無啦啦有三條女同左我一齊住: 34

「嗱咁今堂呢個experiment呢，就要交lab report，響...最後一個week交，即係12月3號」

教physics個tutor響度講緊今堂lab report既野



「喂，專心聽啦！」

同我同組既椰奶響度mark低緊頭先實驗啲數據






「哦..都係講緊幾時交report咁姐」

我幫椰奶手影下實驗啲equipment，諗住探下口風

「係喎，你旅行後半part諗左去邊未呀？」


「....」





椰奶望一望我：「做咩呀？」


「無...我冇乜諗法...所以咪睇下你地有冇咩地方想去姐，搵下意見姐」


「chantal尋日話想去仙台睇狐狸，阿純就話想周圍食野...」

椰奶托一托下爬：「所以，佢可能去東北...」






「東北...」

我對架仔國接近0認識，所以我都唔知係邊度



「想跟去呀？」


「...無....參考下姐，哈哈」


椰奶放低筆






「...不過你ok姐，都要睇下佢地o唔ok先啦架」


又係，兩女一男都唔知做乜


我即刻澄清返：「我都話問下意見姐...」


「係啦係啦」

椰奶再講：「我都有問過架，愛雯村就話想去京都，阿梅同傻強就話去大阪，嘉桓刀仔又話想去四國，唉總之個個都有想去既地方啦」








「咁..你家姐呢？」


「我家姐呀...佢無講喎..」

不過我都幾肯定，阿豪同otto都唔會放過呢個機會



「不過你又唔駛咁急諗既，反正大部份人都係到時先會買新幹線飛，你咪到時先決定囉！我都係諗住到時先揀」

又係喎，其實去到果陣先揀都得啦





只不過，估唔到椰奶都未諗





「丫你個新地，真係飛翼高達0識架喎」


「頂，咁我窮撚係咁架啦...住得蝴蝶村知咩料啦」

我再問：「咁你實去過好多次旅行啦，屋企住藍灣半島...」







一講到呢句，椰奶就停左手

「做...做咩呀？」


「我...唔鐘意我屋企」



原來真係咁...椰好同marie，都唔鐘意自己屋企人

所以先搬出黎


「sor...sorry..」




「總之，我唔會再返去架啦...」

椰奶執好背囊，準備走人：「你都唔好再問啦，反面架」


「...嗯」

講到咁，我都無謂再打爛沙盤問到督咁




「喂，新地」

響common溫緊書果陣，larry走埋黎：「你諗好左旅行會去邊未呀？」



「呃...」

估唔到larry都未諗好：「我仲未諗到呀..但椰奶話到時再決定都未遲既...」



「哦...其實呢....」

larry好似有啲尷尬：「我呢...其實呢....」



「我...想追chantal」