無啦啦有三條女同左我一齊住: 40

「哦...小事啦，依家都叫趕得切啦」

我睇一睇我張機票，係30F

「你張機票...」


「哦頭先我地兩個臨尾先check in，所以我地無得同佢地坐呀...」

chantal舉起佢果張機票：「我係30E」







咪住先...


咪即係...我同chantal二人世界？！


屌屌屌！乜撚野二人世界呀...






「丫你個新地丫，估唔到又真係趕得切喎！」

椰奶衝埋黎及時打破我既幻想


「今鋪型仔啦新地！」傻強又響度附和







「唉唔好搞笑啦，好肚餓呀食早餐啦去...」


我地響禁區間大快活食早餐果陣


「新地，你頭先係點樣趕到過黎架？」阿純問


「頭先一落車就即刻call uber...都叫勉強ok既...」


「咁咪好貴...我不如比返錢你丫..」





chantal即刻拎定銀包出黎



「唔..唔駛啦...」

我即刻禁住


呢個時候，我發現到

larry係咁望住chantal...同埋我


佢唔係，以為我係佢情敵下話...！







食完野無幾耐，我地就開始上機


「喂一陣見啦！」

椰奶佢地成班人坐14-16果幾排，前過我同chantal好多
講起上黎，即係chantal特登等埋我先check in...？



去到我地果排，走廊位一早已經坐左個姨姨，正正常常咁無乜野





「chantal呀，你睇唔睇風景呀？」

「真係架？唔該你呀新地..」

我比左我果個窗口位chantal坐


響機長、空姐講完啲廣播無耐，飛機正式起飛


「隆隆隆隆.....」

屌，脫離地心吸力果下原來都幾辛苦

耳仔勁塞







「嘩，好靚呀！」

chantal成個細路女咁睇住窗外既雲

「新地呀，你有冇搭過飛機呀？」



「呃....無呀...屋企又唔係真係好有錢..」


chantal摸摸頭

「其實呢..我都係第二次搭飛機咋」


「咁第一次係...」


「就係同...果個人...去台灣...」



果個人好明顯就係講緊果個richard啦


「唔好...諗啲唔開心既野啦」

我即刻安慰


「其實我冇野架啦...如果唔係都唔會同你地去旅行啦」


「哈哈...咁又係」



chantal同richard去過旅行

咁...即係好大機會...做過？！


「嗯？」

chantal留意到我錯愕既表情


「冇...冇事！」

同chantal兩人獨處，不自覺緊張起黎



坐到一半，chantal拎出一包朱古力，細細聲講

「食唔食呀」


「你偷拎上機架？」

「嘻嘻係呀」



我接過朱古力再放入口中，幾甜


不過經過今朝既趕頭趕命，加上飛機焗促既空氣

我響不知不覺間就合起左雙眼




「各位乘客，飛機即將遇上氣流...」


「隆！！」


熟睡中既我，就比呢一下震動搞到醒...


唔止喎...


chantal緊緊捉住我手臂，先係真正令我醒既原因

chantal既手雖然滑，但佢留左少少既指甲，抓到我好痛...