【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 男湯
60追釋出
歎酒店係屬於渡假嘅行為，而唔屬於旅行；對我同一鳴嚟講，好多地方都已經去過，與其辛苦自己去追啲乜嘢景點，搜羅各地土產，倒不如攤喺張沙灘椅上面欣賞下嚟自世界各地嘅美色。
當然一副太陽眼鏡係唔少得嘅，唔係驚啲女仔發現我哋喺度昅佢哋，嚟得呢啲resort其實大家都預咗，而係…唔想俾詩敏曉彤兩個打過半死。
泳池行落少少就係沙灘，我哋當然會行過去啦；就好似詩敏所講咁，去乜鬼infinity pool吖，無論個pool有幾無限，都只係一種視覺效果，現實係連五十米都無，游快少少都驚憾親頭嗰種…
早知叫妳跳落海救小妹妹，等妳享受下真正嘅無限泳池；講笑啫，如果佢跳咗落海先我實跟埋跳落去，咁船上面嘅人唔知我哋落水嘅reference time就會更加難搜救。
海灘就都幾靚嘅，但比起外島啲潛水沙灘當然差好遠，不過游水啫，無論靚同唔靚都係咁游，反而游下游下，點解好似曉彤已經學識咗游水咁嘅？
話明歎酒店當然唔止泳池沙灘，喺唔流行浸溫泉嘅沖繩，呢間酒店一樣有得提供；雖然我同一鳴早就玩厭晒呢樣嘢，但詩敏第一次嚟日本，做下樣都要畀佢試下嘅，雖然都唔知呢度啲溫泉水真定假。
唉，重要成嚿水港子，詩敏肯定又想鬧人。
最慘係呢度得男女分開嘅公眾浴池，無得包湯，所以要同靚女分開嚕。
話時話…一鳴下面真係好似幾健壯，雖然體能只係普普通通，但應該…唔打得都睇得。
溫泉確實就得過且過啦，一個大長方池入面載滿熱水咁，勝在佢個半露天溫泉幾開揚而且向西，黃昏嚟到嘅我哋可以一路欣賞夕陽餘暉一路浸。
唔好以為個景靚就多人，事關呢度每間房都向西，泳池又向西，每一個角落都睇緊同一個景，係我哋先會畀咁多錢入嚟睇鹹蛋黃。
鳴：「喂，曉彤係咪唔嬲你㗎喇？」
我：「唔嬲啦，睇個樣都知呀？」
雖則女仔心思難以捉摸，但嚟到呢一刻我唔相信曉彤對我重有半絲恨意，反而我擔心佢唔係真心同一鳴一齊多啲。
鳴：「鬼知咩…你哋咁多花樣，我喺度諗…」
我：「諗乜鬼呀…」望住斜陽其實我唔多想講嘢。
鳴：「雖然我哋唔係消防員又唔係軍人，但如果有一日我有個乜嘢萬一要離開呢個世界，你可唔可以幫我照顧埋曉彤呀？」
我：「喂…唔好玩啦，你唔係準備同我講你又係啲乜先天性心臟病定慢性肝衰竭嗰啲friend呀？」
鳴：「無呀…睇落好似重幾健康。」佢摸摸個肚…
我：「咁你喺度講乜嘢廢話呀，三杉淳都重未死，又幾時會輪到你呢？」
鳴：「諗返起你咁樣跳落海，死亡…就好似隨時會出現喺自己身邊咁。」
我：「妖，我有無咁易死呀，危險係個妹妹啫。」
其實我有喺度諗，如果情況繼續病壞，惡劣到救嗰位妹妹就會令我有生命危險嘅話，到底我會誓死保護佢，定係放棄佢嚟保自己安全，如果係咁嘅話，我以後嘅生命又會蒙上幾大嘅陰影…
鳴：「如果係我…我一定會猶豫。」
我：「你而家就咁講啫，親眼望到啲feel就會嚟㗎喇。」唔係發生咗我都唔知自己可以咁勇。
鳴：「好在你無事咋…」
我：「喂，點解我覺得你好似喺度咒緊我死咁嘅？如果我瓜咗你係咪又要幫我照顧埋詩敏？」
鳴：「正呀！如果佢兩個左擁右抱…」
我：「哦，我衰囉，重係生勾勾…你都黐線嘅，詩敏使鬼人照顧喎，佢兩個又讀到書，外表又出類拔萃，分分鐘識個好過我哋嘅男仔話都無咁易啦，你擔心下畀人飛好過啦。」
鳴：「咁又係，你都係似俾詩敏照顧多啲。」
我：「不過你又唔使擔心，莫講話你香咗，就算你喺度我都可以睇住曉彤嘅，如果有一日佢喊住叫我揼你一鑊嘅話呢…哈哈，我都等咗呢個報仇嘅機會好耐。」
鳴：「怕你呀，打咪打囉，都好耐無打過。」
咪低B啦，你唔夠我打嘅，應該…
