《時光不能夠重新來一遍...》第二季: 載前，作者的話

Hello，我係芷唯。
多謝各位曾經有捧過場，又或者仍然等緊我出文嘅你。
仲有好感激你地咁忍受得我啲空頭支票哈哈哈哈 !
希望第一季嘅故事有為你嘅人生帶來過一丁點解悶。

呢個故係由我當初仍然係個中四中五嘅中學生，一路斷斷續續寫到今時今日出左黎做野咁耐，
老實講真係好佩服自己嘅毅力 ( 因為我係個做所有事都三分鐘熱度嘅人 ) ! ! !
之前會決定寫呢個故事既動機......好似係以前失戀 ?!
所以將好多好多好多嘅感受同情緒想以寫故事嘅形式發洩，又將自己嘅經歷投射左落去分別幾位角色裡面，
當中有啲情節同場景都係以我自己真人所經歷嘅事再作改編、希望令你地都有同感。




如果有機會，讀者們多啲留言搵我傾下計啊，我內裡其實係個好鐘意傾計嘅人、無奈現實無咩機會俾我做真正嘅自己。

Anyway，講翻關於個故事。
今次第二季，會承接翻第一季Ending嘅劇情再作少少延伸。
並且會將原本打算只作番外篇去寫嘅《大學篇》變成第二季其中一條核心故事線，
而同時間我想新增幾位「第二主角」去同步做另一條故事線。
兩條故事線之間嘅人物會互相交織，最終將會邁向同一個結局 !

呢季會係最後一季，所以我想將個故事加多啲失敗 / 絕望 嘅感覺落去，以致結局回應翻作品名稱《時光『不』能夠重新來一遍》。





就係咁，再一次多謝讀者們嘅收看同訂閱追犒 ~
*請先從第一季開始閱讀，如果唔係第二季你睇唔明 ! *
(28/3/2021 18:23p.m.)