無啦啦有三條女同左我一齊住: 26

「係喎阿純，zeze呢？」marie問


「我尋日比返daddy啦，始終要佢一個留響暗hall...我都擔心...」

阿純起勢咁夾啲牛扒豬扒落網上面


「都係既，帶埋zeze黎既話好容易整唔見...喂條腸仔我架tyson！」





椰奶即刻將tyson叉上既腸仔搶返


「邊有分架！放落去就無所謂架啦！」tyson反映

「咁我頭先做乜要揀野食呀，叫你地求其落啲野咪得囉！」



椰奶同tyson仲嘈緊果陣





「喂有爐呀！」


「嘩真係好彩呀！」

後面堆人把聲咁熟既...







我擰轉頭一望


「咦...你咪新地？」


後面果班人有男有女


佢地，係我中學既同學













「咦阿威...點解你地又響度既？」


中學時期同我比較熟既阿威一臉尷尬

「我地約左...燒野食丫嘛...」



雖然佢咁講，但我都已經估到





佢地根本無預過我


「哦...可能我收唔到啦哈哈...」我扮笑道


「哈哈係咩...唔緊要今日你都響度呀哈哈！」

另一中學好友steven笑道：「你仲有咁多fd，唔驚啦！」


而果班曾經同我同班既女仔們，雖然都似乎係因為我既新髮型而望多兩眼，但都似乎唔諗住再同我有咩交流，招呼都唔打







「咁我繼續燒野食先囉，你地慢慢透爐啦」

講完呢句，我就轉返身對住暗hall既各位


各位既臉色都非常沉重


「新地..」

椰奶劈頭一句：「你比人杯呀？」



「係..係掛...」






「點解會咁既？」chantal再問



「唉唔知...」

呢一刻我已經灰到唔知點答


雖然我響中學一路都唔受歡迎，但都未至於會比男仔fd杯丫

唉，唔想諗...



「嘩屌佢地老味，果班撚樣，男既就甩皮甩骨瘦到馬騮咁樣，女既就全部豬西...」

tyson飲住綠茶叫道：「新地...」


「想唔想唔出返啖氣？」




「吓...？」

出氣？



「新地！尋晚多得你咋！」

tyson突然搭住我膊頭：「唔係你傳得靚，我都唔會絕殺到班廢中！」


「我都估唔到新地唔聲唔聲，原來踢波咁勁架！」

傻強都附和起哄：「依家剪埋個架仔頭，溝死女啦！」



全部人見到傻強打眼色，都即刻好似誇誇群咁吹捧我

「上次同你上堂都見到有女仔特登過黎識你啦」椰奶笑道

「係呀...果陣ocamp玩first impression比人投左做camp草丫嘛！」愛雯村大大聲講，荒死隔黎聽唔到




「新地食牛扒丫~我特登燒比你架~」

阿梅夾左兩塊牛扒過黎，把聲仲要扯高左幾度



雖然咁樣比佢地假吹捧真係好尷



但係我擰轉頭，見到班舊同事個樣，就真係忍唔到笑

男既就望住我地呢邊既女流哂口水

女既就用仇視既眼光望過黎


就算乜都唔講，今次我都響班舊同學面前威返劑！