直至太陽消失喺水平線，夜幕慢慢為天空披上一層深藍色我哋先離開呢個溫泉池；浸完熱水之後一鳴好似重大條咗咁嘅…詩敏咁貪玩，見到係咪會想試呢？再加埋個衰妹成日同Wing謦淫欬，如果佢以後嫌我唔夠大條點算。
我喺度諗，曉彤會唔會都係睇上嗰度先同佢一齊？都係諗少啲無謂嘢，佢玩得開心就好。
浸完溫泉就返房換衫，再落去食buffet，繼續我哋嘅少爺仔腐敗渡假mode，嘢食就都係咁啦，一般酒店水準不過不失無乜好講，兩個女人比起我哋會開心啲嘅，一嚟佢哋未玩厭呢樣嘢，二嚟佢哋鍾意沙律同甜品，呢度有豐富選擇滿足佢哋。
食飽飽就各自返房，今晚終於可以同詩敏一齊度過，唔係話嫌棄曉彤，始終而家詩敏先係我嘅女朋友。
敏：「喂！由朝浸到晚你唔厭嘅咩？」
又係喎，食完早餐已經喺泳池，跟住落沙灘，再浸埋溫泉，腐敗到而家。
我：「咁我諗住橫掂都要沖涼…咪…」
敏：「你屋企都有得浸啦，你唔係諗住咁快上床呀？」點同，屋企浸咁耐會俾人仇視。
我：「正確啲講係同妳一齊上床。」
敏：「係咪應該做下運動先？」
我：「妳想做乜嘢運動呀，曳豬？」
我一路講就一路拉低佢底面兩條褲，雖然只係無見兩晚，就已經好掛住佢蓻陰毛，同埋下體傳嚟嘅幽幽清香，當我哄塊面埋去想伸條脷出嚟舐…
敏：「食屎啦你，我講真係運動呀！」
佢用手抽返起兩條褲，個樣真係有啲惡。
我：「咁我哋都有游水吖…」
敏：「你係一個運動員，應該識分乜嘢係運動同埋乜嘢係玩㗎可？」
我：「識嘅…雖然我唔覺得自己係運動員。」
係嘅，嚟咗咁耐最大嘅運動量其實係救妹妹仔。
敏：「你睇下你，食到肚滿腸肥咁，好在同你嚟一個禮拜啫，嚟多幾日你重唔重多幾磅，你記唔記得我哋下個禮拜就要打比賽㗎？我唔想第一圈就俾人foul呀！靠你真係死得，唔好累我好唔好？」
我：「Sorry…」佢重一路㧻我浸緊水嘅肚仔。
敏：「落去做下gym啦。」
又係喎，話明歎酒店梗係要用勻晒佢啲facilities㗎啦，spa就話太貴啫，gym room免費開放無理由唔去嘅。
就係咁，我哋兩個換好衫就出發，女神呢，就始終都係著住運動衫最吸引，因為呢個時候佢先係完全屬於我，著比堅尼嗰陣就通街俾人睇蝕晒。
敏：「點呀，重咗幾多呀？」
我：「三…公斤…」雖然啱啱食咗好多…都未至於…
敏：「知死未呀？重想日日歎世界。」
我：「咁妳有無重到？」
敏：「你理得我吖！總之…做夠一千卡先准走呀下！」乜話？！一碟乾炒牛河咁多嘅量？
食就易呀，十五分鐘處理完一碟，要做嘅話…無兩粒鐘係無可能嘅，雖則而家先係九點幾；計我話女神肯定都重咗先咁緊張，明明佢自己都食得鬼死咁開心，成千蚊個銀河餐都吞落肚；對一個運動員嚟講，無端端重咗三kilo係好大鑊嘅一件事，試諗下你要抱住大半包米打波你就明。
要消耗卡路里其實好簡單，就係帶氧運動，詩敏隨手就揀咗部踏步機上去玩，我就喺佢隔籬玩單車機，唔係因為我懶想坐喺度呀，係因為可以free隻手出嚟一路舉下個五磅啞鈴。
敏：「唔好較咁大阻力呀！一陣踩傷咗隻腳打唔到波我唔會放過你㗎。」
又會咁認真嘅，睇嚟佢今次真係好想打返少少成績返嚟，不過呢啲基本嘢我唔會犯嘅，靠壓力練返嚟嘅肌肉同靠自然運動生長嘅肌肉係兩回事嚟。
玩咗個零鐘已經六百幾卡，我同佢換機去拉下艇，呢部嘢可以訓練埋條腰同隻手啲肌肉。
最後我喺十二點閂門前做夠啱啱好一千卡路里；媽咪呀，我真係唔敢再食咁多嘢喇，呢種辛苦嘅感覺對比起食嘢嘅快感其實係會嘔返突，雖然運動都係會好high，兩個幾鐘差唔多無停過…
我望住大汗淋漓全身濕晒嘅詩敏，就連頭髮都喺度滴緊水，塊面重係紅卟卟，全身滾辣辣咁，就算打完波都無而家咁刺激，實在係異常地誘惑人。
我忍唔住攬咗落佢度，瘋狂咁惜佢。