因為我個仆街老豆 我被下了一個賓周會變短的詛咒: 44. 禍根
時間轉眼間又過了半年時間，李乘風和周紫盈亦踏入了大學Yr2，由於開始間中需要到醫院實習，二人特別是李乘風明顯在學業上的壓力驟增，這讓二人見面的時間慢慢減少。
這一晚，周紫盈和Jolina正在觀看電視一個叫”全人造星”的節目，沒錯，就是類似我們全民造星那類節目，當中一個叫曹子仁的參觀者吸引了周紫盈的眼球。
「嘩，Jolina，你睇哩個曹子仁好靚仔呀! 自彈自唱仲好好聽!」周紫盈看得有點陶醉。
「係? 咁你覺得佢靚仔啲定你個乘風BB靚仔啲?」Jolina眼珠一轉問道。
「咁如果純講外表，佢應該再靚仔過乘風少少，但計晒所有嘢就一定係乘風好啲!」周紫盈對李乘風有近乎盲目的自信。
「咁你又唔識佢，唔應該咁武斷喎，話唔定佢性格都好好呢? 你有無興趣認識下佢?」Jolina回應說。
「點識呀?你識佢?」周紫盈愕然。
「佢係我中學同學，我同佢都熟熟地㗎， 同埋其實佢都係讀CU~」Jolina有點得意說道。
「竟然? 點解無聽過哩個人嘅存在?咁佢係咪好多女仔埋身?」周紫盈驚訝地問。
「佢以前唔係咁型係個肥仔嚟㗎，係早一年一次失戀後大受打擊之後先變成咁~ 點啫，想唔想識佢?」Jolina又問。
「唔好喇，你知我對靚仔會失控㗎啦，同埋費事乘風有咩誤會啦…」幸好周紫盈了解自己亦沒有失去理智。
「話事話，你近排好似陪少咗佢喎?」Jolina突然又話題一轉。
「係呀，佢近排比較忙，無計啦…」周紫盈對此亦有點無奈，但同時間亦慢慢習慣了。
「係忙定係對你無咁上心呀?」Jolina不懷好意地問。
「梗係忙啦~」周紫盈立即答。
「咁有信心?其實佢對你都唔係咁著緊啫，上次我話介紹靚仔比你識，你睇佢都完全無反應。」Jolina開始落藥。
「咁係因為佢對我有信心啫~」周紫盈幫李乘風解釋。
「你有無聽過當一個男人無咗危機感，對你亦都會越嚟越唔著緊? 仲要你睇佢嘅條件幾搶手先得㗎!不過都係我講啫，佢對你有無改變你自己最清楚啦 ~」Jolina突然又以退為進。
「咁佢係真係無以前咁緊張我嘅，始終大家都忙咗…」周紫盈開始有點唏噓。
「你要捉緊佢嘅心，就一定要適當時候比啲危機感佢，話比佢聽佢唔係食硬你，你都可以有其他選擇，到佢驚失去你喇，自然會對你比以前更著緊啦~」Jolina乘勢說道。
「係咪㗎…」周紫盈開始有點被說服。
「你睇咁多小說同連登，大把個案就係太易得到或者太過安穩結果個男仔就唔識珍惜啦…」Jolina再提出論據去支持自己論點。
「咁又好似係…」想了想，周紫盈覺得又好像真的是這樣。
「所以間中要嚇下佢，你咪可以順便知佢緊唔緊你囉~ 一於咁話啦，嚟緊我搵晚約曹子仁食飯再介紹你識~」見對方動搖Jolina立即乘勢說道。
若在古時，Jolina絕對可以做一個出色的說客，因為她太善於掌控人心。
不得不佩服Jolina的效率，飯局很快便約好在這個星期六晚。本身周紫盈還有點猶豫，因為星期六本身是李乘風和她慣性拍拖的日子，不過碰巧李乘風星期一有考試，所以他主動提出這星期六讓他溫書，星期日才和周紫盈一起午餐，這亦順理成章讓周紫盈答應了出席飯局。但基於備案又好，試探又好，周紫盈亦有向李乘風提及這飯局，只是李乘風的反應並不似預期。
