《喺Ocamp入面，我竟然同時成為兩個女神嘅獵物》: 系｜faculty｜O

（…）
 
然後，我就正式成為咗聽日Ocamp嘅藍組組爸，同時後來的…
 
「Hello！」時間為早上七時半，我提早到達集合地點。
 
「Hi!」
 
「咦？」
 




看來有些人仍未知道我成為了藍組的組爸，幸好的是在場大部分人我都認識，以致場面不會過於尷尬。稍後當所有籌委到齊後，營長啊禧亦向大家宣佈我正式參與是次Ocamp，讓大家知道我的角色為藍組組爸。
 
「喂啊宜，到時啲FM嚟到，你就主要照顧班女，我就睇住班仔？」我問身旁的啊宜。
 
「做咩啊，驚人話你豆腐爸爸啊？」啊宜笑說。
 
「係㗎，佢哋講到啊芷晨同埋依晨咁靚，陣間我淨係睇住佢哋就…」我笑說，卻沒有留意到啊宜正向我示意身後有人。
 
「哼，我聽到哂喇，組！爸！你講錯咗我哋個名！」我轉頭一看，說話的正是芷晴。身材略為高瘦的她，帶著白皙的臉孔、上天賜給她姣好的五官，迷人的雙眸，高挺的鼻子及自信的笑容。充滿陽光氣息的她今天穿著背心短褲，把略帶微金的長髮束起紮成馬尾，完美的展示她女神級的外貌以及四十二吋的長腿。
 




「芷晴你咁樣講㗎，組爸應該都係記錯姐！係咪先？」相比起芷晴，依晨沒有那份咄咄迫人的氣勢。相比起芷晴的陽光，身材同樣高挑的依晨，今天穿著露肩上衣及裙褲，配合她黑色的長髮、精緻的五官及雪白的面容，散發著另一種斯文氣質的女神感覺。
 
這兩位組女，雖然同樣有著女神的面容，但性格卻南轅北轍。
 
「喂喂喂，唔準蝦組爸，佢成晚冇瞓都係為咗你哋咋。」啊宜出手打算幫我解圍，我流露出感動的眼神，但怎麼感覺怪怪的。
 
「成晚冇瞓為咗我哋？」芷晴奸笑著。
 
「OMG，唔通你…」依晨這時亦笑說。
 




頂，我收回她們性格性格卻南轅北轍這個論點。果然，啊宜愈描愈黑。
 
「好喇好喇，我帶你哋去換衫先！」啊宜再出手。
 
「陣間見喇謙家。」依晨笑說。
 
對，我叫家謙，跟大家可能聽過的那個歌手同名。
 
「88，爸組。」芷晴亦笑說。
 
看著她們逐漸遠離的身影，我暗下決心一定要向她們倆報復，今日一定係因為我唔夠瞓先影響我嘅發揮！一定係！
 
不一會，所有組仔女都經已到齊，我們亦已換好組的Camptee，現在只等大會指示開始第一個遊戲──City Hunt，在全港進行大會給我們的主線、支線任務及自由任務。我們各組需要從任務中挑選一條最佳路線，可以取得最多分數並在限時前到達是次的營地──元朗大棠渡假村，有助建立組內的團隊精神。
 
「如果我哋去咗尖沙咀先，就可以一直沿住東鐵線做任務做上去。」芷晴說。




 
「過程入面亦都可以做埋其他支線同埋bonus任務，大家點睇？」依晨接著說下去。
 
芷晴及依晨各自提出建議，其他組仔女均表示認同。
 
「而個方法幾好，組爸組媽，咁我哋係咪可以出發？」說話的應該是…好像是…啊龍？
 
「可以啊，只要你哋Plan好咗！」我說。
 
「唔係組爸，係爸！組！」芷晴邊說邊向我吐舌。
 
「睇嚟你哋唔打算放過組爸。」我苦笑。
 
「行喇，謙家～」依晨亦跟著說。
 




其他組仔女看著這個情境笑了起來。在跑hunt的過程中，我和啊宜盡量只扮演參與者的角色，而帶領他們前進的主要是芷晴和依晨。
 
「而個到底係咩意思？」芷晴突然在沙田大會堂外問。
 
其他組員即時圍著她七嘴八舌，然後都表現得一臉迷惘。
 
「咩事？」我和啊宜亦走近了解。
 
「佢話唔知要點樣係個地下到郁，但唔多明佢講咩。」說話的是另一個叫啊恩的女生。
 
我看著任務，內容是要求任何一名組員沿著任何一條樓梯兔仔跳下去。
 
「我哋幫唔幫佢哋好？」我問啊宜。
 
「你示範一次比佢哋睇囉，喂喂，組爸示範喇！」啊宜笑說。




 
啊宜你...
 
然後我就從沙田大會堂外的長樓梯兔仔跳了一次，然後他們大笑。
 
「恭喜你哋完成咗隱藏任務，攞到額外一百分。」跟組oc啊嵐向他們宣佈。
 
「WTF！？咩任務？」我問。
 
「OC姐姐係出發前同我哋講咗有一個隱藏任務，就係要fake到組爸同組媽其中一個跳樓梯，咁組媽弱質纖纖，又係女仔，爸組你咁好，唔會忍心睇住我哋跳嘅～」說時芷晴露出可憐的神情。
 
「所以我哋一早同組媽講咗會fake謙家你做而個任務㗎，嘻嘻唔好嬲喇，最多唔叫你謙家一次喇，家謙爸。」依晨亦笑說。
 
「為何受傷的總是我。」我心想。
 




難得聽到芷晴和依晨向我低聲下氣，我便聳聳肩膀，示意沒有生氣。然後他們都走來安慰我，說「之後不會再這樣對我」諸如此類的說話，而芷晴和依晨則在一旁看著我傻笑。
 
正所謂「冤有頭債有主」啊禧，我會找你算帳的，在我解決芷晴和依晨之後。
 
下午四時，他們一致決定不能再繼續進行任務，因為如果不能在五點半前入營會會反被扣分，因此我們決定在沙田坐上前往元朗的巴士。上車後，我們走到上層的車尾坐下，啊宜很體貼，知道我極需要補眠，所以把近窗位置讓給我，而她就負責和組仔女繼續聊天，人生得此組老婆，死而無憾！只知道我在夢與非夢之間，聽到坐在我後方的芷晴和依晨說話。
 
「爸組都幾cute，咁玩佢都唔嬲。」芷晴說。
 
「嘻嘻，我都覺，好耐冇見過咁白痴嘅男仔。」依晨說。
 
「大佬你哋兩個讀女校，梗係喇。」我想，然後就直接斷片。
 
 
怎麼可休息 雙眼忘了 躺在耳筒邊 繼續笑 － 傾通宵

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！

P.S. 聽日應該1點會係ig更新，3點會係紙言更新