無啦啦有三條女同左我一齊住: 44

結果，我同otto一齊玩fgo玩左成個下晝

我並響佢教路下，將弓凜升到90lv



「屌你個歐洲人呀，我都想要弓凜呀...」

otto嘆一口氣：「不過最衰香港無機啦...」






無幾耐，阿豪都黎到機鋪

「喂阿豪，乜依家先黎架？！」

「我...周圍行下丫嘛...」

阿豪拎起手上果個紙袋：「去買下啲結他effector姐」






我望一望阿豪，佢點一點頭

似乎交易都成功



夜晚我地同返班女仔響新宿會合，去左一間叫鳥貴族既串燒店食


今晚係同椰奶、阿純同肥昇同枱





「喂，你地班男仔今日去左邊度玩呀？」


「老秋囉..」

我拎左串炸雞皮黎食


點知椰奶即刻喝住我

「喂！用筷子夾一舊算啦！咁貪心！」


「屌..阿純都係咁啦」






阿純係咁狂拎串燒黎食

「咁串燒..真係應該成串食架嘛...」阿純一邊趙一邊講，都唔係好聽到佢up乜


食食下佢仲拎左相機出黎影野食，應該係佢個ig post寫野用


我再問

「咁你地呢？今日去左邊呀？」









「涉谷呀新宿呀咁囉」

椰奶舉起哂左右兩邊既袋：「不過都係beams同rageblue買得最多啦！夠平！」

講埋啲我唔識既牌子名，完全搭不能到嘴


「新地好心你就學下著衫啦，成日niko and！」


「屌又唔係溝女...」







「吓，你唔係想....既咩？」

「吓咩呀？」


「唉無野啦！」

椰奶講到一半又唔講，想點呀...？


「我無同佢地買衫呀...」

阿純自己開左電話比我地睇：「我去左搵食野呀」






阿純個ig page又吉列牛又雪糕咁

不過都啱既，對阿純黎講食野先最緊要



「咁你呢新地？下晝有冇搵到咩好野食呀？」阿純問



「我地下晝食薩利亞咋喎...」


「咳...！！！咳！！！！」

椰奶同阿純一齊濁親


「你..你地搞笑咋話ching？黎日本仲食薩仔？」椰奶抹一抹嘴


「咁難得黎到，好哂呀你地！」

我都好難得見到阿純咁大聲講野



「屌，咁男仔打起機上黎就食乜都無所謂架啦」



「打你老母！」

個樣又好似貓左既傻強響隔黎枱大叫：「肥昇同阿狗兩條撚樣...去左見相...澤南呀！！！！」



「喂你咪撚爆啦」



「咩相澤南呀...」

嘉桓即刻用電話check:「咦～～～av女優黎既！」


成班女仔即刻縮開，生怕肥昇同狗哥身上有傳染病

「好核突呀...」


「屌你爆鳩我地大鑊！」

狗哥怒道


「抵死啦，今日咁撚得戚丫啦」



「call攞~~call意架~~~mi囉li馬su yo li~~~~」


返到民宿，大家都係繼續唱k

不過佢地唱親都架文歌，我又好難搭到嘴


「喂新地」

阿豪將我叫去走廊度

「我拎左啦」


睇住阿豪手上既兩張alexandros飛，我問

「咁你諗住幾時比marie呀？」


阿豪望住大廳正同班女仔傾緊計既marie

「...依家」