《喺Ocamp入面，我竟然同時成為兩個女神嘅獵物》: 個｜individual

（…）
 
我已分不清，這到底是芷晴還是依晨的圈套…
 
就在我思緒凌亂之際。
 
「嘶…」依晨在輕輕的叫了一下，她嘗試站起來。
 
雖然我很想找出兇手，但，還是要先解決依晨現在的狀況。
 




「不如我call白車？」我問。
 
「唔使喇，其實我行到，但要慢啲。」依晨休息了一會，情緒恢復原來的狀態。
 
「但你郁一郁都痛喎。」我說。
 
「你扶住我咪得囉～」依晨笑著回應。
 
「好喇...但你頂唔順就要講！」我叮囑她。
 




「知喇～」依晨依舊笑說。
 
不一會我們就開始起行，慢慢的沿著馬路走出去，到達出口時已用了差不多一個多小時。為了方便回到市區，我預早電召了一部的士。
 
「你咁嘅情況，使唔使翻屋企先？」我問。
 
「但我想食嘢先...好肚餓啊！」依晨鼓著臉頰說。
 
「唔…」我在想，應否從依晨口中知道更多。
 




「師傅，去銅鑼灣啊唔該。」依晨已幫我下了決定。
 
然後…
 
「爸組，我飽喇～」依晨說。
 
此刻我們在銅鑼灣的一間樓上火鍋店，但她沒吃了多少就這樣說...
 
「你咁樣，我諗我地要打包喎。」我笑說。
 
「吓...」依晨說。
 
「聽人講有心事就會胃口差，你係咪咁啊。」我嘗試找機會試探。
 
結果是...




 
「冇啊～依家就食。」依晨笑說。
 
然後，整頓晚飯都沒有再提起過芷晴。
 
「你住邊啊，我送埋你翻去先。」我問。
 
既然找不到更多的線索，不如早點回家，我想。
 
「吓，咁早...」但依晨似乎不想離開。
 
「你隻腳整親，要快啲翻去休息！」我堅持。
 
「好喇...咁我地搭地鐵？」依晨不捨的說。
 




剛開始我還以為依晨要坐地鐵的原因是因為想陪我多一會，但當我看到她住的地方就是九龍站上蓋那些豪宅時，我徹底明白到毒撚切記太有自信...
 
「你翻去搵啲冰，敷住對腳，咁會好啲！」我再三叮囑依晨，雖然我覺得她的家人可能待會就會和她去私家醫院進行詳細的檢查。
 
「係喇，你都係啊，唔好為嗰單嘢唔開心喇！」依晨認真的說。
 
依晨總喜歡在我防不勝防的時候提及我想知道的訊息。
 
「我發覺你地都收風收得幾快。」我試探式的問。
 
「咁你要問芷晴喇～」依晨笑著說。
 
所以依晨的消息是從芷晴口中得知？要我主動問芷晴？她會怎樣想...
 
「啊，唔得，陣間比佢知我同你講咗，佢又嬲豬我～」依晨接著說。




 
我真的不應該找芷晴了解嗎？若然不是依晨說，那麼除了芷晴，又會是誰？
 
「唔...」我沒有回應依晨。
 
「喂啊，又而個樣！講咗唔可以唔開心㗎嘛！」依晨用手指彈了我的額頭一下。
 
「好喇，你快啲翻去喇～」我說。
 
我知道再和依晨說下去都不會有任何結果，因為答案在另一個女主角那裡。
 
「知喇！多謝爸組陪咗我一日～」依晨說。
 
「傻喇，搞到你咁我唔好意思就真。」我說得客套。
 




「嘻嘻，下次唔好搞到咁咪得囉。」依晨笑說。
 
「咁就唔好有下次喇～」我說。
 
我不想給她一個辦不到的承諾。
 
「哼，你試下！」依晨說罷就拍了拍我的額頭一下。
 
「走喇走喇～」我硬推著她進入升降機。
 
不知道大家是否試過，當一個人認真思考時，世界會變得安靜，即使你身處在人來人往的街道上。只是世界沉靜了，我仍能感受到手機傳來的震動，是啊宜。
 
「喂，依晨有冇講咩？」啊宜單刀直入。
 
「佢話，芷晴同佢講咗我單嘢…」然後我就把今天的故事告訴啊宜。
 
啊宜亦將她今天聽到的告訴我，都是一些舊調重談，但數量之多，使啊宜不得不用一整天的時間處理。
 
「照你咁講，而單嘢應該成個系都知？」我說。
 
「我諗係喇…」啊宜無奈的說。
 
「所以今期尋找仆街的故事入面嗰個仆街就係我喇～」我笑著自嘲。
 
「咁都要多謝你而個仆街為大家帶嚟歡樂。」啊宜笑說。
 
「所以你會搵芷晴傾？」啊宜接著問。
 
「我未諗到…」我對芷晴還是很信任，但是她真的沒有出賣我嗎？
 
「如果你真係要搵，可能會冇咗佢，你明我講咩？」啊宜說。
 
「我明…」我說。
 
那天晚上，我久久不能入眠，直到電話的屏幕亮起。
 
「可以啊」芷晴回覆我的訊息。
 
 
我知道妳我都沒有錯 只是忘了怎麼退後 信誓旦旦給了承諾 卻被時間撲了空 – 退後

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！

P.S. 聽日應該1點會係ig更新，3點會係紙言更新～

小弟最近要開始做功課喇，如果真係遲咗更新，請多多包涵～