因為我個仆街老豆 我被下了一個賓周會變短的詛咒: 65. 欣欣的決心
「欣欣！?」
只見欣欣的頭正枕在自己的胸膛上，而被外露出了她雪白的香肩。
李乘風火速打開被鋪向內望了一望，然後發現兩人都是赤裸裸正玉帛相見，眼前這狀況讓李乘風近乎崩潰差點昏掉。
(點會咁㗎！李乘風你哩個禽獸！) 李勝風這刻恨不得立即一槍打爆自己個頭，他完全接受不到自己對欣欣竟做了如此禽獸的行為…
(咪住… 我應該無咗哩個能力，.或者事情未去到最壞嘅地步...?)突然，李乘風首次感激自己變成了一個太監。
不過床上的血漬幻滅了他最後的幻想，本身他應該為自己仍有這能力而高興，但這刻他只想把自己直接殺掉。
「乘風哥哥你醒嗱?」這時欣欣終於裝作剛剛睡醒。
「欣欣，對唔住...乘風哥...我竟然做咗啲咁禽獸嘅嘢！」李乘風沒面目再叫自己哥哥，若現在身旁有刀，他絕不介意自己立即引頸一快一死以謝天下。現在對李乘風來說，他最著緊，甚至是唯一還著緊的人，非欣欣莫屬，而自己對她竟然做了如此可惡的行為...
「乘風哥哥，你唔好鬧自己住冷靜啲先，聽我講晒我想講嘅嘢先可唔可以?」見李乘風悲痛內疚的樣子欣欣立即說道。
「你鬧我啦...打死我都得...」李乘風開始掌摑自己。
「停手呀！琴晚所有嘢都係我自願你無逼我㗎！」欣欣立即阻止李乘風。
「欣欣…你知唔知你講緊咩?」聽到欣欣的說話李乘風的腦部已不能運作。
「乘風哥哥…其實欣欣由好細個開始已經好鍾意你，一直都希望將來長大可以嫁比你做你嘅太太，但我知道你一直都只當我係妹妹，所以我只好一直將哩份心意收埋喺心入面，希望等長大後可以慢慢改變你對我嘅睇法… 不過自從Aunite過咗身，我就熄滅咗哩個諗法，因為我知做你情人可以有好多人排隊，但做你親人，就只係得返我一個可以。如果我做咗你情人，你就唔會再有任何親人，咁我寧願做你家人等你可以有多一個人去錫你…」欣欣繼續抱著李乘風深情地說道。
「欣欣...」聽到這裏李乘風已感動得泣不成聲，同時間，他很害怕會失去欣欣。
「只但係… 之後我見乘風哥哥你嘅女朋友不論係Miss Lui又好周紫盈都好，最後都只係狠狠咁傷害咗你，仲攪到你開始變成一個花心蘿蔔，開始不停咁穿梭於唔同嘅女仔之間，我見到真係好心痛… 而近排你仲慢慢開始性情大變，無晒自信，性格又好似越嚟越孤僻同暴燥… 我唔知可以做啲咩去幫你… 然後我開始諗，我之前嘅想法係錯，因為哩個世界根本無人可以及我咁鍾意乘風哥哥你，所以只有我先可以比到幸福你… 但我知乘風哥哥你一直都只係當我係妹妹，為咗改變我地嘅關係，唔比你拒絕我，我只好用最直接嘅方法將自己交比你… 乘風哥哥，你會唔會好嬲我?」欣欣膽怯地問。
「欣欣...」除了這兩個字，李乘風不知自己還能說甚麼。嬲欣欣? 不可能。不感動? 更不可能。只是霎時間他真的接受不了欣欣突如其來的表白，而自己剛剛還要奪走了對方最寶貴的東西…
「但係我…比唔到幸福你㗎… 你琴晚應該都知道，我依家根本連一個男人都講唔上係…」
「乘風哥哥，你記唔記得我地細個嗰陣有一次，我百厭係遊樂場擒高擒低，結果唔小心跌親撞到塊面瘀晒變到好醜樣。嗰陣我好驚毀容以後唔靚係咁喊，你記唔記得你跟住同我講咩?」欣欣陶醉地邊回憶著邊笑著問道。
