是咁的，我係一個連環殺手: 2.童年

我叫做柳鳳，1969年喺香港出世。
我阿媽柳有娣當年14歲，因為佢嘅五官精緻，身材又玲瓏浮凸，年中想識佢嘅男人何其多。嗰年佢度緊書，成績唔錯。有一次，佢個同學聲稱自己有嘢唔識想請教吓佢，之後就帶咗我阿媽去佢屋企搞咗我出嚟。當年我阿媽屋企冇錢比佢落我，所以唯有生我出嚟。個賤男冇咗影，我阿媽決定絕學，獨力照顧我。
我出世嗰年我阿媽得15歲，佢自己都仲係一個細路，又點樣可以好似正常家庭咁養我呢？
我阿媽因為受唔住大壓力，終日搵我嚟出氣。輕則攞藤條毆我，重則對我拳打腳踢、折凳扑頭......
為咗維持生計，我阿媽去咗做夜總會木魚（可以扑所以叫木魚）做咗呢份工之後，雖然佢每日俾人灌到爛醉，返到屋企又成日發癲，但係就帶到穩定嘅生活俾我哋，我哋衣食無憂，著得好食得好，算係社區內嘅有錢人。好景不常，當我阿媽事業去到最高峰嘅時候，佢感染咗性病。當時佢只有25歲，而我就只有10歲。
最後，佢揼低咗我一個，自己去咗極樂世界。
只有十歲嘅我應該點做？阿媽留低咗一大筆遺產俾我。我有樓住又有錢洗，生活應該唔難？
只有十歲嘅我愛上咗揮霍。終日荒廢學業去鳩嗚；又成日買嘢請人食；又會俾多啲錢啲士多阿伯叫佢地通融吓賣啲煙同酒俾我......三年後，我用晒阿媽筆遺產。
已經十三歲嘅我只剩返低間屋，有地方住啫，都要食飯㗎。所以我應該去賺返啲錢。
當時性教育封閉，老師上堂嘅時候幾乎都會skip晒有關性嘅topic。導致啲同學一個二個都對性產生極大嘅好奇心。大家都只係知道個動作係點，完全唔知道會係咩感覺，所以我決定做一個老師，帶領佢哋進入另一個境界。滿足到佢哋之餘我又可以從中獲利，何樂而不為呢？呢幾年間，我不斷賺錢，做過嘅師兄師弟同學50對手都數唔晒。雖然冇可能恢復往日嘅糜爛生活，但都叫做可以負擔到我日常食飯煙酒嘅開支。