[異能X喪屍] 原形入侵: 第十三章 談判
我醒來後,看看手機,是決戰後的二天。
我躺在酒店的一間房間中,身上還穿著決戰當天的衣服,說是衣服,倒不說是幾塊爛布。我身上的傷口都被包紮好,但幫我包紮的人手藝明顯不熟練,害我的手連曲也不能曲。我嘗試催動微波,手環發出光芒,看來我的力量也回復得七七八八了。
我找到一些乾淨的衣服和毛巾,於是我洗了個澡,便走到大堂,再坐升降機到地下室,即酒店的廚房.......
「允行你訓醒啦。」高先生的聲音不知由那傳來,「入黎啦。」
鐵門打開,我看到上面寫著「科技開發區」
如果不是事先知道,你一定不會想到這本來是廚房。
桌子上放了不同的儀器和顯示器,爐灶上放了不同的玻璃樽,我可以看到抑生劑被一個夾子夾著,放左一部儀器內。
「允行,為你介紹,呢位係羅教授,同BEN係同一間研究機構做既,佢已經確定左呢支就係正版既抑生劑。羅生,頭先我地講到邊話?呀,係,環散式施肥火箭。」
「係,支野其實依加就係黃竹坑地下儲存庫到。」
我低聲道說:「點解D研究機構咁鐘意放野係地底....」
不料,被羅教授聽到了。
「因為地下比較安全囉。」
我苦笑,竟然被他聽到了。
「依加個邊都係未有回應?」
高先生按動電腦,看看數據:「無。」
「咩..咩回應呀。」我聽得一頭霧水。
「我地依加同港島個邊傾緊,要求佢地俾我地既人去運火箭過黎,但係到依加都未有回應.....」
「都係為香港好姐,佢地重要考慮D咩...」
高先生嘆一口氣:「唉,你唔明架啦,佢地個邊有食物,有武器,有支援,係香港最安全既地方,佢地寧願保持現況,都唔想冒一絲既險,開放俾我地入去,而且佢地甚其實都唔太信我地......」
「咁我地有抑生劑都無用架WOR。」
「咁點算好。」
「聯盟已經決定好,如果三日內再無回應就強攻。」結果不用等待三日,第二日,就傳來了回應,是視像通話。
「特首!?!?」我,高先生,葉斯朗,李生,黃搗龍都異口同聲地叫出來。沒錯,電腦顯示的,正是安坐於政府總部的特首。
「咁多位,唔使太驚訝。」
「特首你好。」葉斯朗最快回復正常,「我地之前講過....」
「我知,小型火箭嘛。」
「請問你考慮成點呢。」
「我.....拒絕。」
我心中暗罵一個粗口。
「請...請問點解呢。」
「因為我唔想令廣大市民有危險。」
超,想自保就自保啦。扮!
「但係依加咁既情況,我地新界同港島一定要合作....」
特首打斷葉斯朗:「無錯,我地一定要齊心,所以我地希望貴聯盟可以交出抑生劑俾我地。」
「我都拒絕。」
「葉小姐,為左廣大市民既利益.........」
「得,你Stop la。」
特首太約沒被人這樣正面罵過,又呆了一呆,再很快回復招牌式的笑容:「葉小姐,其實呢,係交同唔交之間係有好大既空間.......」
「最後問你一次,交,定唔交。」
「唔交。為左廣大市民....」
「我地會自己此諗辦法,拜勁拜。」葉斯朗關掉視像會議的窗口。
會議室中,一遍死寂。
那就是說,要強攻了。
葉斯朗把視像對話的窗口關閉,開出了香港島的地圖。
「倉庫入口就係呢度。」她指著黃竹坑附近的一點,「最快既方法自然係海路啦。」
我低語:「依加隧道都用唔到,又無貨機,唔通開傳送門咩......」
結果又被她聽到了,她白我一眼,再說道:「港島個邊既防禦力應該唔會太強,再者我地在暗.........高先生,我地火力如何?」
高先生看看手上的電腦:「火焰發射器二十套,戰車三架,大量冷兵器,散彈槍一支.......」
「最好既船,有冇?」
「呢度附近就有啦,吐路港碼頭啦嘛。問題係點開鎖姐。」
「我地無開鎖佬咩。」
「據我所知,冇。」
阿娜說道:「我識,我黎開鎖。」
我和她對望了一眼,大家都迴避對方的眼神。
葉斯朗點點表示滿意:「咁我地就用船係黃竹坑上船,之後就入侵倉庫,儘快運出火箭,立即離開港島。」
黃搗龍說道:「我同我既人去搞,我地識港島個邊。」他的肌肉還是一如以往的強勁。
李生:「我反對,我地公司係個邊有人,可以由我既人去做,叫佢地裡應外合.....」
黃搗龍果斷反擊:「阿伯,你個D人一定信得過架咩!你唔俾佢地係個邊咁耐變節架!」
「你地唔知頭唔知路就咁沖埋去,好易撞板架少年!!!」
「我地後生有心有力,你..............」
「夠啦你地2個!!!」葉斯朗拍桌大叫,「你2個一老一少唔好次次都嘈得唔得呀!!!我黎決定!!呢件事由黃搗龍同你既人去做,聯絡李生既下屬裡應外合!!」
二人沒話可說,坐回座椅中。
我問道:「咁...咁我呢。」
葉斯朗看看我的傷口:「允行,呢排你好辛苦架啦,再者我地今次要對付既唔係原形,只係人黎,你就好好休息下啦。」
我又沒甚麼可以說的,只好乖乖聽話。
戰略會議完結,黃搗龍,阿娜等人馬上到吐露港碼頭取船,然後帶著一股白浪離開吐露港。
我站在房中,看著一葉輕舟所捲起的白頭浪,竟有一絲的不安。
一閃即消。
「好悶.....喇!!!」我倒於床上,不小心壓到傷口,痛得「呀」字走音成「喇」字。
那幫我包紮的人,真是的......
看看時鐘,還是下午,電視,電腦都沒有,我還有何可做?於是我決定找高先生。
又是那鐵門。
我再次走到地下的科研區,高先生正在電腦前操作著,一看.........
「接龍!?」
「嘩!」高先生被我吓得連忙關掉屏幕,「允行,你想吓死我咩!」
「有人心虛姐。」
「我....我幾時有。你黎做咩?」
我坐到一椅:「無野做囉。你呢,都好得閒WOR。」
「我超忙。」
「忙住玩接龍?」
「忙諗野。」
「講黎聽下。」我知道連高先生都想不通的問題我也一定想不通,但我更希望我的腦不要在空白的狀態。
高先生打開一部電腦,顯示幾張圖,分別是荃灣,旺角,尖沙咀。
「你睇下有咩特別?」
「嗯........有咩問題?」圖中的街道空無一人---當然,喪屍危機中的旺區才是最危險的地區。
「地下,你睇下。」
我細心地看,還是看不出有何異常。
「你唔覺得太乾淨咩。」
對,被他一說我開始發現了。地上除了血跡,連一點肉碎都沒有,再說,街上竟然一頭原形也沒有,這不太尋常,照計會有幾頭原形啊,相中的街道就像是凌晨的街道,就像回到沒原形入侵時的形態!
「我...我見到啦,即係代表咩。」
「我咪煩緊囉。」
「妖!」