「我話...就算你真係好唔返毀咗容變咗醜女，都一定唔會無人要，因為欣欣係乘風哥哥心目中永遠都係咁靚，無人要乘風哥哥一定會娶你...」李乘風亦邊回憶邊答道。
「你竟然仲記得!? 」欣欣一臉驚喜。
李乘風只能以一個勉強的笑容作回應。
「 嗰刻聽到你咁講，我突然覺得咁就算好唔返都無咩所謂了，因為咁我就可以嫁比你喇… 你諗下嗰陣你都無嫌我醜話肯娶我，我依家又點會嫌棄你哩啲嘢? 雖然琴晚我係有啲驚訝，亦唔知之前Miss Lui同周紫盈同你分手關唔關哩個問題事攪到你變成咁… 但我同佢地唔同㗎，就算你係點只要可以同你一齊我咩都唔會介意，我淨係想永遠可以陪住你喺你身邊… 而且你睇下哩啲血漬，咁代表你唔係真係唔得㗎…」欣欣努力鼓勵著李乘風。
「細個講嘅嘢又點可以當真呢…琴晚我唔知點解會咁，但我真係比唔到幸福你㗎…」知欣欣誤會了，李乘風亦沒解釋，反正說出來也沒人會相信，這刻他著緊的只是不想連累欣欣誤她終生。
「你唔好咁快否定自己啦! 而且無性咪無性囉，邊個話兩個人一齊一定要哩啲嘢㗎啫?就算你哩世都唔得，但有咗琴晚我已經心滿意足… 而且你又點知琴晚發生嘅嘢將來唔可以再發生?
你記唔記得我地細個又有一次，我係間飾物鋪頭入面掛住玩唔小心打爛咗個好貴嘅玻璃飾物，個店長好嬲話要搵我屋企人賠又話要打死我，跟住你二話不說企在係我前面話係你打爛唔關我事，結果嗰次你返到去比Auntie嘅藤條打到成腳都係瘀痕… 第二日我見到你傷成咁係咁喊你仲忍住痛笑笑口同我講叫我唔駛驚，話以後無論我闖左咩彌天大禍你都會幫我揹，會一直保護我唔會比我受任何傷害同委屈? 」
「哩啲小事你又記得咁清楚...」李乘風被欣欣勾起兒時的回憶亦不禁微笑著說道。
「對我嚟講同你嘅每一件事都唔會係小事! 乘風哥哥，其實我都一樣，我都唔想你受任何嘅傷害同委屈，我想保護返你呀! 我明你擔心同唔想我受委屈，但你擔心嘅嘢對我嚟講根本都唔係委屈，我完全唔介意! 對我嚟講唔可以喺你身邊愛你照顧你令你開心快樂，反而要睇住你日日受傷同唔開心而我乜都做唔到對我先係最大嘅委屈同傷害呀! 乘風哥哥你明唔明?」欣欣到最後越說越大聲。
聽到欣欣一段又一段的真情剖白，李乘風說不感動一定是騙人。只是要他突然接受欣欣成為自己的女人，這心理關口確實不是這麼容易。更重要是現在的自己，他真的沒信心給得了欣欣幸福。
欣欣見李乘風沉默沒有回應，她越來越害怕亦越來越心急。
「乘風哥哥，無論點都好，琴晚發生嘅嘢已經係事實，改變唔到，如果你仲係嫌棄我唔肯比個機會我，我都唔想再做人喇，前排你咪想自殺嘅，我地可以一齊呀，不過我行先你一步!」說完她突然從床頭櫃上拿起了一支筆向自己心口方向刺去。
其實這當然不足以取掉自己性命，但一來已經沒時間讓李乘風多想，二來那怕只是一點傷害他也不希望發生在欣欣身上。他看見後立刻阻止了欣欣，搶去了她手上的筆然後說
「你唔好咁傻啦，我點會嫌棄你，只會係你嫌棄我… 欣欣我希望你真係諗清楚，我唔想你將來後悔呀…」李乘風盡最後努力勸說欣欣。
「我諗得好清楚! 除咗你我邊個都唔會要唔會鍾意! 除非你咁忍心想我一世都孤獨終老啦!」欣欣不用思考便大聲答道。
「你都講到咁…我仲可以講啲咩?」去到這地步，李乘風只能接受。
「即係你肯接受我?」欣欣一臉欣喜。
「嗯…」
「好嘢!」欣欣立刻抱實了李乘風並送上了熱情的香吻。
