《喺Ocamp入面，我竟然同時成為兩個女神嘅獵物》: 感｜sharing

首先係到好多謝大家一直以嚟嘅支持！原諒我打口語，因為咁樣會打得快啲，同埋表達得清楚啲。
 
而個故事，我唔敢話係完全虛構，或者當中有部分片段發生過係自己身上，又有可能而個正正係某人嘅故事，所以有啲位置我將佢戲劇化咗，又或者將個背景轉咗。
 
啊謙，其實我覺得佢係一個幾幸運嘅人，可能因為佢本身幽默又帶點天真無邪嘅性格，所以容易吸引到異性，當然亦因為咁而產生好多嘅煩惱。如果真係要講，我覺得啊謙其實唔想身邊有咁多嘅異性，因為佢從來希望嘅，只係搵到一個自己鍾意嘅人。
 
芷晴，佢係一個我自己幾鍾意嘅角色，身材高佻靚女唔在講，性格直率，決定咗嘅野會勇敢去追，著重承諾亦都會比到人一種安穩嘅感覺，而啲都係佢最大嘅優點。故事入面，我最鍾意嘅係都認為Ocamp第一晚，係星空之下互生情愫，感覺往往係一瞬間出現。
 
依晨，係一個為咗自己鍾意嘅嘢，而會不擇手段去得到嗰樣嘢嘅人。故事入面，佢話自己好鍾意芷晴，但有時咁樣得到一個人，為純粹為啖氣，定係因為鍾意，我唔敢肯定咁講，只知道可恨之人必有可憐之處。
 




其他人就唔多講喇～
 
如果計埋而篇嘅話，而個故前前後後打咗接近六萬字，比起上一個故多咗三倍，都算係對自己嘅交代，坦白講好多時都未必有足夠時間去Proof read一次，所以有時都會見到有錯字，亦都感激有份幫我搵錯字嘅讀者。以前其實我一直都有上連登睇下故，嗰陣都有諗過自己寫下，但寫長故係我一直敢想而不敢做嘅事，最怕開咗個頭，冇時間收個尾，所以都幾慶幸可以完到今篇！不過最重要嘅，係你地嘅支持，而樣真係最重要！
 
至於嚟緊嗰個故呢，我應該會想打長啲，所以IG都會轉一轉排版，同時我應該會想試下將佢放埋上連登，希望大家到時都會繼續支持我喇！
 
 
人人將一生搬進博物館 完成不到的雕塑有幾款 明明可寫出佳作那筆管進殿堂前 枝枝只寫到一半 –天才兒童1985

P.S. 冇咩事我出番去做功課先～





歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！

出咗新故喇～《嗰晚，女神竟然攻擊我嘅Coin Master村莊》，希望大家多多支持～