只有做愛的時候我才聽得見聲音: （3）

何管家校好左水俾Alex沖涼，平時佢一個人打理成間獨立屋，以及照顧曬Alex嘅起居飲食。

咁大間屋就淨係住左佢地兩個人，至於呢間屋原本嘅主人，亦即係Alex嘅父母，就喺七年前同一場車禍中喪生。

嗰場意外不但奪取左Alex嘅聽覺，仲奪去埋佢雙親嘅生命，當時對佢造成左極沉重打擊。

時至七年後今日，每當諗返起嗰場車禍，佢仍然都覺得好難受。
 
一直以嚟，為左醫好雙耳，佢尋訪過好多個醫生，可惜無論係本地還是海外，西醫定係中醫，都無一個醫生有方法醫得好佢。



可能上帝閂左佢一道門，見佢咁可憐於是就開返道窗俾佢。

就正當所有醫生都束手無策嘅時候，佢卻喺一次一夜情中聽得返嘢。

嗰時嘅佢應該係十八歲，深夜裡獨自一人喺中環某間清吧借酒消愁，一下子唔小心飲大左，迷糊之間同左一個女人上酒店。

嗰次係佢嘅第一次，當時嗰個女人嘅樣佢已經唔記得，不過就清楚記得搞緊嘢嗰陣，佢竟然聽到個女人嘅呻吟聲，開頭佢以為係自己醉左有幻覺，但當再插耐啲再聽真啲，就發覺佢的而且確聽到聲，仲不單止係呻吟聲，仲有酒店房部電視聲佢都聽得到。

自此佢就發現，原來自己喺同人做愛嘅時候，係可以聽得見聲音。



而箇中原理係乜嘢，醫生話可能係性刺激令佢能短暫恢復聽覺。

至於點解性刺激導致聽覺短暫恢復，咁呢點就連醫生都解釋唔到。

起初佢幾乎日日都揾唔同嘅女人返嚟上床（講樣佢就唔靚仔架啦，但呢個世界有錢就自然有女），除左為了享受性愛嘅歡愉，更多係享受被聲音包圍嘅快樂。

只不過，日日換新女係就係有新鮮感，但就容易招惹「爛桃花」。

例如有啲女同佢上過一次床就當正自己係正印，成日走嚟纏住佢，又要佢買手袋又剩咁，仲試過有條女見佢有錢所以飛左原本條仔，想黐去佢度，結果嗰條仔揾左大班紋身佬踩上門同佢講數。



後來為左避免呢啲情況，同埋唔想因濫交而得性病，佢就諗到以合約形式包養一個固定床伴。

用白紙黑字寫明雙方關係只停留喺性嘅層面，並唔涉及任何情感瓜葛，一年合約期完結後就互不相干。

剛被解僱嘅Jenny係佢第四個「合約床伴」，如果唔係對方屢勸不改，佢都唔會提前解約。

時間嚟到夜晚十二點，沖完個熱水涼，Alex就上床訓教。

佢係一個作息規律嘅人，準時每日十二點訓教，朝早八點鐘起身。

臨訓前佢吩咐何管家，盡快安排招募新床伴嘅事宜，希望一個禮拜內可以揾個人代替Jenny。

佢接受到幾日唔做愛，但就接受唔到連續幾日同聲音、同音樂隔絕。
 
何管家按照吩咐，好快開展左招募。



招募嘅對象主要係三四線或私影model。

何管家先「放風」俾相熟嘅model公司agent，對方收集左一班有意「賺外快」嘅model嘅資料並發送過嚟。Alex喺入面揀出合心水嘅，之後何管家就會安排個model親自上門作甄選。

所謂甄選，俗啲講即係「試鐘」，試到啱心水床上又夾嚟嘅，咁Alex就同對方簽約，唔啱嘅都會俾返一萬蚊車馬費。

不過其實有時人嘅真面目唔係一下子就見得到，就好似Jenny咁，一開始佢喺床上面都好配合，但慢慢就本性浮現，變得唔討好。

呢啲可能就係所謂嘅日久見人心。