[粵語殘故] 失憶24小時之條八婆話我偷拍她！？: 晚上十一點

四眼毒男用上大拇指解鎖手上的手機及掃動電話螢幕上的訊息。

老媽子『衰仔你去咗邊？點解會有警察到上門搵你？』

此時毒男還以為是老媽子跟自己開甚麼國際玩笑，但隨著閲讀其他訊息内容便驚覺自己可能闖禍了。

豬朋狗友們的訊息大致可歸類為：

『喺邊度？冇事嗎？』





『你搞咩比人放上連登起底？』

『連登有個帖比人指控係變態跟蹤狂！同你勁似樣！』

『咩事咁大整蠱?你得罪人愚人節比人玩？」

毒男手機差不多收到通訊錄上所有聯絡人的問候，感到莫名其妙又摸不着頭腦便打給自己的好友。
誰不知通話才剛接通，便傳來陣陣哭泣聲。

「鳴......你個仆街仔。你吾好死啊.......」





「我生勾勾好地地死乜嘢？可吾可以吾好詛咒我！？」

「你無端端飲醉打俾我講遺言，話要去跳樓，嚇到我死。」此時毒男終於知道自己何解會在天台上。
「點都好。最緊要人冇事，你睇得開就得。」

「我都吾知發生咩事！我壹瞓醒就喺天台度，我應該飲醉跌襯咗個頭，我完全唔記得呢兩日發生咩事。」

毒男的朋友聽到如此的真情剖白反被弄得啼笑皆非「你果然喺戇鳩仔，連自殺都可以失敗。」





「你重笑。我冇心情同你玩呀，你快啲話比我聽發生咩事啦！」

「唉～你呢個問題相當有難度，好難三言兩語解釋清楚，你上嚟我度我再慢慢講你聽。」

「我返宿舍沖個涼先，轉頭再上你度。」

「唔得！！！你唔返得宿舍嫁！！」

「點解？」

「我哋學校個雪莉係連登話你跟蹤同偷拍她，都唔知點講，總之搞到好大件事啦。」

「條八婆話我偷拍她！？」