【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 千鈞一髮的勇氣

QQ600k釋出

玩到十一點我哋又準時去到喰吞屋開餐，有咗琴日嘅經驗，就算唔係好肚餓我哋都一人嗌一碟；今晚會去名護市中心，去到都好晏，又未必有好嘢食，所以美食當前就食定先嘞。
鳴：「唉…呢個島仔啲嘢食咁好味，叫我點食返松屋呀！」嗱，只限晏晝，民宿嗰種傳統日式住家食真係唔太啱我哋呢啲細路仔。
我：「重講松屋？你唔係諗住香港有松屋呀，返去食返你嘅吉野家同大家樂啦。」
鳴：「咁有時都會去東京大阪㗎嘛…」
敏：「喂！重大家樂？你唔係唔記得應承過我啲乜呀？」詩敏個樣突然變返三年前大排檔女神樣。
我：「係，記得，放心，唔會大家樂…」
彤：「哈…唔通你，又要捱車仔麪…噗哧…」
我：「唔係呀，車仔麪都無呀…」


彤：「哎唷喲呀，陰功豬，真係重慘過做兵嗰時！」曉彤妹妹，乜真係玩我咁開心嘅咩？
食完美食，返去民宿攞行李，等巴士，趁重有啲時間，兩個女仔又周圍影相，連個巴士站牌都唔放過；的確幾矜貴嘅，阿波連沙灘有幾多港人嚟過吖？
巴士出到去渡嘉敷村大約一點左右，船就兩點開，所以我哋都要喺度行下先，比起南丫島市中心呢度可以話荒蕪好多，有一間超市，一間老式便利店，一間漁協批發場；土色土香都值得睇下嘅，有呢幾個島嘅漁產同農產售賣，但對而家嘅我哋嚟講就無乜用喇。
上船前兩條女又瘋狂影相，同碼頭影，同架船影，同船期表影，同塊跳板都要影…我心諗，乜同香港啲船真係咁大分別咩？
彤：「詩敏，畀部機嚟睇下影到我點？」
我同一鳴推住三個喼行來行去，上氣不接下氣，坐低梗係抖返夠本先，返到那霸又要搵車搭都唔知要行幾遠添；係嘅，我都唔好意思睇住佢係咁一個人拉兩個喼所以都會幫下佢。
彤：「嘩！」
鳴：「嘩！好大呀…」
我坐最左手邊，跟住詩敏，曉彤，一鳴，見佢哋好似發現新大陸咁我又去䚎下係乜先…
嘩！唔䚎由自可，一䚎就…我閃電咁伸隻手跨過詩敏擋住咗曉彤手上部相機嘅螢幕。


敏：「呀，一鳴先生，乜我著住泳衣嗰陣你睇唔到我大唔大㗎咩？可？」
曉彤開咗我幫詩敏影水底露波波嗰幅相…陰功。
彤：「喂！作死你呀，縮手，做乜唔俾我睇！」
曉彤夾住我啲手背皮拉開我隻手，而我就用手指公同食指鉗住部相機。
我：「曉彤…唔好咁啦…唔啱妳睇…」
彤：「做乜呀，家陣女神你霸晒呀？我想欣賞下好姐妹都唔得咩？」妳哋喺更衣室點會無得睇喎…
我：「詩敏…」女神妳出句聲啦…
敏：「做乜喎，大驚小怪，女人都有波㗎啦。」
我：「但係…」一鳴喺度㗎…
彤：「縮手呀！咪阻住，女神都未出聲。」


佢哋咁講我只好鬆返開隻手，唉，今勻蝕晒喇。
敏：「做乜喊咁口，眼冤呀…我哋出去睇下風景啦。」詩敏一路講一路推咗我出去船艙外嘅走廊。
都係嘅…佢哋睇埋啲咁嘅相，我真係無眼睇…
唔係喎！重有…弊！
我：「詩敏呀…部機重有妳喺汽水機前面嗰啲！」
敏：「做乜喎，咪又係人一個，大方啲啦…」
我：「點得…妳乜都無著㗎，重有嗰啲動作…」
敏：「咁又點喎，就算放埋上網，我去拍埋AV，你都對我不離不棄㗎嘛。」
我：「但係一鳴咪睇晒…」
敏：「是但啦，你都睇過晒佢條女啦，當益返佢囉。」女神妳咁講，算啦，妳咁靚佢都係讚嘆…
我：「唔係喎！重有…妳幫我喺水底影…嗰啲…」
敏：「做乜啫，乜曉彤未見過你射精咩？」
我：「咁一鳴…」
敏：「係呀，一鳴以為你係處男，咁大個仔未射過精添呀！都唔知有乜好驚…你哋以前去游水佢睇唔到你條嘢咩？又唔係細條到唔見得人，唔好諗埋啲無謂嘢啦，陪我望下個海。」
詩敏係女神，係淫賤小魔女，係露體狂…好多嘢我以前都估唔到，而如果預先知道，我哋嘅關係又未必會係咁；總之佢話乜我咪話乜囉，呢啲嘢我好尊重我女人，最驚一鳴睇到扯行晒然後俾曉彤剪J咋；不過又係嘅，以前我同曉彤拍拖，望多詩敏兩嘢佢就發晒爛渣，但呢幾日一鳴好明顯係有欣賞詩敏嘅body，都唔覺得佢有啲乜避忌咁，頭先重大大聲話詩敏好大，畀著我以前閹到包皮裂開都似，唔通曉彤佢轉咗死性？


