《我老婆唔係我女朋友》【那些年／日常／校園】 第一至三章: 【第一章】 痴漢的日常（５）
原本已經沒有在意她的狀況，到上了火車後，咦？眼尾睄到佢又上了同一班車，就在兩卡車廂前，唯有照舊扮見唔到好了，反正佢唔應該對我有印象的。
偷偷望到佢都戴上耳筒，嗯～佢都聽歌嘅。
92年閒日的火車，並沒有現在那麼人多擠迫，事關往返內地仍非輕鬆平常的事，所以我仍可通過車廂通道，每隔兩個站就偷偷望一下。呵，她還在啊，雖然距離太遠，她的面目仍舊很模糊，但不知何解反而有一種期待，嗯～唔知會唔會咁啱大家去同一個站呢？如果將來有機會約埋一齊返放學就好了，如果…
去到九龍塘站轉車，咦？她又起身由火車轉地鐵喎，好，立直撳叫糊掣！（街機有一款打麻雀機，預備叫糊（立直）要先撳叫糊掣的）
有啲運仔，過到地鐵月台，她竟然在等和我去同一方向的車，接著又順利地一齊上了同一班地鐵，這樣尾隨著一個既唔相識，又唔清楚佢樣子的女生，只因對她（或是她的馬尾…）有莫名其妙的好感，我真心覺得自己是一個不折不扣的變態痴漢。
嘿，唔理了，當做在平淡的校園生活中找點樂趣吧，不過實情都唔跟得太遠，因為我只坐一個站，由九龍塘到石硤尾我就落車了，只能目送她繼續前進，頂，詐糊！原來唔係同我同一個站落。
這是我跟她第一次的偶遇，情節雖然老土，卻是真實的情況。噢，當然唔是講跟蹤陌生女生的變態行為啦。