[異能X喪屍] 原形入侵: 第五章:測試
高先生把我帶離了堡壘。我們走出堡壘,向一個山頭進發。
「高先生,我地依加做咩呀。」
「哈哈,無咩野,我想帶你去輕鬆下姐。」
「下?」
「去到你未知囉,係堡壘入面住得慣唔慣呀。」
「都幾好。高先生,其實你係做咩架。」
「呃...我係只係一個五金佬,又係一個醫生,都算半個科學家既。」
「哦,都幾得意WOR。」
「係呀,我地到啦。」
這是一間樹林中的小屋,只有一層,我可以從外面看到這裝有冷氣機。
「其實我地黎做咩?我怕有喪屍呀...」
「放心啦,我地好安全。」
高先生打開門,走到小屋內。小屋內有著一張沙發,一部電視,DVD機和一個雪櫃,我看到另一道門,但門上鎖
了,高先生也沒有意思打開,所以我也不問了。
「哎呀,我唔記得得攞D野,要返一返去,你係到等我啦一係。」
「唔係下!?」
「你睇住碟先啦,放心啦,呢件屋好安全,記得唔好掂其他野WOR。」
說罷,高先生打開電視和碟機,就離開了。我只好坐在沙發中,看著電影。這是「復仇者聯盟」,我早已看過了
萬次了,但反正無事可做,所以我只是在看著。
當影片播到了中途,突然之間,畫面變成了一隻女鬼!!!!!!!!
「我屌!!!!!!!!!!!!!!!!!!」我吓到整個人彈起,自然地退後幾步。
「砰!」一隻手正在拍窗,這窗為磨砂,所以我只看到那手---那些枯萎,如喪屍一樣的手。
「仆街!!有喪屍呀!!」我想逃,但發現門被鎖上了。
「救命呀!!!高先生!!!!」
我用力拍門。
突然高先生的聲音出現:「放心,允行,無事架啦。」
門被打開,高先生走進來。
「屌你咩仆街,咁玩法呀大佬!」
「唔好嬲,千其唔好嬲,我唔想死。」
「下?」
高先生拍拍我膊頭:「陳允行,你係一個超能力者。」
「唔...唔撚係下?我點會有超能力?唔好再玩啦高先生。」
「唔信?」高先生於電視後取出一個籠子,籠中有3隻烤田雞,另外,他取出一包「叮叮點心」
「呢3隻田雞,一開頭重係生既,呢一包點心一樣,而就係因為你,佢地先會搞到咁,肚唔肚餓?」高先生打開叮叮
點心,吃了一舊燒賣。我傻傻地接過來,又吃了一舊燒賣。
高先生打開那門,取出一部電腦:「呢個係測感器紀錄到既數據,就係剛剛,你發出極強大既微波,所以田雞同點心就被你煮熟,我呢部機數據唔太精準,但我肯定你可以發出微波武器級功率既微波。而每次你情緒激動時,就會發出微波而做成破壞。」我吓得話也說不出來,連手上的燒賣都不吃了。
「所以,你係面對解放軍既時候,求生本能發揮到極限,於是你係個刻就化身成微波武器,令佢地既武器被破壞同士兵被灼傷。」
我想起了最近的畫面。
他一打開電池蓋,一陣惡臭和燒焦 的味道傳出,手機的鋰電池竟然被燒彎了!
而其屍首都出收縮情況,皮膚更變黑和龜裂了!那情況就如被火燒過一樣。
解放軍士兵全數倒下,而坦克正冒出一絲白煙
我自小就有著這種情況,我身邊的電器常會無故失靈,手機又特別易壞,原來是我自己會發出微波。
「你既力量應該重可以鎖定目標,如果唔係,你身邊既人早就死晒啦。你睇下部電視。」
電視無法顯示,只有一陣陣的雪花,DVD機內的DVD被燒軟了,就如一塊半熔的芝士一樣。
「我..我點解會有呢種力量?」
「我都唔知,不過。」他面色突然沉了一沉,「你肯定你要使用呢一種力量?」
「有....有害架?」我不禁怕起上來,我可不想一憤怒時就會變成一頭綠色的巨大怪物....
