十年後的舊情復熾: 心動？

兩人離開家後，蕙主動挽著光的手。在車上，蕙將頭放在光的肩上，讓光重拾久違了的拍拖感覺。下車後，蕙主動拖著光找了一間餐廳吃下午茶。 蕙又像平時一樣想到非常多的話題，令兩人之間嘻嘻哈哈又過了一小時。結賬時，光拿出信用卡付錢。蕙拿出現金說要付一半，但光堅持拒收。吃過下午茶後，蕙又挽著光的手去海旁漫步。
和蕙站在海邊，光一方面為重拾拍拖的感覺而高興，但始終不大明白蕙的想法。他鼓起勇氣問蕙："其實你呢幾日做乜事咁對我嘅？"

蕙：想你愛我囉。
光：點解想我愛你？
蕙：我愛你呀嘛。
光：肯定？
蕙：本來我都諗緊自己星期日嗰日係咪一時衝動，所以之後嗰幾日冇搵你。但係前晚我臨訓諗起尋晚可以見到你就緊張好期待。尋晚見到你真係好開心，我就好肯定我係愛你。真架。
光：但我又乜野好？
蕙：愛一個人有得解嘅咩？阿雪有乜野好呢？你明知佢有老公有個囡囡你都同佢一齊啦。我知道同你一齊又開心又有安全感就得。


光：安全感？你知道晒我同MS張啲野都有安全感？
蕙：我知你係癡情種囉。其實我同阿雪都講過，我最怕就係癡情種。估唔到今次鍾意左你呢個癡情種。仲要呢個癡情種係我好朋友嘅情夫。
光：如果MS張知道點算？
蕙：如果佢老公知道你地啲野咁點算？
光：我冇諗過呀。
蕙：咪係囉。如果呢一刻係開心嘅，就唔好理咁多。啲問題慢慢再解決啦。
光：唔。
蕙：咁你信我真心未？
光：都信嘅。
蕙：咁猶豫嘅？


光：唔係呀。真係信架。
蕙：口講冇憑！
光主動拖著蕙："咁你信我信未？"蕙帶著微笑輕吻了光的面頰。兩人繼續在海邊邊散步邊聊天。
蕙：鍾唔鍾意我著到咁同你出街？
光：OK 啦。
蕙：都幾多男人望住我個喎。
光：唔緊要呀。妳唔介意畀人望就得。
蕙：我係你女人來架嘛。如果你唔鍾意我以後就唔咁著囉。
光：如果你真係我嘅女人，啲人望住你時應該都好羡慕我。
蕙： 咁我以後都咁著嗰囉喎。



光點頭。蕙傾斜身體倚到光身上，光就伸出手擁著她。在這甜蜜的一刻，蕙說："返去買餸我煮飯畀你食呀。"在回程的車上，蕙和光討論著大家飲食的好惡。到快將下車時，蕙說："你覺唔覺得好奇怪？早幾個月我地係兩個唔相干嘅人。而家好似好熟咁嘅？"光微笑著點頭回應。他心想："這種感覺很奇妙。自己女神的好朋友竟然那麼了解他，竟然令他無論是心靈還是肉體都得到滿足。或許自己真的動了心。"
 
兩人下車後就牽著手走到超級市場買菜，再回到光家由蕙下廚。蕙佔據了光很少用的廚房，做了兩道菜。除了炒了一碟清菜外，還弄了咕嚕肉。光望著這一碟咕嚕肉，想起十年前MISS張為他弄的最後一次晚餐。但當年的晚餐是悲劇收場，他希望這一次的晚餐的氣氛會是溫馨和甜蜜。

蕙：開唔開心呀今日？
光：好開心。
蕙：有雪姐姐喺度我地三個人會唔會更開心呢？
光：ER……
蕙：講真話。我唔怕個喎。
光：都開心。嗰種開心唔同同你出街呢種開心囉。
蕙：點唔同法呀？
光：ER……唔係好識解釋。
蕙：其實我覺得三個人出街開心啲。但係同你出街就多左份浪漫同甜蜜。
光：唔……


蕙：不過可能下次我地三個人出街你都會覺得甜蜜架啦。
光：可能啦。

在吃晚飯期間，蕙的電話響起。蕙坐在餐桌前接聽："點呀？……幾點落到去話？……哦……九點半到……應該都OK 嘅……好啦……BYE BYE"