無啦啦有三條女同左我一齊住: 4

一講完，成場呆哂

「.....」

唔好講其他人，就連我自己，都唔知講乜鳩好



等左幾秒，終於有人出聲，打破呢個尷尬氣氛






「係囉，你駛唔駛幫人抹埋頭呀，你又唔係人男朋友」

椰奶半開玩笑咁講


一聽到椰奶咁講，我地個個組員都即刻笑住講

「咪係囉，當自己係人男朋友咩！」






chantal馬上搶過毛巾

「我自己抹得啦..唔該....」



呢個時候我同時發現

jack響度怒睥住我







雖然我衝口而出既果一刻都預左

但，無諗到jack件狗公真係會將矛頭指向我




跟住落黎既時間，jack都無再借機落手，而chantal無幾耐都換返落黎

坐左響我隔黎個位度







「頭先..唔該哂」

chantal突然開口講



「哦...唔駛...」

我細細聲咁講


「丫估唔到你又幾勇架喎」

呢個時候椰奶都走埋黎







椰奶竟然會主動同我講野

「咁...佢真係多手丫嘛」




「果個jack一睇就知係狗公想抽水啦！一路留意左佢好耐啦...」

椰奶對chantal道：「呢啲人你小心啲添呀！」






「嗯...」



「唉真係丫，成班男仔得你出聲...」

椰奶望住我，雙手叉起：「睇唔出你呢個毒撚都幾大膽喎！」


吓...?！


「我毒...毒撚？！」

喂我成身niko and又型棍頭，咁都毒？






「你唔係以為自己好型下話！毒到核爆喎ching！」

椰奶直指出：「你個額頭闊，好心就咪剪埋啲油頭啦，摩西過紅海咩！仲有呀，你整油頭就咪鬼著niko and啲日式衫啦！」

「一句講完，你根本唔識既！同埋你尋晚扮同我表白真係好好笑囉，你係咪同女仔表過白呀？『其實~~~我好鐘意你呀~~~』都唔知做乜！」


「下...」

我自己覺得ok，英該幾型架喎....



聽完椰奶連珠爆發咁數臭我既衣著同髮型，呢一刻既我真係好想搵窿捐

但同時，呢幾日都悶悶不樂既chantal，終於掩住嘴笑緊


「哈...哈哈哈....」


算係另類方式氹到女仔笑....既




「呼....」

我將忍左成兩個鐘既尿排出


真係估唔到，我竟然係因為衝口而出既一句話而同到呢兩個女仔講野



「舒服哂...」

點知，一出廁所就見到狗公jack


當我經過既時候，佢竟然伸腳出黎將我kick倒！


「哇！」

我一時無為意，成個人仆落地


「死毒撚，阻頭阻勢...」

我當然知道，佢係講緊頭先我阻住佢抽chantal水既事


我慢慢起返身

「你..你自己明知佢有仔就收斂d啦...」



「關你撚事呀？」

jack越行越埋，我都不自覺腳震：「我想溝邊個就溝邊個啦」



「你就唔同啦，你做幾多野都唔會溝到女架...」


講完呢句攞埋個尾彩之後，jack就頭也不回直入廁所



屌你老母，咁撚柒串

我好打少少既話就一拳收撚左你皮啦




之後去到夜晚既campfire環節

「 DSCHIN DSCHIN DISHINGUSKHAN！」

成班圍住個火，跟住成吉痴漢咁跳舞，其實都幾on9

玩左兩日已經攰到仆街，仲要人跳舞真係攞命


我留意到對面既jack越跳個樣越唔對路

好似越黎越痛苦咁


「喂，睇唔睇到呀？」

椰奶跳跳下舞跑到我同chantal後面：「你地唔好同人講喎，我頭先呢...偷偷地放左啲瀉藥落佢罐可樂度呀」

「吓....？！」chantal又驚又奇


「你邊度搵到瀉藥呀...？」我問


椰奶做左衰野，個樣都仲咁沾沾自喜

「我家姐特登比我架，佢話ocamp隨時有班死狗公，用瀉藥教訓下佢地就啱哂架啦！」



「呠！！！！！！砰砰啦啦啦啦！！！！！！！」



「喂jack！你搞邊科呀！」

組內其他成員大叫：「咁臭既！？jack你瀨屎呀？！」


「好肚痛呀！！」

忽然，jack跑出沙灘！



睇住狗公jack個狼狽樣，我地三個都忍笑忍得好辛苦



「嘩，原來瀨屎，好核突呀！」

椰奶笑到非常仆街：「點呀chantal，舒服哂啦！」


「嗯...哈哈哈！！」

chantal都開懷大笑起黎



估唔到呢個椰奶，白卡得黎都叫幾有義氣

好彩我唔係狗公姐，唔係依家瀨屎果個就係我