綠帽燒不盡 (又苦又甜): 第01話

———2021年3月9號，一個好普通嘅晚上，Bitch沖緊涼，佢電話彈咗幾個短訊出嚟。

———有個叫卓文嘅人Send咗個心心眼嘅Emoji俾呀Bitch，寫住：今晚早啲休息，愛妳(心心眼)。

———果刻，我仲好遵守婚前嘅協議，唔會Check對方嘅手機同私隱，所以無理到。

———直至半夜我扎醒咗，Bitch背向我瞓喺隔離，我想望吓幾點，伸手㩒吓床邊櫃叉緊電嘅I Phone 8 Plus。

———原來我㩒著咗嘅係呀Bitch嘅電話，不自覺地拎咗上手㩒，個解鎖密碼完全難我唔到，問題係偷睇人電話其實都需要勇氣。



———個卓文究竟係咩人？我其實只係想知佢係男定女，同我老婆咩關係。

———幾秒鐘之內我已經打開咗答案之門，卓文係男人，仲好似唔止係一個狗公咁簡單...

———我見我老婆同呢位卓文兄互動得好開心，完全係拍拖嘅感覺，當中對話有啲錄音我而家唔方便聽，於是我成部電話拎入廁所Check。

———初步結果係我老婆思想已經出哂軌，問題係肉體上有無背叛我。

———心情緊唔緊張？超緊張！仲驚驚地㗎！



———將佢地啲對話由頭睇一次，原因係我已經見到啲嘢，我怕我亂得滯怪錯好人。

———卓文兄喺2020年2月頭約過我老婆食Lunch，果次我記得呀Bitch有交代過同男仔Friend敘舊，即係卓文兄應該早過我認識呀Bitch。

———卓文兄有車，我無，佢當日車咗我老婆入屯門一間想試好耐嘅Cafe。

———之後2月中卓文兄渣車接我老婆放工食晚飯，我突然意識到自己結咗婚接老婆放工嘅次數一隻手手指數得哂...

———3月1號開始，卓文兄開始晚晚Whatsapp我老婆，天南地北咩都講一餐，Bitch嘅回覆都開始多咗啲Emoji，尤其係果句Goodnight，係有(紅色心心)㗎！



———4月中我同呀Bitch去迪士尼酒店同生日嘅囡囡玩咗兩晚，卓文兄當晚話好好好好掛住我老婆，我老婆亦表示好好好好掛住佢...

———之後幾日佢地嘅對話開始過哂火，卓文兄約我老婆睇戲，Bitch對果場戲嘅Comment係：成場戲俾你搞住哂完全睇唔到。

———而卓文兄好風趣咁錄音話：「咁咪再陪妳入戲院錫過，唔係，睇過囉。」

———我有理由相信佢地成套戲一直打車輪...

———接住落有條片，應該係卓文兄車Cam影嘅，佢地喺㗎車度不斷打車輪，卓文兄隻右手好明顯由領口攝咗入我老婆個Bra裡面揸波，我老婆好Enjoy咁無反抗...

———點解唔反抗？問完我都覺得自己蠢，明明成頂綠悠悠嘅帽笠住我個頭，我仲問咩吖？

———之後卓文兄玩夠我老婆上面，擺隻手落下面摷。

———果件衫，果條裙，我成日都見我老婆著，係幾好睇嘅，件低胸衫原來咁方便揸波，條短裙推一推高下面咩都現哂，但偏偏我無試過，拍拖果陣99.99%時間都係同素顏睡衣Look嘅Bitch做愛，完全忽略咗化行妝著靚衫嘅佢原來係咁正。



———條片播到尾段卓文兄居然忍得住，好有品咁點到即止，無對我老婆下死手。

———Bitch睇咗條片就回應：好賤吖，搞到人地差啲咩(拳頭)。

———我估呢個「咩」十有八九都係指急到瀨，卓文兄應該係愛車之人，莫非怕整污糟個Seat所以收手？

———不過我都懶得理佢，一直掃落去睇，發現佢地嘅對話都係啲好曖昧嘅甜言蜜語，我都唔記得咗自己幾耐無同老婆講過類似嘅說話。

———好似生咗呀囡之後，我地之間溝通出現咗問題，我認我懶少咗同佢傾計，而佢平時搵我都係吩咐我做啲家頭細務，兩個人之間甜蜜嘅說話好似一句都無。

———睇住佢地嘅對話嚟自省反思，真係諷刺，加上而家後悔都可能太遲喇...