地下鐵的約會: 2 大窩口

(本章篇幅較短，男女角度同時出🤫)

2.1 大窩口
回到學校，看著那枝鉛筆，情不自禁地發呆了。
「哇，難得你把口唔係講緊嘢喎」我的兄弟Ben恥笑著我說
「屌你啦，我啲嘢你點會明」我繼續看著那枝鉛筆發呆
「我地嘅兄弟好少沉思㗎喎，咩事先」另一個好兄弟Matthew也問了

我一五一十向他們告訴了今早的事，他們只是捧腹大笑，笑我自作多情



「人地唔攞返枝筆當俾學費你咋柒頭」
「十幾歲人唔好咁多幻想啦」

我試圖向他們解釋來龍去脈，似乎他們並不受落。

「一係咁，你呢個星期內再見到佢，我地就唔笑你」他們說
「好啊，就睇吓點」我說

放學的時候，一如既往踏上地鐵，環顧四周，卻尋找不到她的身影。



「唉，唔通真係俾佢地講中，係我自作多情？」


2.2 大窩口
回到學校，測驗很順利，成績也不賴。
「哇你咁勁嘅，今次咁難都咁高分？」好閨蜜Jenny問我
「有人教我嘛，況且我真係努力溫㗎」我捧著那疊筆記說
「咦，啲字跡都唔似你嘅，邊個教你㗎」Jenny問
「哎呀唔好理啦，都唔重要嘅」我連忙遮著筆記
「喔喔喔喔唔通係男朋友？」Jenny說


「哎呀唔好亂諗啦，都唔係」我推搪著她的靈魂拷問
「咁係邊個黎㗎？快啲答我！」Jenny擋著我的去路

我只好一五一十告訴她今早的事情。

「哎呀你偶像劇睇太多啦，人地好心啫」Jenny敲敲我的額頭說
「佢攞走左我枝鉛筆喎...」我懷疑地說
「可能人地真係唔記得呢，如果你見到佢咪問佢咯，不過都幾難哈哈」

今天放學時被老師留下了，踏出校門已經過了放學時間，注定找不到他了。

「唉，唔通真係俾Jenny講中，佢幫我只係出於好心？」
—————————
又沒有雨或風 何事杳然失芳蹤
我和妳心房的距離，尚有6個站