【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 畀初音妹妹車巴

到咗十月三十一日，星期三。
上上下數學堂我feel到部手機震。
音：『Trick or Treat？ヽ(✿ﾟ▽ﾟ)ノ』
終於，要來的始終要來。
敏：「上數學堂重睇手機，活得唔耐煩？」
佢講得啱，如果手機俾人沒收咗，覆唔到message，個妹妹一怒之下將我啲片放晒上網我就game over，都係一陣放小息先應酬佢；究竟佢係邊個呢？詩敏喺我隔籬一直專心上堂，曉彤就只係望到背脊，佢唔會大膽到咁樣send meesage過嚟呀？如果send緊嗰陣俾Miss Lam睇到就穿煲㗎喇喎，Miss Lam寫緊黑板就更加無可能，唔通真係隔籬班嘅？
為咗安全起見，我索性小息去男廁覆佢。
我：『初音妹妹係咪要糖呀？：p』
睇嚟我有啲被虐狂，俾人勒索都可以咁開心，但佢咁耐無搵我真係有啲掛住佢，我已經深信佢係對我有啲嘢一定唔會傷害我。
音：『初音你個頭呀！重細咩！唔要糖呀。』


我：『咁妳想要乜？西米露？』
音：『賤人！淫蟲！變態！』
我：『咪扮嘢啦…妳都食咗兩次西米露啦，今次又要幾多億呀？』
音：『哼哼哼！嬲呀！』
我：『唔好嬲啦，我儲咗好多西米露，妹妹妳可以慢慢食，我會喂妳。』
音：『哈，有人作反，六點老地方，等炮製啦。』
我：『等妳炮製～^3^』
會唔會玩得太過份？單以同初音妹妹嚟計應該唔會，佢偷影我打飛機再勒索我，由一開始已經over晒，咁我重有乜好怕？只要令佢唔好將我放上youtube就得，全校出名已經難捱，千祈唔好變全港知名…
但我覺得我背叛緊詩敏，我應承過佢唔會同其他女仔過從甚密，話雖我唔知初音妹妹係邊個又未見過佢個樣啫，但佢都係其他女仔…某程度上我重覺得佢係彌補咗一部份因為我追詩敏而做成嘅缺失，就算我同女神係幾咁純愛，掂都唔掂得，當我知道間唔中會有個女仔約我做埋啲衰嘢，重吞埋我啲精，肉慾方面就好似滿足咗一大部份。
我…算唔算出緊軌？一腳踏兩船？再諗深一層都幾荒謬，一個係女神暨抽奬一日限定女友，一個係見唔到聽唔見嘅謎之初音妹妹…其實兩個都乜都唔係，點解我唔可以有個正正經經嘅女朋友。


係喎！今日星期三重要練波！希望時間上可以就到無問題啦。
今日五個人一齊食飯，望落幾正常。
放學就如常練波…
敏：「好啦，今日早啲走。」
我：「五點都未夠，咁快？」頂，點解我會喺度講反話，明明我就好想佢早啲走送佢返屋企。
敏：「有作文功課吖嘛，你知我鍾意花時間作文，如果你想打咪繼續打囉。」
我：「唔啦，我送妳返屋企。」
雖然係有啲麻煩，但都係送佢返去好啲，留喺度好似有啲可疑，費事佢以為我同其他師妹打波啦。
送完佢之後，我又火速跑返學校，其實…呢個時候重喺學校出現嘅女仔都可能係佢，但我又應承過唔會揭穿佢身份；算，沖涼先，臭繃繃都唔好意思見佢…可惜嘅係雖然可以喺學校沖涼，但我無衫換，不過都無能為力。
沖完涼先五點半，重有少少時間，喺學校遊嚟遊去硬係有啲唔自在，總覺得周圍會有人留意我，又驚唔小心揭穿初音妹妹身份，都係上去圖書館匿匿先。


