因為我個仆街老豆 我被下了一個賓周會變短的詛咒: 28. 決定

「點解Miss Lui會喺房走出嚟?」李乘風想Daisy能給他答案。
 
「我地一齊出去問下佢啦...」但Daisy不能，所以說完便捉著李乘風出了去。
 
「呂家寶!」Daisy略帶憤怒地叫道。
 
「Daisy? 乘風?」Miss Lui看見二人大吃一驚。
 
「點解你會喺度? 你同David喺入面做咩?」Daisy 上前質問。
 




「我... 我...」心虛的Miss Lui說不出半個字。
 
「哩個幾月見你突然唔同晒我地都覺得好怪， 有日我無意發現你竟然食緊事後丸，但同時間李乘風同我講你哩個幾月都唔比佢掂你， 心血來潮下，我今日見你咁夜仲出去就偷偷地跟住你，點知比我發現我最好嘅朋友竟然搭上我男朋友...」Dasiy痛心地說。
 
「Miss Lui… 佢講嘅... 都係真嘅?」第一次聽到事情的始末，李乘風腦袋已經不能運作。
 
「唔係㗎...件事唔係你地諗咁㗎...」見Daisy和李乘風誤會，Miss Lui焦急地想解釋。
 
「咁係點?」Daisy 問。
 




「係...係...」但話到嘴邊Miss Lui 卻講不出半個字。
 
「你講啦，只要你講我就信㗎喇...」李乘風懇求Miss Lui解釋，只要她講他就會信。
 
「我...」可惜事情的原因Miss Lui根本講不出口。她知道講了一切都會前功盡廢，她和李乘風的人生都會面對可能承受不了的衝擊。
 
「呂家寶，我地恩斷義絕...」Daisy見Miss Lui始終沒有解釋，失去了耐性徹底死心，轉身離開。
 
「Daisy!」Miss Lui呼喊。
 




「Miss Lui...點解...點解你要咁對我...」李乘風仍不能接受現實，企在原地。
 
「乘風...你要信我...」Miss Lui哀求。
 
「走啦，仲留喺度做咩!」見李乘風仍呆在原地，Daisy便回頭把李乘風捉走了。
 
「點解... 到底我做錯咗啲咩個天要咁對我...」望著越走越遠的二人，Miss Lui再也支持不住跪在地上痛哭起來。她知道她的願境，一直支撐著她捱下去的動力，再也不可能會實現…
 
 
的士上，Daisy和李乘風心情都十分沉重，誰也沒再出聲。
 
「我估大家都需要啲時間冷靜下消化件事，我送你返屋企先，有咩之後再傾啦...」還是Daisy首先開口。
 
「好...」
 




 
「Daisy，你覺得Miss Lui真係會咁?」到到李乘風家，李乘風落車時突然又轉頭問。
 
「我唔想信，但暫時見到嘅事實似乎唔到我地唔信，我都要好好思考下嚟緊應該點做...」
 
除了Miss Lui，Daisy還要思考David的問題。
 
 
接著Daisy回到智能櫃拿回行李然後打算回家執拾些少日用物品和衣服便再找地方暫住，不過就在她執拾好預備離開的時候，Miss Lui亦回來了。
 
「Daisy，你聽我解釋…」一打開門看見Daisy，Miss Lui立即把她捉住。
 
「仲有咩好解釋?」
 
「件事真係唔係你諗咁… 頭先乘風喺度我唔方便講，但如果係你我相信你會夠成熟同冷靜同我一齊諗辦法解決… 我真係好需要你嘅支持…」害怕Daisy不聽解釋便離開，Miss Lui很快說道。




