只有做愛的時候我才聽得見聲音: （30）

時間都接近十二點，晴晴摸摸小腹，慢慢行出廁所。

佢見未係好眼訓，就出客廳揾豆豆玩下，餵下貓糧。

「喵~」

喺度好食好住，豆豆比啱啱收養時肥左接近兩個碼。

住耐左豆豆就越嚟越黐Alex，成日主動過去嗲Alex，晴晴多數要出動到貓糧，先引到豆豆埋嚟。



咁都唔出奇嘅，話曬呢度係Alex屋企，豆豆住得耐聞得多Alex陣「除」，自然會同對方親近啲。

貓貓狗狗始終係需要活動空間，認一個住獨立屋做主人點好過跟一個住劏房嘅。

豆豆食飽飽，玩到攰就返去自己個竇大覺訓。

晴晴都感到睡意，伸一伸懶腰，就返上樓上訓教。

經過Alex間房門口時，佢見到門嚹透著燈光。



Alex平時十二點就訓教，而今日竟然成一點都未訓。

返到自己房晴晴WhatsApp對方問：「咁夜都未訓嘅？」
 
另一邊廂，Alex棟高枕頭，經過一番思前想後，最後都係決定拒絕Priscilla嘅邀請。

佢鼓唔起勇氣，將一個折磨過佢十六個鐘嘅飛機杯再笠入jer jer度。

拒絕嘅藉口佢已經諗好，就話自己下個禮拜要去日本睇演唱會。



佢打開WhatsApp界面，慢慢輸入文字：「Priscilla，下個禮拜六我去…」

「滋滋—滋滋—」

突然之間，部電話震左兩下，本來專心打字嘅佢，隻手隨之震動一下。

佢都未打曬成句，隻手輕輕震一震，唔小心㩒錯左就發送左出去。

本來係要打「下個禮拜六我去日本睇演唱會，所以唔得閒幫你隊band彈結他，我幫你唔到，唔好意思。」，結果打少左一大截，發過去變左「下個禮拜我去。」

佢諗住收回短訊，殊不知Priscilla經已藍tick加回覆：「你肯幫手咁實在太好啦！」

Alex連忙打字解釋話自己打錯左，但未打完對方又發message話：「演出時間係下個星期六夜晚十點，地點係中環『好好飲』酒吧。」

「演出前一日我地會到酒吧綵排一次，我地主要都係彈人地嘅歌，有首歌以前我地都夾過嘅。」



Priscilla好快手就send埋個歌單過嚟，總共三首歌，其中一首係Pink Floyd嘅《Wish you were here》。

呢首就係佢地以前夾過嘅歌，另外兩首分別係Arctic Monkeys嘅《Mardy Bum》，以及The Stone Roses嘅《Made of Stone》。

「以你水平，彈呢三首歌絕對無問題啦，呢幾日你練一練，到時星期五我地一齊排練好，星期六就可以出show啦。」

Priscilla交代曬演出嘅安排，Alex家下無從拒絕。

「早抖啦，我地下個星期五見。」Priscilla線上狀態轉為離線。

Alex心諗今次大獲啦，點收科好呀？

仲有，究竟邊條友喺佢打緊字嗰陣，無端端send message過嚟震佢機。



佢翻查對話，不出所料，果然係晴晴。

佢發左嬲嬲表情過去，表示心中不滿，同時腦海不停諗緊今鋪點拆好。

一直諗到凌晨三點，都係唔知點算好，攰得滯佢就訓著左。

第二日佢遲早半粒鐘起身食早餐。

何管家用手語問：「少爺，琴晚訓得唔好呀？」

Alex打一個喊露，比劃手語：「琴晚失眠。」

晴晴端上早餐，有皮蛋瘦肉粥、生煎包同例牌有杯蔬果汁。

「琴晚你做咩無啦啦send個嬲嬲表情過嚟？」晴晴一邊食麥皮一邊打字問。



「應該係我問你，琴晚做咩無啦啦send message過嚟？」Alex飲一啖蔬果汁。

「我見你成一點間房仲著燈，咪關心下你點解咁夜未訓。」

Alex歎一口氣，心諗晴晴好心做壞事，跟住佢就將琴晚錯手send錯短訊俾Priscilla嘅事描述一次。

「哈哈哈！」晴晴睇完笑左出嚟

「仲笑？最衰都係你，三更半夜WhatsApp震我機，搞到我隻手震左一下，結果未打完段字就send左過去。」

「呢啲就係錯有錯著，既然唔send都send左過去，咁你咪去馬囉。」

「問題係我耳仔咁樣，都彈唔到結他。」



「都話用嗰個飛機杯，件嘢係你特登去日本度身訂做嘅，你之前都用過，係work架嘛。」晴晴提議。

「work係work，但我唔想笠完之後掹唔返出嚟。」

「你唔用多過三個鐘，應該就無事嘅。」

嗰次Alex就係笠超過三個鐘，個飛機杯內籠突然收縮，啜住佢碌jer，點掹都掹唔返出嚟。

「……」Alex無言以對。

「你都應承左人，點都要去架啦。如果你甩底，咁好衰仔架喎。萬一Paula隊band係同酒吧簽左合約，規定嗰晚要演出，演出唔到嘅話就要賠錢，因為你甩底而搞到人賠錢，你自己都過意唔去啦，啱唔啱先？」。

「係Priscilla…」

Alex又歎一口氣，家陣佢唔想應承都應承左，臨時反口縮沙嘅話，又的確係好衰仔。

睇嚟佢唯有頂硬上，笠住個飛機杯上台彈結他。