《我老婆唔係我女朋友》【那些年／日常／校園】 第一至三章: 【第一章】 《男兒當入樽》的遺憾（５）
跟我們身處上堂的lecture hall不同，這裡說的hall是指宿舍，寄宿生「吃喝拉撒睡」全都在學校內完成，聞說寄宿的生活自由自在、時間自主、夜夜笙歌、翻雲覆…還豪言未住過hall的就枉為大專生了；不過那些年大家都不太熱衷寄宿，除非是家居環境問題，否則大家都樂於做走讀生，即是傳統式的坐車返學，放學離開學校，晚上黐屋企住，家中飯來張口，洗熨又有人處理，起碼慳返伙食、宿費、梳洗等生活開支，況且十個有九個同學放學後都去開工（或者去玩），收工後又再返去學校瞓？好像有點怪怪的。
我、Leon、馬飛都是走讀生，阿May是寄宿生，「鬆姐」更是宿生中的特權階層，有無敵靚景的單人房（一般宿生都是住雙人宿舍）。
「哦～咁你一陣幫忙話聲佢知我搵過佢啦。」馬飛有點無奈的說。我們都知道阿May跟馬飛是K友，佢哋經常聯袂巡視各大K場的業務，去得最多的Neway，玩到幾乎是合伙人咁滯了，唔使問都知佢是過來約腳的。
看看環境就快上堂了，我做了個OK的手勢然後再做了趕蚊似的動作著他速速離開。
臨走前佢突然醒起：「差點唔記得提你，噚日阿心話，下星期嗰堂唔知要準備啲乜嘢喎，你落堂過嚟問清楚好啲。」
我問他：「你哋今日邊間房？」
他半邊身已在課室外：「同噚日一樣啦。」