當問題少年遇上問題少女: 42. 友誼賽的對手

隨住教練嘅哨子聲響起，大家立即集合
 
經過短時間熱身後，又再一次開始對賽。不過今次好奇怪，梓晴安排左去單打
 
而我就去負責幫Michelle同Jeanie練雙打，而我嘅拍檔就由梓晴轉為Polly
 
Michelle同Jeanie見係Polly落場拍我，佢地都唔敢掉以輕心，始終Polly都係首席球手
 
不愧係Polly，佢用單打技術黎對付對手，佢可以成為首席球手，完全係靠實力
 




如今出現左一個可以挑戰佢首席地位嘅人，佢就係梓晴
 
梓晴係單打練習果一邊，一樣係將對手殺個片甲不留
 
訓練營嘅練習內容，其實同平日訓練嘅水平差唔多
 
又一次係到練接發球，每一次都要練基本功
 
大家又係排哂隊係到接我嘅發球
 




到左食完午飯之後，呢一班魔女再一次向我伸出魔爪
 
一如以往，首先發動襲擊嘅係梓晴
 
「喂，我想食雪糕」梓晴係我身邊撒嬌，捉住我隻手係到揈
 
其他魔女見狀，亦不甘後人，成班人一齊過黎
 
「喂呀!!我地又要食呀。買俾我地啦」
 




一時間，我俾大量女仔包圍住，然後我銀包就唔再屬於我
 
成班女仔一人拎住一枝甜筒雪糕返去房，準備下晝節目
 
「唔該哂你啦，請我地成班食雪糕」
 
Polly行埋我身邊，食住佢手上嘅雪糕講
 
「唔緊要啦，d錢都係尋晚我贏妳地」
 
「咁今晚都要拜託你啦」
 
係Polly走左去房果時，梓晴係我身邊拍一拍我
 
「點呀郡主，食得開心嘛?」




 
「幾好呀」
 
不過佢食到成咀都係，所以我都拎紙巾幫佢抹咀
 
「喂呀，我唔係細路女啦」
 
「妳唔係細路女?」我認我諗錯隔離，而梓晴都知道我諗緊咩
 
「死….死變態佬!!!」梓晴面紅紅咁抗議
 
「喂喂..係妳自己諗錯隔離…」
 
「我…我都未拍過拖….點會….」
 




「得得得，妳唔洗同我講」
 
梓晴擰埋一邊自己食雪糕下火，然後佢又望一望我，再餵我食雪糕
 
「打開口啦」
 
我睇住杯雪糕「咁我同妳咪….」
 
「冇所謂啦!!!!」梓晴隊枝甜筒埋我口
 
我地一行人返到入房，睇返以前比賽D片
 
大部份都係睇主要對手嘅片，而教練都宣佈左，將會有友誼賽
 
「好，各位同學。下個月將會有友誼賽單打、雙打同混雙都會有比賽」




 
「對手係邊個呀教練?」
 
「對手嘛…Polly妳同大家講」
 
Polly企出黎同大家講
 
「係九真同埋喇沙」
 
九真同喇沙….即係會遇上Niki?
 
係我聽到之後，個樣變一變，呢個只係幾秒嘅動靜，咁就俾Polly同梓晴收入眼底
 
「Polly呀!!出場陣容呢?」
 




「我地會隨時係比賽期間換人，俾大家都有機會去比賽下，所以係冇任何正選陣容」
 
大家都低頭沉思緊，然後Polly再講
 
「大家要明白，我地係四校比賽果時係殺盡其他姊妹校，但係學界到我地就排第二。九真係我地最大假想敵之一，我知道大家都有朋友係九真到讀，但係希望大家都可以盡力比賽，保住二家姐呢個招牌!!」
 
「嗨!!!!!!」佢地氣勢好勁下，如果佢地改為打泰拳應該會更好睇
 
好快教練播出左近年九真係學界嘅片俾大家睇，商討對策
 
混雙會對上Niki….
 
係我自己諗野果時，梓晴企係我身邊