[兩性] [大結局] 叫咗個PTBF，居然撞正係Ex: 第四章、美女與野獸 (4.3食咗先講)

我大大力咁樣咬住日本蘋果，清香嘅嘅味道瞬間係我口入邊揮發。反正食完都未必會諗到答案。不如珍惜下而家食緊嘅蘋果。食咗先講。
 
我毫無猶豫地伸手再喺雪櫃拎多一個蘋果。
 
今次呢個蘋果我會好似上一個蘋果咁樣慢慢咁去品嚐嗎？依家嘅我只會覺得我食緊一個蘋果。既然咁好嘅蘋果到手啦，咁梗係食咗佢。唔好唸咁多。

雪櫃仲有大把嘢食。我拎咗盆生蠔出嚟。搵隔離個靚仔行船幫我開生蠔。

雖然佢係一個靚仔，但睇完轉頭幾日應該就會唔記得佢係咩樣⋯⋯我有咁嘅感覺。
 




有啲人影完相就過黎一齊食，有啲就落水玩。
 
Lindy都過左黎。佢係口水怪黎，一坐低就開始講野。
 
女仔之間都係講吓美容經呀、襯衫、行街打卡之類。一講起呢類話題旁邊嘅人就會覺得我地好啱key咁。
 
「我最近想走H記café呀，下午茶set要兩位起，不如你同我一齊去呀。」
 
「ok呀。」香港好多餐廳都唔太鐘意一位客人入去，尤其是係唔俾搭枱或者唔會有「面壁位」嘅餐廳。所以我一個人入去呢類餐廳都有種莫名其妙嘅壓力。     
  




就係咁我地交換左電話。