[兩性] [大結局] 叫咗個PTBF，居然撞正係Ex: 第一章、埋下禁果 (1分手)

今日係星期幾？
 
手機一樣係冇新訊息。Asso畢業之後我轉左手機號碼，一嚟冇乜朋友會搵我。二黎想同某個人斷絕聯絡。
 
嗰個人就係我個Ex Desmond， 公屋仔一名，價值觀同我可以話係兩個世界。
 
我鐘意一個人多，但人嘅內心深處都係一座孤島，有時都會覺得悶，所以有人同我講嘢我都會幾開心。Desmond 雖然唔算唔係咩靚仔，但佢氹氹吓就氹左我同佢一齊啦。
 
平時我會係港島啲餐廳試下唔同野，sem break又會去下旅行咁。有時間我會睇書，仲有研究吓新菜式，煮下飯咁。佢就食嘢就來來去去都係食茶餐廳，冇出過外國。住公屋仲要乜嘢興趣都冇，冇錢學呢樣玩果樣，連買本書都話貴，哂錢。
 




我好快就覺得佢份人好悶，同佢冇話題。那兒來的自信，咁嘅質素居然會想同我一齊，所以我就提出分手。
 
不過因為我哋係同一個圈子，返學成日見到，所以分手後都唔會搞到好大件事、表面上都幾和平咁。
 
但係……
 
有次放學我行樓梯個陣，佢追上黎同我講：「我功課上幫咗你咁多，你比我搞下都好正常。」
 
WT_？？
 




我有七分驚恐三分意外。以我所知佢都係一個幾自戀嘅人，佢曾經講過覺得自己叻過好多人。仲成日都覺得自己好靚仔。「你以為自己係邊個。」
 
Desmond咁嘅質素嘅男仔，都係慳啲啦⋯⋯同我一齊過都執到啦。
 
之後香港爆發疫情，唔需要返學。畢業之後，我諗呢世都應該唔會再見到佢啦掛……