阿媽？不過一想起阿心的笑靨，心中生暖，恨不得明天的課堂馬上來到。
日常一些不被留意的小事，往往都會成為無可替代的回憶，亦可能成為影響一生的契機。如果當天無留意到她的手凍，無捉緊機會去拖她的手，下半生的人生可能就會截然不同了。