[異能X喪屍] 原形入侵: 序章

看著深水埗川流不息的人群,我知道夜幕又降臨到這個舊區,星光在都市的燈火下用力地喘氣,希望可以發出 

一點的光芒,而我這粒星,不但沒有高登仔的身高,也沒有李嘉誠的財力和智慧,更沒有愛因斯坦的智慧。在這 

一個舊區中的一個電話店的一個角落,我也只能.................. 

「陳允行!!發夠夢未呀你!!」 

胖老板的咆哮一下子將我的思考拉回現實。對,這個有著河馬的身形,血脂血壓膽固純都嚴重超標的人就是 





我老板,其超過100公斤的身型在小小的手機明顯太大,但看來毫不影響其咆哮的聲線。 

「唔...唔好意思呀。」 

我看看他,忍著笑意,再次望看繁忙的街道。 

沒錯,我就是陳允行,先別笑我,這一個名字本來就很正常,直至被教育局用作考試人名之用才令我每次說出名字 

才被人恥笑一番。 





「先生,可以介紹返wor,呢一部係最新型號既智能手機,4核心處理,1080高清解像度.......」 

我回過神來,也開始著我每天重覆的對白。 

「唔使啦。」這是比較好的回應。 

「屌!死撚開啦!」這我也習慣了。 

「咦,呢部咪係新出個部?咁快有貨既?」這是幻聽。 





「唔該,呢部係唔係4核架?」哇,原來不是幻聽!!我馬上捉緊機會,向面前一個師奶介紹。 

「係呀係呀,呢部機不但係4核處現,更加係1024高清屏幕,相機鏡頭像素更加有成1200萬像素架!」 

「咁清?」 

「當然啦,最新型號啦嘛,呢部機更有改圖既內建程式,只要開呢個....咦?」 

我手上的手機突然「定格」,毫無反應。 

「車,LAG機既。」 

我連忙道:「唔...唔係,只係....只係........唔夠電姐!等幾秒.......嘩!」 

手機屏幕黑掉,再無顯示。 





師奶:「車,重幾勁幾勁,禁易壞既。」說罷,師奶就離開。 

「唔...唔係咁架。頂,又係咁,老板......」我轉身取著暴斃手機的屍體,走向老板。 

「攞黎。」 

老板一睇手機,面色一沉,取了過去。我感到我心跳好像停了一秒。 

老板雖然外表不好,性格更令人反感,但修理手機技術之高卻是不能否認。他一打開電池蓋,一陣惡臭和燒焦 

的味道傳出,手機的鋰電池竟然被燒彎了! 

「陳允行,你走,我唔想搞大件事佢。」 





「我..我咩都冇做過呀老板....」 

「我屌你老母呀!!!!」老板大喝一聲,「第4部啦仆街!屌 你你3個月就整爛我4部手機,重要部部都係咁,你係唔 

係黎倒我米呀仆街!咩都冇做咩都冇做,咁點解部部過你手既機都搞到咁呀!!一部就5000,4部就2萬,你話你禁 

耐賣過幾多部呀!!仆你個街,唔向左走向右走使你幫我賣機呀!你走呀你!!!我依加炒勁你呀!!!!!!」

「咁...咁今個月人工...」 

「重人工!!!你3月人工得個萬八,Hi 你我重蝕左成2千,你重問我人工?」 

「咁..咁我走啦。」我轉身離開。或者,其他人被人這樣罵會轉身回他一句「屌你老母」先離開,但我就是連 

這個膽子都沒有。 





會考共得5分,這工作已是我第6份工作,看來我還是注定失業。 

我走回地鐵站,看到晚報正在地鐵站中派向不同的行人,我也不吃虧,接了一份。 

「生物學突破 古人類即將於香港復活」