感受著對方柔軟的嘴唇，李乘風雖然仍不習慣，甚至有點亂倫的感覺，但美人恩重，軟玉在懷，他亦嘗試努力回應著對方並告訢自己要快點習慣這段新關係。既然有些東西自己註定不能給對方，那就只能在其他方面彌補盡量讓她不受半點委屈。
熱吻完二人發覺大家還是赤裸狀態，各自都紅著臉地穿回衣服，然後再相擁而卧。望著一臉歡喜的欣欣，這刻李乘風的心情也好回不少。至少，他能感受到欣欣這刻是發自內心的高興，這刻他只希望自己能讓這笑容永遠掛在欣欣的臉上。
「欣欣，到底你係幾時開始對我有非份之想?」把欣欣抱入懷裏，李乘風問道。
「咩非份之想咁難聽呀! 係愛慕之情!」欣欣一掌拍落李乘風胸口然後說道。
「其實具體幾時我都唔知呀~ 不過你記唔記得我小一嗰陣有一次我地同其他小朋友喺個好大嘅公園玩捉迷藏? 嗰陣我貪玩，專登匿埋咗喺一個好隱蔽嘅叢林入面，結果天黑都未有人搵到我，然後個個仲要走晒唔理我… 嗰陣因為已經天黑，對於嗰陣仲好細粒嘅我附近又全部係啲樹遮住晒我，之後仲突然落起大雨雷電交加，我更加唔敢周圍走淨係識驚同喊，但一直都無人嚟救我… 我嗰陣真係好驚好無助，好彩係得你無放棄繼續搵最後先終於搵到返我咋! 嗰陣見你啲手腳全部損晒我就知你為咗搵我應該穿同爬過好多地方，但你都無擔心過自己一見我就好緊張咁問我有無事…
嗰陣開始我對你就好似多咗種唔同嘅感覺，見到你我永遠都可以好安心好有好全感… 之後我地大家都慢慢長大，而你所散發嘅光芒亦越來越強，因此我對你嘅崇拜同愛慕…都一樣越嚟越強… 你知唔知我小三果陣有篇作文要寫我的志願，我初初係寫要做乘風哥哥嘅太太? 當然寫完之後太怕醜唔敢比人睇所以最後先寫咗另一篇交功課咋，但篇原稿其實到依家都仲收埋喺我櫃桶入面…
對唔住呀乘風哥哥，我好似一輪嘴咁講咗好多肉麻嘢…你係咪聽到好悶?哩啲說話其實我屈咗喺個心入面十幾年但一直我都無得同其他人講…依家終於可以講出嚟 所以一時興奮就係咁講停唔到… 其實我只係想話比你聽我依家真係好開心呀~」
看著欣欣甜到漏的笑容，聽著欣欣繼續忘我的表白，李乘風百感交集。原來這個傻妹迷戀了自己那麼長的時間，還要是近乎痴戀的程度而自己竟然一直懵然不知… 這刻他感受到因受欣欣深情的感動，自己對她的感情正慢慢由親情轉化為另一種更特別的感情。他可以不信愛情，但他不可能不信欣欣。這刻，他暗地裏發誓一定要讓欣欣的笑容永掛臉上，然後，他首次發自真心想以一個男人身份把欣欣抱緊在自己懷中。
「傻妹，聽你咁深情嘅表白我點會悶呢? 不知幾想繼續聽~ 欣欣對唔住呀… 係乘風哥哥太遲鈍一直唔知你嘅心意要你一直受委屈…乘風哥哥以後一定會更加疼錫同補償你!」
「邊關你事呢~一切都係欣欣自己嘅選擇… 有你頭先嗰句說話，欣欣覺得一切都係值得… 就算依家要死，我都死而無憾喇…」欣欣臉上的笑容確實很滿足。
「唔准講哩啲嘢呀! 邊個都唔可以死! 而且點會無遺憾呢，我地仲有好長嘅日子要過㗎嘛! 唔通你唔想咩?」李乘風裝作生氣地說。
「想! 我哩世都要同乘風哥哥一齊! 欣欣覺得自己真係好幸福…」十多年的感情終於得到回報，這刻欣欣難以言喻自己的喜悅之情。依偎在李乘風的肩膊上，縱使淚流滿面，但這刻的眼淚卻是帶著甜甜的味道。
(乘風哥哥，原諒我呃咗你扮唔知你中咗詛咒，但我所做嘅一切， 都只係為咗你好…)
只是在她心目中，始終還是有一個定時炸彈般的隱患存在著。