《喺Ocamp入面，我竟然同時成為兩個女神嘅獵物》: 然｜however

（…）

但，沒有衣服的我怎麼辦？

「嗱...」芷晴拿出一袋衣服給我。

「點解嘅？」我疑問。

「冇啊，岩岩我地係中環行過見到，怕你冇衫換，所以咪買定比你。」依晨解釋。





「仆街，原來係一個局嚟。」我心想。

「我地沖先！」芷晴說罷就取走我手上剛買的洗頭水和沐浴露，然後和依晨走進更衣室。

十多分鐘後，她們已換回原來的衣服走了出來，時間比我想像中快。

草草沖身之後我便換上她們幫我準備我衣服，出乎意料的合身，包括內褲。

「唔錯啊～」依晨向換了間條襯衫和九分褲的我說。





「好fit身，話時話，而到幾錢？」我問。

依晨沒有作聲。

「啱身就得喇，我地行喇。」芷晴說罷就帶著依晨向前走。

原來是芷晴的主意，想不出她也頗細心。

「喂，係到諗咩啊！行喇。」依晨說。





「哦～」我說。

若要步行，愉景灣應是一個可以消費半天的地方。此刻，我們從大白灣走到打卡勝地－海濱白教堂，一路上當然是談笑風生。

「喂啊！影到我對腳咁肥，再影過喇！」芷晴說。

「爸組！可唔可以較光少少，而張相好暗啊！」依晨說。

「角度靠左少少，同埋個散景唔得，爸組你可唔可以專心啲！」芷晴說。

「爸組你試下企後少少，咁樣好似好啲。」依晨說。

談笑風生指的是她們，而我則是煉獄求生。

「好靚啊！」依晨說。





好不容易，我們終於到達海濱白教堂。看著過多的遊人，我想我終可以休息一下。

「依晨你睇吓，原來今日有人結婚啊！」芷晴指著正在行禮的新人說。

「好Sweet啊！」依晨說。

「咁多人都影唔到相㗎喇，不如我地去隔離坐吓喇？」我問。

「爸！組！」芷晴直盯著我。

依晨則是聳聳肩，表示愛莫能助。

「得，我自動靜音。」說罷我自動走到一旁坐下。





只見她們看著一對新人行禮，從宣誓、親吻、步出教堂、到拋花球，最後才走到我的身旁。

「如果有一日我都可以係到結婚就好喇！」芷晴說。

我告訴大家，這些場合你最好保持緘默，除非你們的關係已經去到談婚論嫁的地步，因為…

「唔難啊，申請咪得。」我說。

因為…我中伏了。

「唔係咁易㗎，你估搵到一個可以一生一世嘅人咁易嘅咩？」芷晴說。

「係囉，你要諗好多嘢㗎嘛。」依晨加入。

「我唔係…」我試著解釋。





「咩唔係，爸組你完全唔明囉！你！唔！明！」芷晴不讓我說下去，激動的情緒令的聯想出她是否有過不愉快的經歷。

「爸組啊，如果係你，你幻想中將來嘅婚禮會係點？」依晨問。

這個問題，是依晨想幫我解圍，還是另一個陷阱？只見芷晴看了看依晨，然後看著我，示意她也知道答案。

「我希望，我可以同一個我好鍾意嘅人一齊，咁我同佢嘅婚禮即使係任何地方都好，都會好幸福。」我想出一個看似是不會出錯的答案。

「一個好鍾意嘅人，如果可以同到佢一齊，的確係好幸福嘅…」芷晴說罷瞥了我一眼。

「只要同到鍾意嘅人一齊，結唔結婚都冇所謂喇…」依晨看著正在離開的一對新人說。

看著這尷尬的氣氛，我決定...





「喂喂喂，唔准咁灰㗎，最多爸組請你地飲正嘢！」說罷我就拉著她們前往旁邊的餐廳。

「依家我有話…」芷晴說。

「我請！」我說，為了轉移話題，你叫我此刻跳脫衣舞也未嘗不可。

「好喇～」芷晴和依晨同步回答，此刻的我確實是有點幸福。

不包括我的銀包...

飲飽食醉以後，我們再回到空無一人的白教堂拍照，這一次我學懂了沉默，因此很快的，我便幫她們完成今天的打卡任務。

完成任務以後，我們遊走在那個充滿歐陸風情的街道，然後隨意找了間餐廳用膳。

那晚，在回到中環的船上，我看著她們倆熟睡的身影，想著前天啊宜跟我說的話。

「咁就問佢地喇，分別！面對面！」

「或者咁樣，你個心會更清楚自己想點。」

的確，同時面對著她們倆，我根本分不清我真正想要的，看來我還是應該聽取啊宜的建議。

只是，當時的我還不知道，當我發掘得愈深，所伴隨的傷害就愈大。


我細看過 你的笑 與你的臉 我佔有過 你的愛 與你的暖 我也發覺 緣份曾 來過了 就在伸手那麼遠 － 華麗邂逅

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎，唔知聽日之前可唔可以去到200個Follower呢～

P.S. 聽日休息一天，係假期啊！！！！！！！！不過可能有少少預告，詳情可以留意我嘅ig story！