點知我一入到去見到一個人，走都走唔切，而佢亦都望住我，唯有行過去打招呼。
我：「得妳一個喺度嘅？阿Wing…」
唔通佢就係初音？！唔係咁啱斷正呀…雖然玩得咁癲真係有可能係佢，甚至衰到上兩次嘅性幻想對像都係佢，真係有咁巧？
詠：「咪係度溫書囉…」
我：「就係咁簡單？」
我直頭好想問佢係咪喺度等緊夠六點鐘去女廁…點得咁，雖然我好想同阿Wing玩，但我都唔可以背叛我老友一鳴㗎…而且如果Wing知我啲衰嘢，佢一同詩敏講我就玩完，拜託千祈唔好係佢。
詠：「唔好問啦…咪又係鬧架…」
我：「你哋無乜嘢吖嘛？」
詠：「可以有乜…咪又係咁…都慣晒啦。」
我：「希望妳兩個快啲和好如初啦。」
詠：「是但啦…應該都就分手㗎喇…」
我：「原來…係咁…」
我都唔知講乜好，佢哋先開始咗個幾月。
詠：「所以，拍拖真係唔好揀處男呀…」
我：「處男…有乜唔好呀？」


詠：「會溝通唔到，會激死妳，想咬死佢，係好辛苦，重辛苦過你追女神。」
我：「我都唔知講乜好…」
詠：「你唔係打完波咩？唔使送女神返屋企？」
我：「送完喇…」
詠：「咁做乜又返返嚟學校？」
我：「屋企有親戚嚟，唔想返去應酬。」
點解我會無端端俾佢質疑，唔通我個樣真係咁可疑？唯有求祈老作個理由…
詠：「呀…有兵真係好。」
我：「有啲乜嘢咁好？」
詠：「望住你傻更更咁其實都幾開心。」
我：「咁詩敏佢係咪都會開心？」
詠：「吖，你問返我都有嘅，如果佢唔開心你做乜留喺佢身邊？」
我：「咁又係…係呢，妳覺得我同佢有無可能？」
詠：「我點知喎，不過…我幾想睇你同佢鬧架。」
我：「吓？點解會咁諗？」


詠：「咁咪有人同病相憐囉…哈…」
如果我同佢鬧架，即係我兩個已經喺埋一齊？我係咪可以咁理解，但呢一刻嘅我係完全想像唔到，實在太遙遠，如果到時做咗幾年兵喺埋一齊，但兩個月唔夠就鬧分手咁就好笑。
嗯，我應該處理咗眼前嘅問題先。
我：「呀，我醒起咗要去locker攞啲嘢，唔阻妳溫書，聽日見啦。」
詠：「Bye bye喇，人哋隻兵。」
係佢？唔係佢？圖書館重有十分鐘趕人…如果我匿喺樓梯睇…無意義，我唔應該去知，如果唔係我夾硬除眼罩都得啦。不過如果係佢我都開心，但一鳴知道咗就實想殺死我，佢唔會因為鬧架而搵我發洩呀？但一鳴同佢開始前已經玩緊我，咁諗又唔多合理。
為咗等自己唔好亂諗嘢，我入去女廁閉關先。
我：『初音妹妹，我到咗喇，眼罩都戴埋。』
等咗一陣我聽到有人入嚟，曾經我諗過如果唔係佢嘅話會點，但心諗應該無呢個可能。
音：「嚟炮製你了。」
我：「我好掛住妳呀！」
我決定主動出擊，睇下可唔可以令佢心軟，如果佢對我有意思，可能真係會向我坦白身份。
音：「果然賤骨頭，除褲啦。」
玩咗兩次我都熟晒手，唔再介意啲乜，佢一講我就解開褲頭拉低露條嘢出嚟，而且已經硬咗…係，我認我有啲鍾意咗呢個妹妹，無得睇齋諗我都硬，如果俾我知道佢真係Wing我應該會忍唔住㩒佢埋牆即刻插入去，等妳話唔鍾意處男吖嗱！
音：「咁快就硬到咁？」


我：「要喂妹妹妳食西米露吖嘛。」
我講完就開始戳條嘢。
音：「喂，咪住，有話俾你開始咩？」
我：「咁，我哋要等啲乜…」
音：「你知唔知我每日睇住你同詩敏掛住同一隻南瓜我個心究竟有幾痛？」
我：「對唔住。」我都唔知自己點解要道歉。
音：「而家就係你補償返我嘅時候。」
我：「一係妳話我知妳係邊個，可能我會鍾意妳呢，到時我就會放棄女神。」
「啪！」
我…俾佢打咗一巴。