 
「你講…」見Miss Lui似乎真有難言之癮，Daisy再給了她一次機會。
 
於是Miss Lui便把鄭子誠如何逼迫自己陪他的事告訴了Daisy。
 
「我真係唔係有心暪你，但我好驚比鄭子誠知道佢真係會張啲片放上網… 我唔知點算好，你原諒我啦…」說完Miss Lui便哭求Daisy的原諒。
 
「你個傻婆! 發生咁大件事做咩自己揹晒唔同我講呀! 係我對你唔住害咗你… 我真係無諗過帶佢返黎佢會做啲咁嘅嘢㗎! 我先要講對唔住… 係我毀咗你嘅幸福…」Daisy聽完真相後受到很大的打擊，眼淚亦再也止不住。
 
她從沒想過自己的男朋友是如此一個衣冠禽獸，更沒想過因為自己疏忽，讓自己的好朋友賠上了一生的幸福和屈辱，而自己剛剛還要錯怪了她對她惡言相向... 內疚，傷痛衝斥著Daisy的心靈，她把Miss Lui緊緊擁抱在懷中。
 
一直孤軍作戰的Miss Lui這刻得到Daisy的體諒，再也忍不住在對方懷內失聲嚎哭起來。
 
 
過了良久，Miss Lui哭聲漸止。




 
「咁你依家諗住點?」Daisy擔心問道。
 
「我其實仲可以點? 不過至少你知道咗真相唔駛再繼續同個人渣一齊都算係好事… 對唔住，明知佢係PK我都一直無同你講，我驚你同佢分手後佢唔知會做啲咩出嚟…」Miss Lui內疚地說道。
 
Daisy:「你唔好再講對唔住，係我對你唔住先真… 其實我有個諗法，因為佢未知我知道咗，我亦未同佢講分手，或者我地可以利用下哩點… 如果順利，咁就可以一次過解決所有危機，你都唔駛驚再比佢威脅… 不過我需要啲時間，而且唔知成唔成功同要幾耐…」
 
「你想留喺佢身邊睇下有無機會拎返啲片?」Miss Lui立刻意會到Daisy的想法。
 
「嗯… 佢唔會估到你夠膽講個真相比我聽。如果我扮無嘢，然後暗中留意同調查，或者可以搵到啲片再毀滅咗佢! 」Daisy越說越有決心。
 
「但好危險喎…而且哩段時間你咪仲要忍受同佢一齊?」Miss Lui說出她的顧慮。
 
Daisy:「比起你一直受嘅苦，我哩啲忍受算得係啲咩… 但喺未成功之前，可能都係要繼續委屈你要同佢…」
 




「反正唔搏我都唔會走得甩，但搏可能仲有機會可以早日解脫，係會害埋你啫…」Miss Lui仍覺得不好意思。
 
「係我害成你咁，哩個責我一定要負，唔係我一世都唔會安樂…」不過Daisy主意已決。
 
「Daisy…」Miss Lui 感動。
 
「係姐妹就唔駛講咁多… 反而你諗住同李乘風點?」Daisy又提出了另一問題。
 
「其實我啱啱返嚟嘅時候都諗咗好耐… 雖然係好唔捨得，但我估咁同佢分開暫時對大家可能都係最好嘅選擇，事實上哩段時間我一直都唔知應該點面對佢好… 」想了一想後Miss Lui答道。
 
Daisy:「你真係捨得就咁放棄佢? 」
 
「唔捨得都要捨得… 哩個懲罰其實都係上天提醒我我真係做錯咗… 或者就咁分開，等佢升咗上大學如果大家仲係有緣嘅先再算啦…」Miss Lui痛心地說。
 
Daisy:「明白… 你諗住點同佢講?」
 
Miss Lui:「真相係一定唔可以比佢知… 或者乘機將錯就錯，就比佢當成我係有第二個啦…」
 
Daisy:「咁佢會好傷心…亦都好委屈你…」
 
Miss Lui:「傷心都只係一時，總比佢知道真相然後毀咗佢嘅人生好…」
 
Daisy:「希望佢捱得過啦…」
 
「我信佢一定得嘅，只係心痛佢又要變返自已孤仱仱一個人…」Miss Lui心痛地說。