無啦啦有三條女同左我一齊住: 38

我地班機係聽朝915起飛，所以我地定左，六點半響暗hall出發

去到機場仲可以食個大快活早餐，輕輕鬆鬆上機


飛機方面，大家話想省錢，所以去果程就大家一齊坐廉航



至於回程，因為大家去既地方都唔同





所以未決定去邊既我，就跟左椰奶買定羽田返香港既ana機票


而酒店方面，我地頭幾日就book左間響池袋既民宿

我地十幾人住兩間，夠哂


至於剩低果幾日，我就諗住，決定完先再book





因為marie講過即日book酒店其實都好易






講真，第一次出遠門，少少...唔係






係好撚緊張！




對面既tyson，訓到成隻狗咁

「咕....咕.....！！！！」


而阿豪，都訓到發開口夢

「賣飛比我呀....」







「嘩屌...訓唔撚到呀.....」

我響床上面轉左好多次身，轉到兩點幾先訓到


「鈴鈴鈴鈴鈴鈴！！！！！！！」

五點四十五分，鬧鐘準時將我地三個嘈醒


「哇屌...好耐無咁早起身啦...」

tyson摷一摷個頭：「喂新地阿豪，起身啦...」






我地三個成個喪屍咁入到廁所，只見成班人已經刷緊牙，洗緊頭


「乜你地咁遲架，差啲想撞門架啦！」otto笑道

「比我就唔叫啦，由得你地響香港過聖誕啦」肥昇笑道



「嘩你班友仔咁無人性既...」

tyson入廁格屙尿既同時，我同阿豪就即刻刷定牙先







「阿豪，你最後搵唔搵到黃牛飛呀？」我問


「...嗯...」

阿豪點一點頭：「四萬yen，兩張」



我數數手指

「仆街...計返...都成三千幾蚊喎...」






「無計啦...」



梳洗過後，已經見到成班女仔響哂common


「喂個個咁早搞掂既？」tyson問



「緊係啦，五點起左身啦」

嘉桓雖然咁講，但個樣仲係好精神


「我成晚無訓過tim啦！」阿梅成個人都整裝待發咁


而椰奶、chantal同阿純三個睇落個樣都異常興奮



「好！咁行啦！！」



我地一行16個人，正常出發



上到A車之後，我地已經霸哂成個下層


因為太早既原因，唔好講遊客，就連去機場返工既人都無乜

所以成架車除左我地都係小貓三四隻



「係喎阿純，zeze呢？」呢個時候傻強先醒起


「我前日送左返去比屋企人啦」

阿純仲好平靜咁答


「點會放隻狗響度十幾日呀！餓死佢啦！」刀仔同椰奶都紛紛恥笑



「屌鬼知咩...呢幾日執野無留意嘛..」傻強食住糖叫道



「....咦....？！」

chantal突然之間大叫


「做...做咩呀chantal？」

椰奶問


「我...部電話呢？！」


呢一句，將仲有少少倦意既我地換醒

「喂認真架？」

「搵清楚啲先？」


但chantal搵哂手袋

「唔...唔見有呀...」

marie即刻打去chantal電話，結果都係無聲

「咁即係話唔係響喼入面啦...」


「死火啦...」

chantal個樣急到就黎喊咁


去旅行無左部電話，又的確真係好麻煩

相又無得影，唔識路又查唔到


呢個時候架巴士準備上公路，如果想返轉頭既話就係依家...


我忽然...有個奇怪既諗法