「咁又唔係,不過好多時呢D有異能既人,都經歷過一D慘劇,你有冇?有冇話成家一晚死晒,再被女飛埋之類既遭遇?」
「唔好玩啦高先生,我無呢一種經歷。」
「好,如果你決定用呢一種能力,我怕你會有危險,你知啦,有親呢D異能既,一係就.....」
「我明我明。」我打斷高先生,「我睇過個D電影,但係電影黎姐,未必係真既。好,如果你堅持,我就會做你既
教練,令你可以自主地控制你既微波。」
「依加開始?」
「無錯,有你既異能,我地生存機會又大左。不過,你不如起返個朵先?」
「咩朵?」
高先生解釋道:「係英雄都會有朵架啦,好似咩鐵甲奇俠,蝙蝠俠咁。」
「哦~~~嗯.....」我想了一會,「微...微波俠?」
「你直接加個俠字就算,你要改個區體D,人地一聽就會留下深刻印象既名。」
「禁呀....微波爐俠?」
「賣廣告咩依加。算啦,我地時間唔多,開始訓練先。ARE YOU READY?」
「YES SIR!!」
高先生在雪櫃中取出幾包叮叮點心:「首先,同我叮熟晒佢!」
估唔到條仆街真係當我係微波爐!!
我和高先生馬上開始了地獄式的訓練,我一開始還未能控制,我花了足足一天才能控制微波的收發,之後就是訓
練威力,高先生說,我連坦克也能破壞,估計我的微波功率最大可達軍事級。
我第二天用了一天來訓練威力,先是叮叮點心,之後是飯盒,而最後,我可以翻熱一整盆盆菜。
「高先生,依加喪屍危機爆發緊,點解重用成個盆菜黎俾我訓練?」
「你依為自己可以食晒?同我搬佢返去俾大家食。」
「哦.......哇咁重既!?」盆菜的重量被我想像中更重。
「你唔係下微波爐俠,咁都拎唔起?」高先生一下子拎起盤菜。我不禁看得目的口呆,高先生的身材比我還瘦,而且也不
像那些深藏不露的高手,那問題是出於我身上嗎?
我向空氣發拳,.連我自己都覺得軟弱無力。但....但我這二天就只是不眠不休地拿著不同的食物翻熱,沒有用
甚麼力氣,為何我會這樣累?
「做咩呀你。」
「我...好累。」
「好累?黎,出拳。」高先生舉起手掌,我無力地擊出一拳。
「睇黎你發出微波會消耗體力,依加你有咩感覺?」
「就好似跑完馬拉松再打十次飛機咁。」
「無事既,返去堡壘飲d鹽水就無事架啦。」
我站起來,跟著高先生離開小屋,突然,堡壘在黑暗中發出紅色的閃光,同時發出刺耳的警報聲。
「嗚~~~~~~~~~~~~~~~~~嗚~~~~~~~~~~~~」
高先生說道:「大獲,二級警報,出現5隻以上喪屍!!!」
我們是用跑的沖回堡壘,堡壘燈火通明,有6個身影也黑暗中逼近堡壘,馬上有探射燈照著牠們。牠們分別是五
男二女,眼框中一遍空白,現在我身懷異能,不再害怕,加上強力的探射燈照射下,我總算看清喪屍。
喪屍的眼中只有眼白,空無一物;牠們的身體是淡綠色.皮下的血管也是綠色。仔細看看喪屍的嘴角,鼻孔,竟然
還有一絲綠色透明黏液流出。總結來說,就是噁心。
高先生取出對講機:「先用C武器組攻擊,唔得就用B武器組。允行,伏低!!」我和高先生馬上於魚塘旁的小道
中伏下,我看看堡壘,5樓和4樓各伸出了2根鋼管,對準了為首的4隻喪屍。然後再以高速射出一根根的鐵釘!鐵