「紫盈，我嚟緊星期一要考試呀，今個週末要溫書… 不如我地星期日先見?」
「哦… 你近排啲 weekend成日都唔得閒㗎!不過Jolina本身都想約我今個星期六晚食飯，咁我應承佢啦…」周紫盈有點失望。
「都好，等我無咁內疚~」見周紫盈有節目李乘風也能少點內疚。
「佢仲話會帶個朋友嚟join。」周紫盈順勢提道。
「咁開心?」
「不過男仔嚟㗎喎…」周紫盈再補充句試探道。
「下? 係佢自己target定真係介紹男仔你識呀?」李乘風突然想起半年前Jolina那時的挑釁。
「唔知喎… 好似係佢中同，近排仲有參加全人造星㗎!」周紫盈沒有直說。
「係咩?咁你咪有機會識到明日之星囉~」李乖風並沒怎樣看該節目所以也沒甚麼為意。
「其實我同其他男仔食飯你唔介意咩?」周紫盈問。
「咁你都要應酬你個姊妹嘅…而且我唔信你信邊個呢? 唔信你都信你個嘅眼光啦，已經有個最好嘅係你身邊咯~」李乖風還是不以為意地說。
「唔知醜!」
對於李乘風的回答，周紫盈一方面感激他對自己的信任，但另一方面又想起Jolina所說的危機感，明顯地，李乘風現在對她確實完全沒有任何危機感，亦開始讓她產生了一些其他的想法。
雖然本身對這餐晚飯沒甚麼特別心思，不過正如周紫盈自己和很多人所說，她對靚仔的免疫力是比較低，所以一看見曹子仁真人不久，加上Jolina不斷助攻製造氣氛，她很快便放下戒心和他有講有笑。同時間，這個曹子仁不知道是性格真的是平易近人，還是也被周紫盈的美貌所吸引，他亦很投入和周紫盈的互動當中，而在Jolina慫恿下，他中途更在café找來一支結他即直自彈自唱表演了兩首歌。由於他因電視節目也算有一定知名度，所以這表演炒熱了整間café的氣氛，靚仔加才子，周紫盈自然對他亦充滿了欣賞和好感。
第二天當周紫盈和李乘風午餐的時候，周紫盈也有和李乘風說昨晚發生的事。
「你唔係度唔知咋，佢一拎起支結他唱歌，成間café 啲女人都全部變晒心心眼呀~」周紫盈回味著昨晚情況說道。
「咁誇張? 咁包唔包括你?」李乘風笑著問。
「如果唔係早已經有你，我可能都會淪陷㗎~」為了製造危機感，周紫盈沒有掩飾。
「咁睇嚟我都要做返啲嘢先得喎…」這終於讓李乘風有少少呷醋，對這事稍為上了點心。
「係呀~小心啲呀~」見李乘風終於有反應周紫盈笑著說。
Lunch完後，李乘風把周紫盈帶回了家，說陪她再在Netflix看一套戲後才開始溫書，而就在電影完後後，他又突然從房裏拿出了一支結他，然後自彈自唱起來。
「哩首歌，其實係我之前為你而寫㗎，一直諗住等有適當場合先唱比你聽，點知拖下拖下就唔記得咗…」唱完後李乘風說。
情人為自己作的曲詞加上李乘風動人的歌聲，周紫盈怎可能不淪陷，感動萬分? 這刻那個曹子仁自然變得連微塵都不如，完全不能和李乘風相比。當周紫盈再從醉人的氣氛中回神過來，發現自己已被李乘風帶入房中，然後嘴唇直接被眼前的男人封住了。本就動情至極，周紫盈那還按捺得住，接著自然讓李乘風享盡自己的溫柔和風情，一室皆春。
過了一會李乘風見周紫盈已不支睡著了，便心滿意足地下床走出客廳繼續溫書，這刻，他相信自己絕對能留得住周紫盈的心，然後又把這件事放下了。而周紫盈臉上露出滿足的笑容同時，亦真正意識到危機感的好處，不其然感激Jolina的提醒。