《我老婆唔係我女朋友》【那些年／日常／校園】 第一至三章: 【第一章】 神化鬥神經，菩薩戰老仙（２）
話說「鬆姐」是禁語，不能兜口兜面跟她說的，花名來自她的真名諧音「𡁻完 鬆」，所以Leon特別提醒我，將來見到她時，千萬只叫她Zoe就好了，他已經記不起多少次，幫人排解過因為亂叫「鬆姐」所引起的齟齬；因著「鬆姐」出身（身家亦然）顯赫，Leon告訴我她從小已經行事低調，刻意疏遠同學，只是他倆長年同班，因此才比較親近（我就話佢有女人緣…），可能是成長於大商家家族吧，她是個霸氣內斂的人，在文靜的外表下帶點「老闆」的氣慨，錢多唔使講啦，她還樂於幫朋友遮風擋雨（物質方面，唔是物理方面），Leon說她實在是非常有義氣的，只是有時喜歡鬥氣又要面子，所以真正朋友不多，想不到她願意做「菩薩」的最後金主。
眼見「鬆姐」睥住自己，前任好像我一樣，仍未知道「條女咩料」：「點呀，唔係呢位女同學就係贊助人下嘛？」嬌小玲瓏的「鬆姐」，一身毫不起眼的運動裝束，絕無半分殺傷力，前任當然無需同佢客氣了。
「噢～呢位同學唔算係贊助人，佢只係代表『趙氏基金』嘅觀察員，基金會執委睇過我哋嘅計劃書，原則上係同意贊助部份活動嘅。」Leon從容不迫的解釋。「但如果要將全個計劃書改返用舊年版本，恐怕基金會要二次複核，到時觀察員將如實將閣下嘅一言一行，反映畀基金會執委知道，由佢哋決定贊助『菩薩版』，還是『舊莊版』喏。」Leon此舉即是將老仙黨擺上枱，將他們以為可以隻手遮天的劣行，間接讓學校管理層知悉。