釘如箭頭一樣射中喪屍,但喪屍卻沒有格擋的意圖,於是我看到喪屍身上被開出一個個的透明小洞。
「勁呢~我整架,用銅線通電產生磁力,將鐵釘射出,就好似機關槍一樣!」
我物理成績很差,但我也網上看過資料,這是線圈炮的一種。
喪屍身上被開洞,一些綠色黏液流出,但是還在前進著。
我和高先生說:「喪屍要爆頭先得架!!」
「好,堡壘!射擊喪屍頭部!!」
我看到鋼管微微上揚,鐵釘穿過其頭部。
「無用既!?」看來這喪屍不同一般喪屍,爆頭不是殺牠們的方法。
高先生道:「呢種生物武器唔簡單!睇下B武器組佢地點頂!」
鋼管收回堡壘內,3樓一個窗口打開,一個車輪高速回旋,然後呼一聲射出,把一頭喪屍重重撞飛。其他喪屍看到
這情況,由走變成跑,很快就到達堡壘門前!!第二個車輪射出,喪屍穿準了來勢,竟然打出一掌,硬生生地接住
車輪!!
「唔係呀!?」
「轟!!」車輪爆炸,喪屍被炸飛,一地都是綠色的黏液。
「哈哈哈哈,太天真啦少年!」高先生看到這畫面,明顯極之痛快。
其他喪屍沒有停止攻擊鐵門,鐵門已被撕出一個裂口。
「允行,就靠你搞掂個4隻啦!」
「一打四!?」
「你得架!!」
「好啦咁。」反正我也想試一下自己的能力,於是一下彈起來,沖向喪屍。如果高先生沒有估計錯誤,我的微
波至少可攻擊50米!!!我看準喪屍,雙手一揚,發射微波----------------
沒有事發生
「嗄!?!?」
喪屍毫髮未傷,反而盯上我了!!
「搞咩呀你!!」
我又慌又亂,甚至慌得計出4+2=7這些白痴算式來了。
「高先生,我...我放唔到微波呀!!」
「點會架,一定係之前訓練放得太多,依加無晒異能,點算呢.........」
「點好呀依加!!」我一邊避開一隻喪屍的攻擊,一邊叫道。
「我諗一陣,你等一等!!」
「等!?我等你老母呀!!!!!!!」我剛剛被喪屍撞飛,痛苦地爬起來說道。
高先生看到喪屍正向我攻擊,看準時機跑回堡壘,剩下我自己一人在魚塘和農田之間和喪屍戰鬥。在我的異能
被啟發後,我除了可以放出微波,在體能,速度等方面都有明顯的進步,但是我現在同時面對4隻喪屍,我除了不
斷地閃避和嘗試發出微波外,根本是束手無策。
「允行!!」堡壘的一個大型擴音器發出高先生的聲音。
我望向堡壘,天台不同的收發器正不斷地移動和旋轉。
「見唔見到有地上面有個紅點,同我企過去!!!」
對,就在我右面20米左右,一道指向激光射出,在地上形成一個紅點。
雖然我不知有何用意,但我還是一掌推開面前的一隻喪屍,企到紅點中。
「同我企係個度!!」
天台的一個發射器對準了我,接著我感到一股力量湧到我的身體,我的頭腦如堤葫湧頂,體力也上升到一個前所
未有的水平!!!
我的手一揚,2隻喪屍馬上成為燒烤食物,剩下的1隻喪屍向我沖來,我笑了一笑,一手輕鬆擋住攻擊。
「仆街啦你。」
微波一吐,喪屍成為了焦屍。
最後一隻。
「吼~~~!!!!!!!!!!」喪屍發出一聲怒吼,然後轉身逃走。我被吓呆,沒作出反應,這令我後來非常後悔。
「好波呀允行!!」