喺我同詩敏靜靜挨住窗邊睇風景嘅同時，有個著住粉紅色連身裙嘅妹妹仔喺條走廊跑來跑去，我諗四五歲到啦，都正常嘅，搭船好鬼悶，小朋友好動就鍾意周圍走，以前我細個陪屋企人飲茶都因為咁而俾人鬧到飛起。
跑下跑下佢停咗喺船尾嘅一個欄桿位，佢咁矮係得嗰度先可以俾佢睇到風景，佢兩隻手捉實咗矮嗰枝欄桿，大約到佢條腰上少少。
我：「詩敏，個妹妹仔咁企…好似好危險。」
敏：「少少啦，我細個都係咁。」唔怪之得大咗…
我：「屋企人做乜唔睇住佢嘅，我哋使唔使帶返佢入船艙？」
敏：「點帶呀？你識講日文？唔驚俾人當拐子佬？」又幾有道理，除咗夾硬抱都唔知可以點。
我：「但如果佢跌落海好大鑊㗎喎…」
敏：「呢度沖繩嚟㗎，唔係港孩，佢分分鐘飲海水多過你飲清水呀…」咪玩啦，西水都或者有可能嘅…「同埋你見唔到佢捉實咗條欄桿咩？唔通佢會無端端跳落去咩？」
我：「詩敏妳幾歲學識游水㗎？」
敏：「七歲囉，但我由細到大都唔驚水嘅。」
真係黐線，重早過我，唔怪之得妳會咁玩。
點知我同詩敏講講下一個浪打落隻船度，我哋都戳咗一戳，要向後踏開咗一步，如果唔係就跌低…
敏：「咦！個妹妹呢！」
我哋即刻跑咗去船尾，我見到海上面有件粉紅色物體，呢架快船嚟佢已經越嚟越遠…」
我：「詩敏！」


敏：「嗯！」
大約五秒，真係有咁快，我除咗自己對鞋，掉埋褲袋銀包電話落地，一嘢跨欄就跳咗落海；嘩！好恐怖！海唔驚，個螺旋槳同啲旋渦呢…好彩我出盡力一跳，如果唔係都好危險。
我向住妹妹嘅方向不停游，從來都唔游自由式嘅我大概爆咗差唔多一百米。
我鉗實咗佢。呢位妹妹都好似熟熟地水性，我去到嘅時候見到佢不停咁用手拍水面，如果唔係我游咗差唔多成分鐘我已經要喺海底搵佢。
好彩唔使，就算日光日白要喺大約十米範圍內搵沉咗嘅人係好高難度，我又無泳鏡。
總之，唔使死住。
喂，詩敏，妳搞乜鬼呀？掟個水泡落嚟都好吖，側邊應該有㗎？不過我游咗成百米，架船又開咁快，可能掟咗落嚟我都睇唔到…
不如停船吖…詩敏叫船長停吖…屌！過咗兩分鐘我已經差唔多望唔到隻船咁滯；喺嘅，言語不通，船長點會即刻明佢想點而停船；而且日本人咁龜毛，停之前先要經過一大輪確認，況且佢又唔係搜救船，過咗幾分鐘開到咁遠應該未必會返嚟。
妹：「嗚嗚嗚嗚嗚嗚嗚！」
係喎，差啲唔記得咗佢添…
我：「No…problem…I am here。」
妹：「嗚嗚嗚嗚！」鳩識英文咩…
我：「沒事，沒事，我會救妳！」死馬當活馬醫…
妹：「嗚嗚嗚嗚！」雖然好多日本漢字似普通話…
我：「Kon…nichiwa？」


妹：「おにいさん…」嗯？叫我？
我：「欸…呀…嗯…」
妹：「嗚嗚嗚嗚嗚嗚嗚！」
唉…成日嚟日本，點解唔學多幾句呢？不過就算我識多幾句都唔見得咁嘅情況有乜幫助。與其係咁，不如呢…學下唐老鴨。
我：「喵，喵喵！」
妹：「にゃお…」掂喎，佢識應我！
我：「喵喵，喵喵喵…喵喵！喵？」
我都唔太知自己噏緊乜鳩，只係用一個好誠懇嘅態度加一個充滿自信嘅眼神望住佢，外加幻想下Tom and Jerry同功夫貓黨嘅語氣。
妹：「にゃお…にゃお…にゃお。」
OK喎，佢真係開始唔喊，睇嚟我係BB話專家！
但呢個絕對唔係值得為呢樣嘢高興嘅時候…