【喪屍】《上完堂之後成個香港唔同哂》: 第二章

在地鐵站分別後，便各自回家了。地鐵還能運作正常，我也是很詫異，但我沒多想，還是快點回家較安全。




回到家後，立馬開啟電腦，看看有沒有相關的新聞報道。遺憾的是，沒有一則報道是關於咬人事件。我用電話瀏覽討論區，只見咬人事件的帖文已佔據大半熱門帖文。








帖文內容離不開瘋狂咬人，喪心病狂的咬食行人的身體。咬人事件主要發生在油尖旺區，深水埗區和觀塘區，當我看到觀塘區的時候，不禁懷疑自己是否眼花看錯，然而多個帖文均提到觀塘區。




心中蘊釀的不安正要爆發，三女的住處均是在觀塘區。








WhatsApp 群組正不斷的響鬧著，按進我們四人的群組後，她們三人正討論著在路上看到的咬人事件。




Joey：「咦，啲人痴線㗎，喺度咬人都有，仲要血淋淋。」








Lemon：「係囉，啲人發咩神經？」




我：「或者我講跟住講嘅嘢好無稽，但事已至此我覺得已經係非常嚴重。」




Lemon：「講你就講啦。」








我：「好，我有理由相信你地見到同我喺討論區見到咬人事件係喪屍造成。」




Joey：「喪屍？zombie？omfg?!?!」




我：「ys」








我：「我喺討論區見到咬人事件，其中一個地區係觀塘區，即刻諗起你地。」




Lemon：「咁有我地心呀。」




我：「希望你地可以信我一次。拜託了（日文）」








Joey：「？？？？咁我地可以做啲咩？？？」




Lemon：「係囉係囉。」




我：「你地屋企人喺邊？有冇聯絡佢地？」








Joey：「屋企人返咗大陸玩，好遠。」




Lemon：「老豆同呀哥去咗旅行T.T，得返我一個，想喊。」




我：「Tina呢？@Tina」




Tina：「sorry，啱先去咗睇書，我爬哂文，大約理解到發生咩事。但屋企人未放工。」




我：「我想joey同lemon去搵個背囊，裝啲日用品、有幾多乾糧就執幾多乾糧、衫褲就求其執幾件，入滿兩枝水。個人著得厚啲，著件羽絨喺出面，褲就著鬆身啲，千其唔好著裙。」




我：「港島暫時未知發生到咩情況，但啱先返屋企條路都大致安全，只係人真係好少好少，我屋企冇人，可以暫時嚟我到先。」




Joey：「咦，變態佬（笑喊）我whatsapp咗我男朋友，佢話佢都有喺討論區見到嗰啲post，我同佢講咗話冇事，準備去朋友屋企避一避。」




Lemon：「我同我男朋友都講咗ok冇事。」




我：「而家大概夜晚6點左右，我約你地7點喺我屋企樓下等。」




Joey，Lemon：「ok」




我：「我而家會去附近超市睇下咩情況，儘量搵多啲食物同物資。你地唔好去超市喇，我諗應該淪陷咗，你地小心啲，睇下有冇的士搭。」




我：「謹記要快，觀塘嗰邊嘅交通情況我唔清楚，但啱先我仲搭到地鐵，但都已經係半個鐘頭前嘅事，所以你地要搭的士嚟。Tina試下聯絡父母。」




我：「仲有就係喺廚房攞把菜刀又好乜都好，唔打得都可以做下樣。記得要收埋，唔好比的士佬見到（笑喊）。」




Tina：「好。」




交代完後，我便換了衣服，在身後藏了一把日本壽司刀，背上多了一個背囊。電梯還能正常運作。來到街上，真的是比平日少人，寧靜得帶點詭異。經過街口的時候，一陣鳴鳴的聲音突然從左側傳出，我沒有找尋聲音的來源，而是繼續加快腳步前往超市。




心中暗忖着港島區可能已經逐步淪陷了。來到超市，只見一遍狼藉。




看來已淪陷了一段時間，奇怪的是討論區並沒有提及港島二字。我搜索著罐頭區，儘可能找點吃的。




雜貨區域一地血跡，地上好像有些東西匍匐著，我小心翼翼的靠近著。我的腳卻是抖得要命，忽爾想起不作死就不會死的信念，迅速躲到零食區。




背囊的位置已剩很少，隨便拿起一包薯片便急步離開。




臨走前再去了魔具區找了兩三把廚師刀，放在腰間。不得不說的是，褲子的橡筋彈性十足。




「叮！」原來是WhatsApp的通知。




Joey：「痴線㗎，個的士佬未開車就收人地五百蚊，但佢開得超快，差啲連隔夜飯都嘔埋出嚟。」




Lemon：「個司機好似話咩港島好危險乜乜柒柒咁，講咗鬼死咁耐先肯開車，唔洗廿分鐘就到咗柴灣。」




看來的士司機已然得悉港島區淪陷的事實，但仍收五百元的車資，我想是有個錢比沒有甚麼也來得好，不然遇著個變態淫賤的司機，二女恐怕已慘遭毒手。




在末日來臨的時候，人會瞬間失去理智，這也是人之常情，能立馬冷靜下來的人更教人畏懼。 




但亦有一些心邪的人趁火打劫，一臉色狼的樣子刻在臉上，肆意玷污良家婦女，仗著自己力氣比女性強便為作歹。




我想我也沒資格說別人，剛才不也是沒"付錢"便離開了嗎？ 




我：「好，我而家嚟接你地。」




柴灣這個地方說大也不是很大，但屋苑數量卻不是一般的小，小說也有十多幢住宅。我往宏德居附近的滙豐銀行走。Joey在遠處揮著手。




Joey：「夏至...你覺唔覺呢，呢度好似有啲恐怖...？」 




我：「我都感覺好肅殺，條街一個人都冇，就算平日都唔會靜到咁。我估柴灣好早就淪陷咗。」




Lemon：「頭先個司機仲喺度口嗡嗡。一比500蚊佢就收咗皮。好彩唔係痴線佬咋，唔係我地可能比人溶咗都似。」




Lemon的聲音有些顫抖，抱著Joey。確實，二女手無縛雞之力，若然遇到不懷好意的人，她們只會處於下風。




我：「唔好講喇，快啲返我屋企先。」




Joey：「咦～人地好攰呀～」




這個MK妹真的麻煩。




我：「快撚啲攞個背囊嚟，好撚廢呀你。」




Joey：「你咪又係毒撚一個，唓！」




竟然被這個女人說到痛處了。不多想了，還是快點回家。