十年後的舊情復熾: 折返
場景返回十年後。
**************
望著桌上的那瓶沙和那個籌碼，令MS張想起當年與光分手的經過。她體會到光的傷感，也緬懷著當年那段日子。但當她坐在沙發上，將左手搭在右手上時，結婚戒指與右手產生磨擦，提醒著她既已為人妻，就要保持對丈夫的忠誠。
光：嗰幾日發生GE事，我仲記得好清楚。
MS張：我都記得。
光：咁係開心定係唔開心呢呢段回憶算？
MS張：我唔知……
光：對我來講真係好開心。可惜個結局係咁。
MS張：或者對我來講都係一樣。不過已經結左局就冇得變GA LAR。
光：可以有續集。
MS張：唔會LAR。當初有呢個故仔本身已經係錯。
光：大家都開心呢個故仔點會係錯？
MS張：個世界唔係淨係得我同你GA。我地兩個開心，但係會令到其它人唔開心。
光：我只係知道個結局係我唔開心。
MS張：我知你唔開心。但係你只要開始到另一個故仔就會開心返。
光：我試過LAR。其實都試過拍過三次，但係都唔啱。始終我……
MS張：咪搵第四個LOR，最多我幫下你手。
光：下一個可唔可以返返去我初戀嗰個？
MS張：嗰個人唔啱你GA LAR。以前佢都總算係啱啱畢業GE後生細女，而家師奶來LAR。
光：就算真係師奶，都係世上最正GE師奶。
MS張：唔好拗LAR。多謝妳請我食蛋糕。但係對唔住！我唔可以再好似以前咁做錯LAR。
光：妳錯GE係唔要我。
MS張：我地冇將來。同你分開我都好痛GA。但係為左你又好，為左我又好，始終都要咁做。當年我叫你應承我好好地生活，要對自己好，你記唔記得？
光：我而家想返返去以前咁，就係因為我想對自己好LOR。
MS張：冇你咁好氣。你咁樣係害緊你自己AR。你再係咁我即刻走GA LAR。
光：唔好走。
MS張：咁你唔好再迫我。
光：哦。
MS張下了禁令，光就不再糾纏下去。但當光不能再逼迫MS張，光也不知道應跟MS張說甚麼。同樣，MS張也想不到如何打開打破冷場，兩人唯有將目光投放在沙發前的枱上。始終還是MS張較為世故，主動令氣氛沒有那麼尷尬。
MS張：咁多年來你有冇兌現承諾，對自己好AR？
光：我有應承過咩？
MS張：梗係有。
光：我唔覺我有應承過WOR。點都好，我真係有盡力去令自己開心啲。只係到呢一刻，我都係覺得同妳一齊至係最開心。
MS張：你未遇到你真正GE MS RIGHT啫。
光：又或者已經遇到，不過我唔係MR RIGHT LOR。
MS張：你有遵守承諾就好！你總會得到幸福。到時唔會再諗住我。
光：咁MS有冇遵守妳對我GE承諾？
MS張：下？有咩承諾？
光：妳唔記得？
MS張：冇AR。邊度有？
光：妳連妳應承過都唔記得，咁妳實冇遵守承諾LAR。
MS張：你講我聽係乜？唔記得唔代表冇守。
光：你真係想聽？
MS張：嗯。
光：你應承過我，有一招只會同我一齊至會用。
MS張思考了數秒，終於明白光的意思：”係……我應承過。”
光：咁有冇遵守承諾？
MS張：唔好講呢啲LAR。
光：我都係睇下MS張有冇口齒啫。
MS張：有呀有呀。
光：真係有遵守承諾？
MS張：都話有LOR。唔好問LAR。我返去湊女。
MS張站起來，拿著手袋走到大門前，準備穿鞋離去。光追上前問：”咁快走？”
MS張：邊個叫你講埋呢啲野？
光：對唔住。
MS張沒有理會，只顧穿鞋。
光捉著MS張的手臂：”我地仲有冇機會再見？”MS張撥開光的手：”如果你唔再逼迫我，我見到有好女仔就介紹畀你LAR。記住，對自己好。OK？”
光不知所措，但不想眼巴巴看著MS張開門離去。他用手按著門，不讓MS張走得那麼容易。MS張面向著光：”畀我走LAR。畀我走，我地仲係朋友。”
光：但我唔想同妳只係朋友。
MS張：我地最多只係朋友，冇得再多GA LAR。聽話LAR。放過我，放過自己。你對我仲有感情GE話，唔好令我唔安樂，可唔可以？
光的手不再按著大門：”可唔可以𡃶多妳一啖？”
MS張：朋友之間唔會𡃶GOR WOR。
光：最後一次，我應承妳。之後唔會再迫妳。
MS張點頭示意，準備開口叫光只能點到即止之際，光就鼓起勇氣吻了MS張的嘴。光仲出舌頭，企圖將舌頭伸進MS張的嘴內。MS張堅守著這條防線，更想推開光，但光迅即用身體壓著MS張，令MS張只能倚在大門。光見到MS張不願跟他濕吻，就索性讓自己的口水流出來，沾濕MS張的嘴唇和下巴。MS張感覺到光加強了攻勢，掙扎得更厲害。她嘗試蹲下避開光，並用右手輕力地打光的腰部。
光始終還是深愛著MS張。他知道MS張如此抗拒，也就停止攻勢。MS張怒視著光。光見狀就說”對唔住。”MS張沒有回應，轉身奪門而走。
MS張關好門，站在升降機前，按下了掣。等待期間，她拿出紙巾，準備抹去嘴上和下巴上的口水。她發現自己的上衣和長裙都有口水漬。”滴”一聲，光留下的唾液由下巴滴到地上。MS張凝視著地板上那一小點的水漬，想起剛才光所提及的那個承諾。升降機到了MS張所在的樓層，但她沒有進去，繼續望著地板。接著，還有另一滴口水從下巴滴到地上。
這一刻，MS張不由自主地轉身走回光的單位。她按鈴。