【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 女神的生日禮物
嗰件事之後，神秘嘅唔知妹妹定姐姐亦都暫時消失咗，而我都可以平安順利咁返咗一個禮拜學，我諗佢其實唔係一個衰人嚟，只係貪玩啲啫…而且如果佢只係咁同我玩，其實係有啲enjoy，雖然唔係⬛️到⬛️⬛️，但一個女仔吞晒自己啲⬛️⬛️落肚，點都係令人興奮心動。
而Miss Lam佢都好成功令我知道咗自己要讀書，都中四喇，真係唔可以下下靠急才解決，重有年幾就要考會考，時間緊迫，係要認真咁努力一下，呢個就唔再提喇。
重有另一件事，就係一鳴同Wing姐兩個明顯咁開始撻著，由返學就開始謦欬謦到放學，一整日嘰嘰嘰咁笑，諗返起我嗰日喺廁所借佢嚟打飛機，都真係有啲唔好意思，不過對於自己個兄弟可以咁快就識到個好女仔都開心嘅。
只不過…唉…坐佢前面…好大對比…有一個只可遠觀而不能褻玩嘅女神，就連諗都唔得！加埋有一個會係咁擰轉面同詩敏謦欬嘅曉彤，三句唔埋又喺度串⬛️我，都真係幾無癮；亦由於佢成日唔理坐佢隔籬位男同學，所以嗰位兄弟都幾無奈。
開學過咗一個禮拜，啲學會都開始運作返，我唯一有玩嘅就係羽毛球校隊，今個星期三本來係練波嘅日子，但今日就變咗係幫手招收新隊員，謴啲傻豬豬入嚟加埋同老師溝通嘅重任就交畀中六啲師兄師姐做，我同詩敏兩個就負責同啲水魚打下波，即係人肉發球機加執波機咁，順便睇下佢哋有無天份；當然，我最大嘅職責都係趁對面執波嘅時候偷偷哋望下詩敏，今日我同佢喺同一邊，平時好少可喺呢個角度睇住佢著PE衫打波，真係好靚，側邊好清楚咁顯示到佢對波喺度上下搖動嘅幅度…
但又唔敢太過份，因為全世界都知我哋有嘢，我唔想太鶻突，不過換轉角度諗我係咪猖狂啲都無所謂，反正通晒天，但我又唔想令女神佢有壓力同難受…好糾結。
而且，我重有正經事想做，希望順利。
打完粒幾鐘，大概五點，我哋交返個場畀啲師兄師姐打，有啲真係有心入隊嘅同學仔又繼續同佢哋打咁，總之呢…我同詩敏佢放學，換完衫我就喺女更衣室前面等佢，按道理我係照常送佢返屋企；等嘅時候有啲同學經過會望一望我再露出奇怪嘅笑容，不過我早就習以為常…
敏：「得喇，行啦。」
我：「詩敏，可唔可以…遲少少先返屋企？」
敏：「想點呀？」
我：「妳係咪過幾日生日？」
敏：「頂！你條友仔係咪䚎我手冊？」
我：「坐隔籬咁啱睇到啫。」
敏：「係，不過請你唔好送生日禮物畀我。」
我：「唔係送禮物，可唔可以陪我去一個地方，嘥妳少少時間，放心…我唔會做奇怪事。」
敏：「信你一次啦。」佢諗咗兩秒之後答我。
而我哋就行咗去附近嘅一個商場，到咗目的地…
敏：「喂！都話唔洗送禮物畀我…！喂！做乜搶咗我塊拍！死人頭！咪走…」
我無理到佢，頭也不回咁入咗間鋪，放低個書包，攞起詩敏塊拍同卷線…而佢當然跟埋我入去。
敏：「作死你！搞乜鬼拆咗…」
「妳由佢啦，佢學咗成個禮拜㗎喇。」
敏：「志華…你…幫我織？」
我：「嗯。」
「妹妹過嚟睇下啲衫同鞋吖，由佢整啦，唔好畀壓力佢。」
“直線27磅…”，“呢個窿要跳線…”，“橫線29磅…”
我個心默默咁唸住，將條線穿過一個又一個窿，不停咁喺部織拍機上面轉塊拍，拉線，夾線，再穿…好彩都幾順利，唔使一個鐘就去到最後打結，而呢個時候老細同詩敏都返過嚟睇我搞成點。
我：「搞掂喇！」
「讕醒！咪得戚！攞嚟睇下先…嗯…算係咁啦。」
老細佢inspect完之後就畀返塊拍我。
我：「詩敏，還返畀妳。」
佢無出聲，但就用一個我從來無見過嘅樣望住我，佢無笑，一面認真，兩隻眼直射落我隻眼入面…同以前嘅佢唔同，同返學時唔同，同打波嗰陣唔同，就算我同佢表白嗰日都未見過佢呢個樣。
係喎，都六點幾，要快啲送佢返屋企。
我：「老闆，今日麻煩晒你！唔好意思呀…」
「死仔包！得閒嚟幫我看鋪呀！」
就係咁，我哋離開咗間鋪。
敏：「你呀，重話唔係送禮物畀我？」
我：「咁起碼唔係買返嚟㗎嘛…」
敏：「哈！條線唔使錢嘅？」
我：「我無可能做到條線出嚟嘛…」
敏：「算啦，放過你。」
我：「詩敏，妳開唔開心？」
敏：「唔知呢？幫我攞書包啦！」
佢行喺我前面，攞住塊羽毛球拍，拍套都唔上，轉下轉下塊拍，著住校服彈下彈下，我諗…女神係滿意嘅。
到咗佢樓下，我畀返個書包佢。
我：「詩敏，我鍾意妳。」
敏：「嗯，我知呀。」
女神…妳埲牆真係厚到好似水壩咁。
我：「其實…我有無機會㗎…」
敏：「我諗機會就一定有嘅，不過有幾多我都真係唔知。」
我：「妳都唔知？」
女神妳玩我咩…妳都唔知咁重有邊個知…點解唔直接拒絕我算，反正我就無諗住會成功。
敏：「如果你只係諗住我有無機會開口答應，咁當然知，但兩個人一齊係咪真係可以開心快樂，咁就真係要問個天先知。」
結果我俾佢好巧妙又哲學咁回避咗。
敏：「不過，見你表現幾好，我諗下點幫你啦，聽日返學同你講，bye！」佢笑住咁揮手。
點幫我？女神教我追女神？有無咁好玩呀…我諗我至少行咗一小步，佢終於唔係話我追女神睇唔開，而係話睇下點幫我。
呢一小步，就好比岩士唐喺月球行出第一步，而佢嘅目標係行到去火星。