[粵語殘故] 怪獸卡車_欣宜女神號: 上篇

林卓羲為香港出生的美藉香港人，自幼就對巨大的物件有種莫名的執迷；自四十年代跟隨父輩踏足美國的土地，第一次開始接觸到巨型怪獸卡車後，便矢志成為怪獸卡車的職業賽車手。而怪獸卡車是一種上世紀七十年代開始風靡全美的汽車比賽之一，傳統龐大的身軀配上劃時代巨輪，以引擎作違反地心吸力的花式跳躍；而今年就是踏入另一個七十年代的2070年，現世代所有的車輛都變成電動與人工智能驅動，而怪獸卡車除了硬件上有了改變，最特別為智能女生系統的虛擬偶像化，每部卡車配搭上三次元外表與獨特的個性，令怪獸卡車王大賽由二十一世紀中期變成全世界最受注目的盛會。 

如今距離比賽開幕剩下最後數小時，所有選手都廢寢忘餐地作出他們最後準備，而參加這場一百周年紀念賽的卓羲與欣宜女神亦不例外。 

『是你不想我啦！甚至不找我啦！無非幾天變化！就像刮我幾千巴！難道你共我親吻抱擁！最後竟有偏差，不想和我好，只求直說真話！』高音甜、中音准、低音勁、總括而言通透的歌聲從停車間唱著一首遠古的經典粵語歌。 

「欣宜！夠啦你！」林卓羲手拿著咖啡，另一手拍向白雪皚皚的超巨型卡車上。

 「做咩唔比我唱！？」車頭位置投影出一個怒氣衝衝的超加大碼女生，長長頭髮雙眼發出投影式死光盯著卓羲。 





「我都真係唔明！明明當初編寫你個系統設定明明係優雅賢淑嘅公主，點解得你出到嚟咁粗鄙？」 

「根本就係你嘅錯！」欣宜握緊拳頭怒哮。 

「如果你真係想我優雅賢淑，又點會設計到我咁大隻；四十六吋腰圍加上廿八吋大脾，我有自知之明呢個世界係冇咁肥嘅公主㗎；如果上天可以俾我有對真實嘅手，我就一定攞嚟 打。死。你。」

 卓羲按著眉頭「雖然我係以粵語香港人為你嘅人格基礎，但係～真心你可唔可以唔好咁港女，好學唔學埋晒啲幾十年前啲古人審美價值觀，今時今日連香港呢笪地方都已經唔存在，你可唔可以與時並進update下啲data；既然你咁鍾意嗰個年代嘅歌，我又唱返首陳奕迅嘅歌俾你聽吓。」 

「成廿八吋大脾」跟媽媽學過幾堂芭蕾舞的卓羲高歌一聲並踢起一腳小彈腿及空中劃圈。 





繼而邊跳邊唱「你話瘦多好看！但我話其實你冇有眼光！照道理這般看，下個大氣候會大興粗壯！成廿八吋大脾！」 

卓羲舉起手指向欣宜「信我！女神你係最圓美的！」