當問題少年遇上問題少女: 1.混雙球隊的成立

1636年5月15日，滿清立國
1644年6月5日，滿清入關
1662年6月1 日，南明滅亡，清統一天下
1912年2月12日，宣統帝（溥儀）宣佈退位，清朝正式滅亡
 
羽毛球，係香港黎講，係一種好受歡迎嘅運動。每個學生係小學階段，總會係體育堂上學習羽毛球。而羽毛球亦被一眾家長選擇俾自己小朋友學習嘅課外活動之一，但係往往小朋友升到中學，就會立即放棄。
 
所以係學界運動場上仍然參賽嘅學生，佢地都係一心一意打羽毛球，有人為拎獎杯，有人為做運動員，然後保送入大學，但係每個人係場上目標只有一個，就係擊敗對手。
 
球賽上，有男單、女單、男雙、女雙以及混雙




 
當中以單打最受歡迎，因為勝者可以獨自享受勝利嘅喜悅
 
而最少人參加嘅比賽就係混雙，因為傳統男校及女校一眾精英並唔可以參賽，所以，係混雙嘅世界，永遠就係男女校天下，所以羽毛球可以話係一個齋校不能攻破嘅結界
 
但係今日，呢個結界將會被打破
 
九龍華仁，一間傳統男校，有唔少出色嘅校友，與香港華仁呢間兄弟校，係九龍及香港一齊同其他傳統男校分庭抗禮
 
真光女書院，四間真光之一，被稱為真光二家姐，佢地同九龍真光係九龍區與一眾女校不分上下，而香港島果邊，就靠大坑真光一間就足以同其他女校對抗，連同鴨利洲真光，係女校界，冇邊間學校想係學界上遇上著天藍色旗袍嘅真光軍團




 
就係今日，學界體育聯會宣佈，男校可以同女校組成混雙去參賽，唯一條件，必須兩間學校係同區內，以防止學生練習過於辛苦
 
就係呢個決定宣佈後，九龍華仁校長以及真光女書院，兩間學校管理層以及體育老師軍團，係對面嘅青年會酒店中，進行一個會面
 
一位中年髮白嘅男士飲一啖杯中嘅熱奶茶後，向對面一位女士詢問
 
「岑校長，對於我地學校建議，妳有冇任何意見?」
 
岑校長正正係真光女書院校長，多年黎佢同九龍華仁保持良好關係




 
「劉校長，你呢個建議都唔錯，我同一班老師都好有興趣，而且真光校董會都批准左我地油真可以參賽，當中嘅細節同埋練習….唔…」
 
「我明嘅岑校長，始終…我地學校都係單性學校，不過應該問題唔會好大，我會安排閉門訓練」
 
「劉校長，如果每隔一次去大家學校練習會唔會更好?」
 
「呢個都係一個好方法」
 
「嗯，咁希望我地呢隊聯校校隊會有好成績啦」
 
就係一間酒店café內，九華同油真組成左一隊聯校羽毛球隊去參加來年學界混雙羽毛球比賽
 
九華嘅羽毛球隊內，好快就傳出呢個消息，不過反應並唔係一般熱烈，始終大家都唔想同一個未同自己練習過嘅異性球員出戰，應該話，係唔想做白老鼠
 




另一邊箱嘅油真亦都係一樣，冇一個女仔想做白老鼠
 
但係兩間學校校長有令，要組成一隊聯隊參賽，於是體育老師唯有向非校隊成員同學埋手
 
我自己一個人坐係課室之內，望住樓下操場同學打羽毛球