當問題少年遇上問題少女: 68.第一次錫咀

今次係我第一次係開學後入去，所以引黎好多人望住
 
為左令我冇咁受觸目，Polly佢地搵左佢地真光嘅體育校服俾我著
 
咁樣好似仲尷尬
 
愈來愈近學界比賽日子，大家練習次數都開始密左
 
唔單止平時例行練習，有好多隊友仲自己加操去練習
 




終於…我地所有名都交左上學界體育聯會
 
我同梓晴正式報名參賽第一年改制嘅混雙比賽
 
係我地填好哂資料後，立即鬆左一口氣
 
夜晚返到屋企，我地食完飯各自沖完涼後，就大家係房做返自己野
 
當我做哂功課之後，電話收到wts
 




[阿瑪同額娘瞓左未?]
 
[11點，佢地瞓左啦]
 
[我過黎可以嗎?]
 
好在果時我唔係打緊J
 
[妳過黎啦]
 




我放低電話後，梓晴好快過到黎
 
佢依舊著住t shirt同真理褲走入黎我間房
 
係t shirt間，我見到佢係真空入黎
 
「做咩事唔瞓覺?」
 
「冇呀….想過黎」
 
梓晴除低拖鞋，赤腳咁坐上我張床上邊，雙手抱腳咁坐
 
佢個樣有d心事咁
 
「做咩事呀?」




 
「下星期…就係初賽…..」
 
「有問題?」
 
「我第一次係學界比賽…我有d驚」
 
我坐上床，坐近佢身邊奏下佢個頭
 
「我第一次比賽都好似妳咁樣架」
 
「嗯」
 
梓晴雙手撓實我，將我拉近佢身邊
 




然後我聽到佢細細聲咁講
 
「我怕連累你…怕會令其他人失望…所以我咁多年先唔參賽」
 
「傻女，比賽一定有輸贏架啦，唔通世界冠軍真係未輸過咩?我都輸過好多次啦，我之前事到差d引退添。如果唔係Polly用眼淚攻勢，我真係唔會出場添呀」
 
梓晴抬高頭望住我
 
「你為左Polly而出場?」
 
「又唔可以咁講嘅」
 
「佢對你做左d咩?」
 
「佢…..唔….」




 
「快d講」
 
「佢…錫左我一啖」
 
梓晴聽到之後，塊面好黑
 
「咀呀?」
 
我好驚咁點左下頭
 
梓晴就靜左落黎
 
過左大約三分鐘
 




「妳唔洗呷醋啦，我對佢又冇意思」
 
梓晴繼續唔出聲，突然!佢推我埋牆，然後佢其中一隻長腿跨過我個身
 
成個人坐左上黎我到，雙手捉實我塊面
 
「梓….梓晴?郡主?」
 
我地兩個就咁對望
 
而我隻手，就好唔乖咁樣，攤左係到，摸住佢隻腳板，腳趾，再沿小腿再上到大脾
 
最後到佢條腰
 
「你好呀!俾其他女仔錫過!」梓晴個樣非常不滿
 
「咁…果時Polly又飲左酒…..」
 
「你有冇上佢屋企!?」
 
「冇….冇呀…我每次都送到去樓下咋」
 
「真係?」
 
「係呀….我點敢呃妳…」
 
「咁你摸完我對腳未?咸濕佬」
 
「係….係…唔摸啦」
 
我迅速擺拎高雙手放係空中
 
點知道，梓晴佢反而有意見
 
「我…我冇叫你停呀」
 
冇叫我停?
 
然後…我放返雙手係佢對腳上邊
 
佢面紅紅咁同我講
 
「我…我想試下….」
 
試下?
 
「試….試咩呀?」
 
「我…咁大個女…都未試過…錫男仔….」
 
我地兩個靜左一陣，然後佢再開口
 
「你….可唔可以…同我….」
 
我諗左一諗，點左下頭
 
「妳黎啦!!!」
 
梓晴吸一啖氣，捉住我塊面
 
錫落去個咀到
 
大約三十秒，梓晴放開左我
 
我咁耐以黎錫過三個女仔
 
第一個係Niki，第二個係Polly，之後就係眼前嘅Jessie
 
三個之中，梓晴俾我衝擊係最大

「Sorry….我唔應該咁做」
 
佢似乎有d尷尬
 
於是，今次到我拉佢埋我身邊
 
到我主動錫返佢
 
同時，梓晴雙手攬實我
 
唔知過左幾耐，我地先鬆開
 
大家好尷尬咁坐好
 
「試左啦，妳覺得點?」
 
「嗯……」
 
「咁我地….而家…」
 
梓晴佢靜靜地諗左陣
 
「比…比賽完哂先俾答案你啦…..我….瞓啦」
 
佢一枝箭咁返左入房
 
我同梓晴…..錫左?互相表明心意?