[粵語殘故] 神探理小龍: 第四章

坐言起行 - 即為坐能言起能行，原意指言論必須切實可行，只不過當代大部份人都以為係指講完馬上做，而經過無數嘅電郵得不到回覆，電話查詢亦被婉拒，一整天都冇辦法聯繫到教授嘅甄蕾，已站立與科大的火鳥日晷雕塑前，期望將教授野生捕獲並運用死纏爛打嘅戰術去協助自己。

另一方面經歷整晚通宵的理小龍教授，此刻仍不知天大麻煩找上門，正打算開始執拾細軟離去。

「我宜家返去休息，你做完手頭上嘅工作都早啲返去！冇咩特別事就吾好搵我。」

「知道。不過尋日到而家都有個人瘋狂咁電郵同打嚟搵教授你！」蓬頭散髮的助手言語間露出極度煩厭。

教授拿起背包「搵我？」





「唔清楚。女的，好似都係話搵你查案喎！」

「你知道要點覆？」

「當然。一律回絕～」

教授的箭步快如李小龍嘅無影腳，一瞬間已經離開理學院，只是金黃色頭髮搭上黃色同白色嘅制服實在太搶眼，導致甄蕾輕易就認出教授。

甄蕾一邊跑一邊大叫「教授！教授！理小龍教授！」





「我知你貴人事忙，不過呢，可吾可以阻你少少時間，真係少少時間 ...... 」

甄蕾見教教授不作回應，焦急得開始像小狗般圍著教授轉。

「冇興趣！重有雖然我知道大家都背後笑我叫理小龍，不過我叫方悛鶴。」

「哈哈～我以為你是英國人，估唔到都有中文名。」

「朋友帶我去深水埗街邊改的。」





時間每分每秒地過，甄蕾知道必需把握時間，將自己預演無數次嘅說詞盡快地表達出去。

無奈地理小龍教授不經不覺已走到停車場，隨手拿起車匙按下解鎖鍵，令四驅車響起兩聲尤如代表終結嘅響聲。

任由任何人都會覺得這是需要結束放棄的局面，關鍵的是甄蕾所擁有的少數優點除了坐言起行外同跑得快，必要提及鍥而不捨嘅精神，甄蕾硬着頭皮去按住四驅車的車門企圖阻擋教授的離去。

「我知你唔識我，亦冇義務去幫我，但係如果你有能力去幫我搵到個兇手，去阻止更多弱小無辜嘅生命被摧毁，你唔覺得呢一樣係一件好有意義嘅事咩？有嘢比起拯救生命更重要？」

「冇錯。的確是一件好重要同有意義嘅事嘅事，所以呢個世界有一種職業叫做警察。」

「我知道我應該搵警察，但係所有人都話俾我聽警察唔會理，我查過已經有好幾隻流浪狗莫名咁俾人燒死咗，有目擊嘅人話，事發的時候到好恐怖，隻狗着起奶白色嘅火後，不停慘叫又不停爆出大量火花。

甄蕾傷感得流下淚水「我覺得好嬲，但係我又唔知道點樣可以捉到兇手，所以我只可以喺度求你；呢度有本筆記是我用咗幾時間整理的資料，你可唔可以花少少時間幫我睇一睇，或者你可以睇到線索，話俾我聽點樣去追查落去。」

結果出乎甄蕾意料之外，理小龍教授將筆記拿走，又用極度欠打地微笑又眨一下雙眼，對視間更登上了四驅車。





教授出乎意料的舉動，令甄蕾一時末能反應「即是點阿？幫定吾幫都開句聲啊！」

甄雷目送四驅車嘅離去，忍不住爆發最近所有嘅冤屈大叫「你好嘢～唔係為咗啲狗狗我使求你～神怪理小龍～」