佢因為第二個女仔因為新鮮感而同我分手…仲要分手前講大話…(我連解釋既地步都冇): 依家對佢既感覺。。。

依家對住佢我會覺得解脫左咁
佢係咩既人我清楚 不過我最大既錯誤就係 信完一次又一次既我 竟然完全唔知佢一路對住我都係講緊大話 呃完一次又一次 我唔明既係點解唔可以好多野都好地當面講清楚 點解要呃 乜感情裏面真係唔可以有真心咩
同佢分左手之後諗左好多野 亦認清楚左好多既事實 對住一個講大話既人不如去真真正正搵返個愛自己既人唔好咩 有段時間 我唔開心我唔知搵邊個去傾去講 只係識喊 喊完又心碎 碎左又拼返好佢 再繼續同佢一齊 其實佢話對我失望我又何嘗唔係呢 我做既事 令佢失望唔多 但係佢令我失望既係好多 每次我想佢做既事永遠都做唔到 你話邊個失望啲(笑
可能個陣佢已經對其他人上左心 唔想再理我
我唔明白既係 既然你都同左人地一齊既時候 點解唔坦白啲呢 點解要將打完既字又收返去呢 個陣如果你同我講既話咁咪咩事都冇囉 不過算啦都已成定局 冇左你自己再開心左 放鬆左 唔洗再好似以前咁 驚黎驚去 放手仲好過留住你仲辛苦 好多人都話愛情失去左先黎珍惜 我覺得我今次既分手好似好快放得底 連時間既沉澱都冇就過去左 我對男朋友好係人都知 但係識唔識珍惜係你既事 暫時諗唔到啲咩