十年後的舊情復熾: 偽君子

光：你來做乜？
蕙：我擔心你囉老公。
光：你老公係我咩？
蕙：唔係咩？仲有十幾日我地就結婚啦。
光：你老公係MS張呀。
蕙：係你。
光哭著說：”係咩？我係你地用來掩飾關係嘅工具乍掛。”
蕙用強硬的口吻回應：”痴線！你喊乜！當初係你地搵我來掩飾關係！而家我都仲係做緊呢個角色呀。”
光：我唔會再咁易信你地架啦。係你同MS張本身有野，所以佢搵你引我，等佢以後有理由成日見你！
蕙：我同阿雪係我同你訂左婚先開始架。你唔信就算！


光：唔信。
蕙：點解唔信？
光：信又點唔信又點！你喺我背後搞埋呢啲野我點接受？
蕙：搞埋啲咩野呀，林生！
光：你背住我搞第二個，仲要搞女仔喎。
蕙：你係咪有問題呀林生？你都係一樣搞第二個啫。我今日特登引你返來就係想畀你知我同阿雪有野！你自己可以同時愛我同埋阿雪，點解我唔可以同時愛你同埋阿雪呀？做人公道啲好！平時你同阿雪搞埋，我都由得你地啦。
光：點同？
蕙：有乜唔同呀？
光：你兩個女仔來架。
蕙：咁又點呀？


光：兩個女仔喎。
蕙：咁又點呀？唔得呀？
光：兩個女仔……可唔可以結婚呀？可唔可以申請公屋呀？可唔可以一齊報稅呀？可唔可以生仔呀？
蕙：唔得！我知唔得！但係咪就即係兩個女仔唔可以相愛呀？
光：你咁講法我出去搵個男仔搞都得啦。
蕙：得架！男女都得添。不過要我都鍾意嗰個人囉。可能要問埋阿雪鍾唔鍾意囉。
光：又話要公道？
 
蕙：公道係講緊我地三個之間呀。好心你唔好咁虛偽啦。自己享齊人之福就得，我同阿雪做下愛就唔得！段關係唔係你做中心架，我地三個都有份。你自己諗下呢幾個月來我點對你！我唔係真係愛你會煮飯畀你食？會唔出去玩晚晚喺屋企？如果你要虛偽落去嘅話，真係浪費晒我對你嘅愛。
 


原來光以為蕙來找他，是要求情或者道歉。現在卻演變成蕙再罵自己，他接受不了，沒有再說話，眼睛也沒有望著蕙。怎料到蕙意猶未盡，繼續斥責光：”你呢度係乜鬼出版社話？你地啲讀書人推廣文化呀？想個世界美好啲呀？好心唔好咁虛偽啦。上次我畀人炒，你都覺得我錯。而家你可以一個人享受兩個女人，我唔可以享受一男一女！你啲讀書人、大學生咁虛偽架？自己享受就得，我呢啲冇學歷嘅窮人享受就唔得？”
 
光很想回應蕙的指責，可是他回應不到，因為他找不到理由去駁斥蕙。他開始質疑自己是否真是一名偽君子。他自己享受著兩個女人的愛，為何不能接受這兩個女人之間互相愛慕呢？難道單純是因為他接受不了這兩個人都是女人？但為何那次他們三人做愛時，看見她們兩個親吻時他自己也會更加興奮？他開始找不到憤怒的理由。
 
光：你真係冇呃我？
蕙：可以點呃你呀？
光：你同MS張真係呢排先開始？但係嗰次我地三個搞埋，你同佢都有互搞個喎。
蕙：大家HIGH爆啫嗰次。真係我冇左之前份工先至開始。只係搞過幾次。如果我有做錯嘅，就係冇早啲同你講。呢一點我道歉，對唔住。我地可以瞞你一世架，但我愛你我唔想瞞你先至特登畀你知。
光：或者我永遠唔知會好啲呢。
蕙：我唔想我愛嘅人唔知我係乜野人。
光：但係你以前有冇搞過其它女仔？
蕙狠狠地說：”重要咩？”光慌張地回應：”唔……重要掛。”
蕙：你咁問即係都仲係覺得我同一個女仔有野係唔啱！係變態係咪？
光：唔係……
蕙：話埋畀你聽又點話！我有！3P時玩一王兩后搞過呀！接唔接受到呀？我係咁變態架啦一向！


光：接……接受到……
蕙：如果我咁樣係變態，你自己變唔變態呀？你自己諗啦。
 
光沉默地再消化蕙的說話。幾十秒後，光開口說：”但係你以後會唔會再鍾意第三個架？
蕙笑說：”應付你兩個都冇時間啦。邊得閒再搵多個。返屋企啦老公仔。”
光拖著蕙離開辦公室。