地下鐵的約會: 7.1 奧運

7.1 奧運
「原來你都鍾意食番茄㗎？」
「你有無睇鬼滅之刃？」

玥婷一邊吃著一邊和我交談著，我卻有點搭不上嘴...
因為她實在太滔滔不絕了！

「呃...我就未睇過鬼滅喇」我低聲說，生怕很羞恥
「哎呀，未睇過...我...咪...咪帶你去睇咯」玥婷說的這句驚動了我





我，是要單獨和異性看電影了嗎？

「吓...我係話好啊，幾時啊」我還沒回過神來
「唔...今晚荃灣廣場有得睇喎，聽日又星期六，不如就今晚啦」玥婷看著電話說
「好...好啊，我6點半34總站等你啦」我戰戰兢兢地說
「好啊，你記得唔好遲到喎」她回應說

回到家後，我一直都很緊張，畢竟是第一次和玥婷約會。

「著咩衫好呢...帶啲咩可以顯得我貼心呢」我自言自語著




「欸，同女朋友仔出街啊？」老媽的出其不意把我嚇個半死
「呃...呃...」我支吾以對
「你自然啲啦，女仔鍾意你先會約你嘛，俾啲信心！」老媽鼓勵著我
「嗯！」我鼓勵著自己

晚上6點鐘，我已經在車站等候著心中女神，畢竟女生遲到是有特權而且是常識。

「唉...佢會唔會係唔黎㗎」我不安地踱步
「等左好耐喇？」乍見一個女孩走近我
欸，這是玥婷嗎？她好像沒戴眼鏡...




「呃...你係玥婷？」我試探地問

格仔裙，針織帽，圓框眼鏡...
天啊這是上帝派遣來的天使嗎？

「乜我真係同平時好唔同咩？」玥婷不滿地呢喃著
「唔係唔係...係妳戴左眼鏡...好靚」很奇妙，戴上眼鏡的女生通常都比較漂亮
「嘿嘿，返學我多數戴con，你好彩啦咁都見到我戴眼鏡」她說

我倆坐車到商場去，二人坐在一排，脫去校服的包袱，更像熱戀的情侶，可是我們都知道我們不是。

「你有無買飛㗎？」我忽然想起
「咦...哈哈...唔記得左」她的樣子似乎有點低落
「唔緊要啦，可能現場都仲有」我試圖安慰著她
「希望係咁啦」她依然十分低落





其實我一早買好了電影票，哈哈。

到商場後，我和她先找地方吃飯，卻覓不到一個便宜又舒適的餐廳。

「M記咯，少人又平」玥婷竟然說
「咁唔好嘅，話晒都係我地第一次約會」我越說越小聲
「你講咩話？」玥婷似乎聽到我說話
「無...我話你話事啦」
「咁M記咯」她說

匆匆吃過麥當勞，玥婷的臉上仍舊泛著淡淡愁緒。

「做咩啊，仲係因為無買飛而唔開心？」我問
「唉，我唔係怕無得睇，我係驚你覺得我大意」玥婷說





她，是在乎我嗎？

「唔使驚喎，鬼滅之刃吖嘛，你睇吓啱唔啱？」我遞給她兩張戲票
「啊！點解你會有嘅」她似乎很驚喜
「咁...有時男仔要細心啲嘅」我搔搔頭說
「咁仲唔行？七點九開場喎」玥婷拉著我的手連跑帶跳地走到電影院

呃...那戲我也不會認真看罷了。

開場後，玥婷全神貫注看著大銀幕。
而我，全神貫注看著她全神貫注的樣子。

「呃...」玥婷顫抖著
「你凍啊？」我低聲地問




「嗯...少少」玥婷說

我立刻翻找我的袋子，偏偏忘記帶外套。

「呃...你唔介意的話，不如...」我緊握著玥婷的手，用我手掌的餘溫溫暖著她的身軀
「啊...」玥婷似乎受驚，我連忙放手
「ok嗎？唔好意思啊」我生怕令玥婷不適
「好溫暖...」玥婷輕聲說

這一刻 這一秒 很曖昧

如是者，我整場電影就是在溫暖玥婷。

「嗚...嗚...睇咁多次都咁好睇」玥婷散場後啜泣著
「有...有無咁誇張啊」我不解地說




「你唔明㗎喇...」玥婷平復了心情說
「唔...咁我請妳食甜品安撫吓妳又得唔得呢小姐」我靈機一觸
「唔...又好啫」果然女生都愛甜食

我把她帶到荃灣最寂寂無名的甜品店。

「識嘢喎去友記」玥婷眼中滿是讚嘆的眼神
「基本啦，荃灣地膽嘛」我自豪地說
「哼，一般啦」她毫不在乎地說
———————
愛神的眷顧終於來臨了>.<
即將到站，我和妳心房的距離
今明兩週 結局篇及大結局