各位獵人，歡迎嚟到神火村！: 03

【挑逗佢：我想食你多啲喎】

你托起少女嘅下巴，擺岀你最自信嘅chok樣，「但係我想食你多啲喎。」

少女聽到呆左呆，有啲臉紅，慢慢將個身埃近你。

你不防有詐，一手將佢攬入懷內，打算慢慢將佢「魚肉」。

「轟呀！」你聽到一下唔似人體可以發岀嘅聲響，然後你感受到腹部傳黎一下強力嘅衝擊，就失去左意識。





係意識彌留之際，有篤口水噴左係你塊面，入面好似夾雜住啲豆容咁。

XXXXXXXXXXXXXXXXXXXXXXXXXXXXXXXXXXXXXXXXX

「依夏⋯⋯啩啩⋯夏⋯⋯」你慢慢醒返聽到幾把聲係到討論緊啲野。

「你上次係大社遺跡執返黎個𡃁仔神神化化咁，搞唔掂喎。」係一把成熟嘅男人聲。

「對唔住呀，村長，我唔知佢會咁大膽非禮艾草㗎。」另一把男人聲顯得好慌張。





「你都唔係唔知最近我地幾霉㗎啦，佢再係咁，我都保佢唔住。」成熟嘅男人沉聲道。

你想繼續偷聽佢地嘅對話，了解多啲自己嘅處境，好死唔死，呢個時候你鼻敏感發作。

係呢個就快爆嘅moment，你決定：

A：死忍
B：直接打「黑痴」
X：放個屁蓋住啲「黑痴」聲
Y：自由發揮（第一個自由發揮comment）