十年後的舊情復熾: 不認不認還需認

MS張在手袋找回光的卡片，打電話給光。
光下班後就回家望著電腦希望收到MS張的回覆，當他聽到電話另一邊傳來MS張的聲音，當然是喜出望外。
MS張：你喺邊？
光：屋企LOR。
MS張：我而家上來得唔得？
光：OK。幾時到？我來地鐵站接你？
MS張：我識來GA LAR。十分鐘到就到。
光：哦。
MS張：BYEBYE。
 


掛線後，MS張再致電回家。她告訴丈夫要多陪蕙一會，會晚一點才回家。
MS張乘的士到光的住處。在的士上，她想著剛才和蕙的對話。她究竟真的像蕙所說是一名淫婦嗎？她不願承認，但又找不到理由否認。回想起前一天她離開了光的家卻又折返，她就知道自己是多麼享受和光歡愉。她再凝視著蕙剛才送給她的睡衣，實在恨不得快點穿起它和光來一場大戰。然而，她真的應該忘記做妻子的責任嗎？MS張內心一面掙扎，但身體卻不由自主地走到光的住所門外。
聽到MS張按鈴，光就打開門。光其實不知道MS張來的用意，因此不肯定是否應該熱情接待。簡單地打了招呼，MS張除了鞋後，兩人就坐在沙發上，中間隔著一個空位。光首先說話："我幾驚你唔再搵我。"
MS張：都話唔會揼低你唔理GA LAR。你要信我。
光即移到MS張身旁的座位，抱著MS張說了句"多謝"。
MS張：我有啲野想問下你。
光：哦。
MS張：我結左婚，係一個媽媽。你知GA？
光：知。
MS張：咁我同你一齊咪好唔啱囉？


光：我鍾意妳，妳又鍾意我。冇話啱唔啱GE。
MS張：一個女人結左婚，喺出面有第個男人，你知唔知叫乜野？
光：叫乜野？人妻？
MS張：淫婦AR。而家你想我做淫婦WOR。
光：唔好咁講LAR。
MS張：唔用呢兩個字唔代表唔係。我係淫婦咁你係乜？
光：唔好用呢個角度諗野。
MS張：你講唔出AR？你而家係要做姦夫AR。
MS張語氣很具壓迫感，但是卻一路略帶微笑。光根本不知道MS張為何特意走上自己家這樣說話，也接受不了"姦夫"這稱呼。他坐回原本的座位，雙眼盯著還在枱面的那瓶沙和那個籌碼。
過了十數秒，MS張續說："呢兩個字好難聽係咪？你孭唔起係咪？"


光：唔係孭唔孭得起……只係……唔駛用呢個思路來諗野啫。
MS張：仲可以用乜野思路？我返到屋企就係見到我老公同個女。我有愧於佢地GA，我唔係淫婦係乜？
光：對唔住。
MS張：對唔住？做乜事對唔住？你覺得做姦夫唔啱LAR係咪？勾引人地老婆唔啱LAR係咪？
光：或者係唔啱LAR。但係人有時就係明知唔啱嘅野都會去做。
MS張：有咩野令你要去做一啲你明知係錯嘅野？
光：我愛你。唔可以冇左你。
MS張：所以你就做姦夫LAR？
光：你可以咁講嘅。
MS張：你唔怕背負住姦夫呢個名咩？
光：唔會有人知。
MS張：你自己心知肚明WOR。
光：唔怕。愛係要付出代價GE。呢個代價我願意畀。
MS張：咩代價？
光：做姦夫呢個代價。


 
MS張輕輕一笑，拿起手袋走到洗手間內。光搞不清MS張在做甚麼，唯有待在沙發上徬徨著。其實，MS張聽見"姦夫"二字出自光的口中，就好像得到滿意的答案似的。她除掉身上所有的衣服，從手袋內拿出蕙送給自己的豹紋睡衣，並穿起它。