春夏秋冬都是妳: 二
翌日上午，我被一股清風驚醒。
發現她的被子早已掉在地上...
我溫柔地叫她起床，可是她不為所動。
「醒啦沈樂晴小姐，太陽已經升起喇」
「唔要...我要繼續訓啊」她還有點小脾氣
「我一陣同阿爸阿媽飲茶喎」我只好使出殺手鐧
「飲茶？好啊！」她突然彈起來，臉龐正對著我。
空氣突然安靜，她的臉上的緋紅顯得格外突出。
「望咩望，未見過素顏？」她稍有不滿
「未見過素顏靚過化妝嘅女仔」我說
「快啲啦，唔好要Uncle Auntie等啊」她推開我，逕自走到洗手間去。
我一個箭步走到她身後，一個頭的身高差在鏡子前顯得特別滑稽。
「刷牙啦，慢吞吞」她含著牙刷說
剛才好像有人賴床呢...
不必意外，我早早把一套洗漱用品放在她家，以防她逼我的「不請自來」。
不一會兒總算能出門了，只是她用了很多時間化妝。
「落樓飲茶你搞到去飲咁」我不忘揶揄
「見Uncle Auntie吖嘛，梗係要靚啲」她還在畫著唇膏。
「哎呀，晴晴早晨啊」我媽突然就從家門出來了
「媽，人地幾多歲啊，仲咁樣叫」我說
「唔緊要啦，Auntie鍾意叫咪繼續叫咯，都幾好聽吖」她拉著我媽走去
對著我就是粗暴直接，對著我媽就是有禮得體。
「宜家啲女人真係呢...」我無奈地說
「尋晚好開心啦」爸不知從哪裡躥出來
「你又講乜啊...」我說
「行啦，老豆我都試過後生嘅」他拍拍我肩膀逕自走去
不是，這不是我被遺棄嗎？？？
到茶樓後，兩個女人一見如故，七嘴八舌地談論著化妝品品牌。我不禁出言一句
「你做幼教都無時間保養㗎啦，慳返啲錢算啦」
「女人講嘢男人唔好插嘴啦」她們異口同聲地說
狠狠打臉了，女人真恐怖。
喝完茶，無所事事的我正想找偉大的父親逛街去，卻被拒絕了。
「今日下午要陪你阿媽去花墟買花啊，唔啱你地後生仔㗎喇。你地自己去玩啦，食埋飯先返啊」父親猛向我打眼色，當時的我不明所以，後來想起真是感謝父親的提點。
我和樂晴在商場裡無所事事地逛著，我終於忍不住問她要幹什麼。
「大小姐，我地都行左好耐，究竟你想....小心！」
千鈞一髮之際，我一手把她拉進我懷裡。
這一刻，過得很慢、很慢。
「妳無事吖嘛？頭先嗰條友拉住卡板車差啲碌過妳隻腳啊」我說
————————————
我尚未搞清狀況，浩朗就把我一擁入懷裡。
這是什麼感覺？很安全，很溫暖。
浩朗把我擁抱得緊緊的，險些透不過氣。
卻很溫暖，獨特的氣味籠罩著我，使人心安。
「樂晴？樂晴？」一把熟悉的聲音把我從思海帶回來。
————————————
「妳做乜啊，魂不守舍咁。唔係我救妳妳可以申請定病假先喇」我沒好氣地說
「人地頭先發一陣夢咋嘛，唔俾咩」
她還是那麼強勢，哈。
「得喇得喇，係卡板車撞到妳跟住我抽妳水，係唔係？」我打趣地說
「梗係啦」她還厚臉皮地回答了
「行啦，去買化妝品啊，唔係要保養咩」我示意她走，她卻一拐一拐。
「做咩啊，扭親？」這是最壞的打算
「無啊，啊...」她臉容扭曲著
「人地整到妳又唔出聲，睇過」我無奈地說
————————————
「妳睇吓，腫起晒喇，仲話無事」浩朗小心翼翼地抬起我的腳
「行啦，返屋企搽跌打酒啦，仲想死頂」他跪下了
「上轎啦師傅，妳行得到咩」他說
我心裡甜絲絲的，很溫暖。細心的舉動往往比驚天動地的浪漫更入心吧。
————————————
「唔係返屋企咩？」我正向著化妝品店的方向走
「有啲人話要保養又要扭親...咁我唯有揹佢去化妝品店出醜咯」我暗地裡笑了
「喂喂喂，唔好啦，好柒啊」她自己也忍俊不禁
「行啦，我都未話柒你都無資格講。娘娘，我地起行喇」我說
「痴線㗎你，放低我啊！」她一路忍笑
————————————
找到一個肯陪自己瘋，不怕尷尬的男生很難吧？他卻不怕眾人眼光，背著我走在人山人海的商場裡，彷彿我就是公主一樣。
————————————
「娘娘，我地到喇」我說
店內的服務員都覺得很匪夷所思。
「頭先呢個女仔扭親都要買化妝品啊，你地攞啲最好嘅護膚品俾佢啦，唔係佢應該會好嬲」
服務員很快就介紹著不同的產品，我在旁休息，畢竟這個女孩也不輕的...
結帳時，服務員還說了句
「你地都幾浪漫喎」
「浪漫啲咩吖，佢又唔係我女朋友」
「快㗎喇，祝你成功」
究竟我和她的關係是什麼...
戀人未滿朋友以上嗎？
不知道她又是不是這樣想呢？
「點啊娘娘，捨得返屋企未啊」我背著她說
「吾...呢個安排我好滿意，可以起行回宮」她合作地說
「有時候我覺得你好傻」她說
「係咩，此話何解」我問
「你會肯陪我癲，陪我柒」她認真地說
「陪妳由細玩到大，我唔想妳咁慘落單嘛。畢竟情人節次次都係我同你過」我笑說
「渣男太多喇，況且你太暖男，完全比下去，我單身你都有責任咯」她頭頭是道地說著歪理。
「點都好，秋天有你在場很好，多謝你」她突然拋下這句話
「哈哈，我未死喎，唔使該很好若尚在場」我盡量帶過這個尷尬的話題
顯然易見空氣瀰漫著曖昧的氣息
表白了嗎？想多了。