因為我個仆街老豆 我被下了一個賓周會變短的詛咒: 38. 畢業禮
轉眼間就到放榜的日子，最後李乘風順利考入港大的醫科，而周紫盈則略為失手，入了中大的護理系。不能讀同一間大學，二人當然失望，不過這刻他們對彼此仍十分有信心，深信他們可以跨過一切考驗和障礙。 (這裏為了更貼合之後劇情，故意把兩間U的收生要求倒轉了。網上資料顯示醫科港大收生應比中大高，而Nursing則中大比港大高。)
「BB，Sorry我入唔到港大Nursing呀， 無得同你同一間大學添…」上網知道了結果後，周紫盈立刻失望地打了給李乘風。
「盈盈，唔緊要啦，我都唔夠分入中大醫科… 或者個天都想比下考驗我地，捱過就可以娶你返屋企㗎喇~」李乘風也失望，但還是努力鼓勵著周紫盈。
「越嚟越口花花啦你! 邊個話嫁比你呀唔知醜~ 你呀，唔准亂咁識啲女醫生同護士同學呀! 第日日日都要打比我備案!」果然周紫盈聽後忍不住笑著說。
李乘風:「你先係呀~ 我女朋友咁靚，實大把人追! 你眼尾都唔准望下佢地呀! 我要睇下有咩方法可以喺啲狗公面宣示主權先得!」
「咁要睇下你乖唔乖多唔多搵我喇~ 如果你令我太寂寞，無人知發生咩事㗎~」周紫盈笑著威脅。
李乘風:「嗯... 雖然我知會好忙， 不過我一定會盡量抽時間陪你!」
周紫盈:「傻佬，我講笑咋! 我都會好忙，大家一齊努力啦!」
放榜後不久就是畢業禮，亦代表李乘風踏入了中學生涯的最後一日。
校長訓話，上台領取畢業証書，禮成後所有畢業生都瘋狂和不同老師和同學拍照談天，各人在喜悅的表情下明顯亦藏著各種的不捨。
李乘風望著禮堂的講台，想起了自己在這間學校的點點滴滴。認識各位同學和老師、母親逝世、陸運會、斷手，Musical、和Miss Lui相戀、分手、再和周紫盈相戀… 很多回憶彷佛都像昨天才發生一樣。
突然間，一個熟悉又陌生的臉孔出現在他的眼前。
「李乘風，恭喜你入到你想入嘅科呀，第日要做個好醫生呀，最緊要係Missie第日有病搵你你要比折Missie呀。」
「多謝Miss Lui…」李乘風百感交集地說。
然後二人陷入了沉寂。
「過埋今日，我地可能以後都唔會再見喇…」Miss Lui首先打破了沉默。
李乘風:「未必嘅，嚟緊可能會有班聚呢，而且我第日可能都會返嚟探下唔同老師嘅…」
「嗯…乘風，你仲有無嬲我?」猶豫了一會Miss Lui問。
「仲重要咩?」李乘風側了頭望著遠處問。
Miss Lui:「我想知道…」
「有，我嬲你無口齒，嬲你唔守信用…」李乘風平靜地說。
「係我唔啱… 不過依家嘅你都有人陪唔駛孤單一個啦。」Miss Lui有點心酸地說。
「係呀，我依家過得好好。」李乘風故意答道。
「咁就好… 同Missie最後自拍張?」害怕以後再問機會，Miss Lui主動提議。
「好…」李乘風想了想後答。
「我又影!」
就在李乘風set好鏡頭位置預備按制的時候，一個女子突然攝入了他們中間的位置一手搭著李乘風一手搭著Miss Lui。
“咔嚓”
「Yeah~ Musical Re-U 自拍~」
來者自然是周紫盈同學。
早一些時間，她已發現李乘風和Miss Lui二人在單獨閒談，自然特別在意，而當她看見他們準備自拍時，佔有慾越來越強的她沒經思考便自動衝了過去攝鏡。
「好啦，唔阻你地”依泣”，上到大學繼續比心機，得閒就返下嚟探下我地啦…之後記住send返張相比我呀。」Miss Lui心裏嘆息了一聲，說完這句便轉身離開。
「Byebye Miss Lui…」
望著Miss Lui的背影，李乘風發現他的心原來還是會有痛和不捨的感覺。
「乘風，我地再一齊周圍行下影下相囉~」不讓他多想，周紫盈便拉著他東奔西走周圍影相。
始終這裏對周紫盈亦是充滿了回憶的地方。在這裏，她遇上了他，然後一見傾心，再單戀了四年多的時間後終於在這裏讓他於成為了自己的男人。很快，李乘風亦重新投入，和風紫盈一起回味著在學校裏過往六年的點點滴滴。
這晚，李乘風在睡前拿起手機回看這天所影的相，掃著掃著便掃到和Miss Lui以及周紫盈的合照。
原本屬於李乘風和Miss Lui二人的相片，中間突然多了一個周紫盈變成了三個人，這張相確實著充滿著諷刺的意味。
李乘風把相片send了給Miss Lui，接著打了一個message。
“你同David一齊過得幸唔幸福?”
不過在臨按send時，卻又開始猶豫。
(仲重要咩? 佢答你幸福你會開心? 佢答你唔幸福你係咪放棄紫盈追返佢?)
嘆了一口氣，李乘風把message delete掉，然後重新輸入了一句
“多謝你哩幾年嘅陪伴，比咗我最珍貴嘅回憶，亦教曉咗我好多道理，希望你以後都可以幸福。”
望著李乘風的message，Miss Lui在房內獨自傷心發呆，久久覆不出一個字...突然間一個電話讓她驚醒過來
「Daisy?」
「家寶，成功喇! 我啱啱毀滅晒個人渣所有嘅片喇，你唔駛再比佢威脅以後自由喇!」